Европанинг кучли чемпионатларидаги марказий ўйинларга превью шаклида тўхталиб ўтамиз. Умид қиламиз, сиз бу ўйинларни ўтказиб юбормайсиз ва сайтимиз орқали ташкил этиладиган матнли онлайн трансляцияларни кузатиб борасиз.
Испания. "ГРАНАДА" - "БАРСЕЛОНА". 28 февраль, соат 20:00.
— "Гранада" клуби Испания чемпионати доирасида ўз майдонида "Барселона"ни 21-марта қабул қилади. Каталонияликлар бу жамоага қарши сафар ўйинларида 11 марта ғалаба қозонишган, 5 марта ютқазишган ва 4 марта дуранг ўйнашган.
— Ўтган мавсумда "Гранада" ўз майдонида "кўк-анорранглилар"ни 1:0 ҳисобида мағлуб этишганди. Ўша ғалаба "Гранада" учун 1972 йилдан бери ўз майдонида "Барселона" устидан қозонилган илк ғалаба бўлди.
— Месси ўтган турда "Малага"га қарши ўйинда гол ура олмади. Бунгача Лионель кетма-кет 6та ўйинда 11та гол уришга муваффақ бўлганди.
— Неймар Ла лиганинг ушбу мавсумида 17та гол уришга эришди. Бунгача бразилиялик футболчилар орасида Луис Фабиано Испания чемпионати доирасида битта мавсумда Неймарга нисбатан кўпроқ гол урганди (2007/2008 мавсум, 24та гол).
Англия. "ЛИВЕРПУЛЬ" - "МАНЧЕСТЕР СИТИ". 1 март, соат 17:00.
— "Ливерпуль" 11 мавсумдан бери ўз майдонида "Сити"га ютқазмаяпти. Охирги марта меҳмонлар 2003 йилнинг май ойида ғалаба қозонишганди.
— "Манчестер Сити" сўнгги 6та ўйиндан бери "Ливерпуль" дарвозасига камида 2тадан гол урмоқда (уйда ва сафарда).
— "Сити" бугун ютса, 1937 йилдан бери илк марта "Ливерпуль"ни битта мавсумда иккита ўйинда мағлуб этган бўлади.
— "Ливерпуль" ушбу мавсумда ҳозирча 38та гол урди. Бу ўтган мавсумнинг шу даврига нисбатан 28та голга кам (66).
— "Сити" футболчиларининг 14% зарбалари голга айланган ("Челси" ва "МЮ"да ҳам шундай кўрсаткич). Ушбу мавсумда АПЛнинг бирорта клубида юқори фоизга эга эмас. Шунингдек, "шаҳарликлар" 192та бурчак зарбасидан 1тасини голга айлантиришган холос (0,5% — АПЛнинг 20та жамоаси орасида энг паст кўрсаткич).
Испания. "РЕАЛ" - "ВИЛЬЯРРЕАЛ". 1 мартдан 2 мартга ўтар кечаси 01:00да.
— "Реал" Испания чемпионати доирасида ўз майдонида "Вильярреал"га ҳеч қачон ютқазмаган (11 ғалаба, 3 дуранг).
— "Реал" ўз уйида "Вильярреал"га қарши ўйинларнинг сўнгги 6тасида фақат ғалаба қозонмоқда. "Сариқ сувости кемаси" сўнгги марта 2006 йилда "Сантьяго Бернабеу"да дуранг ўйнаган (0:0).
— "Реал" Ла лиганинг ушбу мавсумида ҳали бирорта ўйинда ҳам дуранг ўйнамади (20та ғалаба, 4та мағлубият). Бу — "Мадрид" жамоаси тарихида энг узун дурангсиз ўйинлар серияси. Бу борада чемпионат рекорди эса "Спортинг" клубига тегишли. Хихонликлар 2008/09-мавсумда кетма-кет 33та ўйинда дуранг қайд этишмаган (22та мағлубият, 11 ғалаба).
— "Реал" футболчилари ушбу мавсумда рақиб дарвозаси устуни ёки тўсинини 16 марта нишонга олишган. Бу Ла лига жамоалар орасида энг юқори кўрсаткич. Иккинчи ўринда "Барселона" бормоқда (14та зарба).
— Криштиану Роналду (206та гол) "Реал"нинг Испания чемпионатларидаги голлари сони бўйича учинчи ўринда бормоқда. Ди Стефано (216) ва Рауль (228) унга нисбатан кўпроқ гол уришган.
Италия. "РОМА" - "ЮВЕНТУС". 2 мартдан 3 мартга ўтар кечаси 00:45да
— 21-асрда "Рома" ўз майдонида бўлиб ўтган "Ювентус"га қарши ўйинларда бор-йўғи 2 марта ғалаба қозонган (2004 йил - 4:0, 2013 йил - 1:0).
— "Рома" ушбу мавсумда ўз уйида ўтказган 12та ўйиннинг бирортасида ҳам ютқазмади. Ўз навбатида "Ювентус" сафарда фақат "Женоа"га ютқазди.
— 2014 йилнинг октябрь ойидаги ўша мағлубиятдан бери "Ювентус" кетма-кет 22та ўйинда ютқазмаяпти (Италия Суперкубоги учун бўлиб ўтган ўйинни қўшиб ҳисоблаганда. Ўшанда ўйиннинг қўшимча бўлимидан сўнг дуранг қайд этилганди - 2:2. Пенальтилар сериясида "Наполи" ғалаба қозонган).
— А сериянинг сўнгги 7 тури давомида "Ювентус" ва "Рома" жамоалари очколари орасидаги фарқ 1 очкодан 9 очкога ошди.
— "Рома" бош мураббийи Руди Гарсия "Ювентус"га қарши барча 3та ўйинида ютқазган.
— "Ювентус" ушбу мавсумда чемпионатда урган 51та голидан 13тасини жарима майдончаси ташқарисидан йўлланган зарба орқали урган. "Рома" эса ўзининг 37та голидан 8тасини шундай тарзда рақиб дарвозасига киритган.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Хоразм
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
