Ўзбекистон клублари Осиё чемпионлар лигасининг 2-турини бирорта ғалабасиз якунлашди. Навбатдаги жамоамизга Саудиядан нафақат ғалаба билан қайтиш, балки дуранг ўйнаш ҳам насиб этмади.
Сафарда кучли рақибга қарши ўйинни инобатга олиб, Рўзиқул Бердиев ҳимоявий тактика танлади. Шунга қарамай, "Насаф"нинг ҳимояси ва дарвозабонига нисбатан "Ал-Аҳли"нинг ҳужумчилари кучлироқ чиқишди.
Биринчи бўлимнинг 22-дақиқасида чап қанотдан берилган узатмани Умар ас-Сома бош билан қаршиликлар дарвозасини ишғол қилди.
Бутун ўйин давомида ар-риёдликлар устунликка эришишди. "Насаф"нинг ҳужумдаги ишлари кўп ҳам қовушмади. Шундай бўлса-да, ўйиннинг 65-дақиқасида "аждарлар" жарима зарбасидан жуда унумли фойдаланишди. Геворкян ажойиб зарба билан даврозанинг "тўққизлиги"га тўпни "михлаб" қўйди.
Афсуски, дарвозабоннинг қўпол хатоси туфайли "Ал-Аҳли" яна ҳисобда олдинга чиқиб олди. Бу сафар ўнг қанотдан узатилган тўпга чиқишда Элдор Суюнов хатога йўл қўйди. Ундан ўтиб кетган тўпни Солиҳ Муҳаммад бош билан дарвозага жойлаб қўйди.
Ўйиннинг сўнгги дақиқаларида "Насаф" яна "стандарт" туфайли мағлубиятдан қутулиб қолиши мумкин эди. Рақиб жарима майдончасининг ўнг қанотида узатма амалга оширилаётганида тўп ҳимоячининг қўлига теккани учун жарима зарбаси белгиланди. Геворкян тўпни ерлатиб 11 метрли нуқта атрофига узатди ва Ҳамза Каримов тўпни дарвоза томон бурди. Тўп эса шундоққина дарвоза устуни ёнидан ўтиб кетди.
ОЧЛ, 2-ТУР. "D" ГУРУҲИ
"АЛ-АҲЛИ" - "НАСАФ" - 2:1 (1:0)
Голлар: Умар ас-Сома (22), Солиҳ Муҳаммад (78) — Артур Геворкян (65)
Огоҳлантиришлар: Закариё ас-Суданий (42), Волид Бакшвин (90+2)
"Ал-Аҳли": 22.Абдуллоҳ ал-Муайюф, 3.Усама Ҳавсавий, 4.Волид Бакшвин, 9.Умар ас-Сома, 11.Ҳуссайн ал-Моқаҳвий, 13.Муҳаммад Абдулшафий, 17.Освалдо Лоренсо Фильо, 21.Оқил ал-Саҳобий, 24.Салмон Мувашар, 25.Мутаз Ҳавсавий, 29.Закариё ас-Суданий
"Насаф": 25.Элдорбек Суюнов, 4.Мақсуд Каримов, 9.Илҳом Шомуродов, 15.Рой Рок, 17.Артур Геворкян, 20.Эркин Бойдуллаев, 23.Шерзод Аъзамов, 28.Шуҳрат Муҳаммадиев, 32.Ҳамза Каримов, 33.Одилжон Ҳамробеков, 34.Фаррух Сайфиев
Бош ҳакам: Стребне Деловски (Австралия)
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
