| ' |
|
Эътиборингиз учун раҳмат |
| ' |
|
"Классико"га тайёрланиш учун "Барса" ихтиёрида 1 ҳафта вақт бор. "Реал" эса ҳафта ўртасида "Шальке" билан ЕЧЛ баҳсини ўтказади. |
| ' |
|
Ушбу турда барча етакчилар 3 очкони ўзлариники қилиб олишди. Энди эса навбат "ЭЛ-КЛАССИКО"га! |
| 90+1' |
 |
ЎЙИН ЯКУНЛАНДИ. "БАРСЕЛОНА" - "ОСАСУНА" - 7:0! |
| 90+1' |
 |
Иккинчи бўлимга 1 дақиқа қўшиб берилди |
| 90' |
 |
Мессининг узатмасини Педро 5-6 метрлардан муаммосиз дарвозага йўллади! |
| 90' |
 |
"Осасуна" бутунлай нокаутга учради, ўртоқлар!!! 7:0!!! |
| 88' |
|
Алвес ўнг қанотда тўпни жарима майдончасидаги Мессига узатди. У эса кичик пауза орқали рақибни ортда қолдирди ва дарвозани ишғол қилди! |
| 88' |
|
Оҳ-ҳоҳо-ҳоооо! 6:0! Месси!!! |
| 83' |
 |
"Осасуна"да сўнгги ўзгариш: Ориоль Риера ўрнига Хавьер Аукнья туширилди |
| 82' |
|
Маскерано майдонни тарк этди. Адриано Коррейя ўйинни давом эттиради |
| 81' |
 |
Сехудога огоҳлантириш - майдон марказидаги қўпол ўйини учун |
| 78' |
|
Иньеста жарима майдончасининг чап қанотида очилаётган Кристианга тўпни узатди. Тельо бироз марказга сурилди ва икки ҳимоячини алдаб ўтиб, олис бурчакни аниқ нишонга олди. Тўп юқори "тўққизлик"ка кириб кетди. Чиройли гол. |
| 78' |
|
Гоооооллл!!!! "Барса" гол уришдан, ҳужум ташкил қилишдан чарчамади бугун! |
| 73' |
|
Меҳмонлар бурчак тўпини амалга оширишди, аммо бундан ҳеч қандай наф чиқмади. Аксинча, мезбонлар қарши ҳужумга ўтишди. Якунй паллада дарвозабон билан бирга-бир вазиятга чиққан Месси тўпни Андрес Фернандес устидан ошира олмади. |
| 70' |
|
"Осасуна"да иккинчи ўзгариш: Пуньаль майдонга тушди, Роберто Торрес тарк этди |
| 68' |
|
Лионель Месси хет-трик қилишига бир баҳя қолди! Яна ўша Иньеста узатган тўпга бу сафар Месси бирозгина етолмай қолди. Акс ҳолда ўзининг учинчи, жамоасининг бешинчи голини урарди. |
| 64' |
|
"Осасуна"да ҳам ўзгариш бўлди. Арментерос майдонни тарк этди, Лобато туширилди |
| 64' |
|
Иньеста ва Месси - бу голни биргаликда юзага келтиришди. Дастлаб Иньеста тўпни Мессига етказди. У жарима майдончасида ҳимоячиларни чалғитди-чалғитди ва тўпни яна Андресга қайтариб берди. Испан ярим ҳимоячиси ўйланиб ўтирмасдан тўпни дарвозабон майдончасига сари йўллади ва аргентиналик ҳужумчи муаммосиз дарвозани ишғол қилди! |
| 64' |
|
Мана ниҳоят тўртинчи гооооооллл!!! МЕссига дублга эришмоқда |
| 62' |
|
Хави ўрнига Александр Сонг туширилди. |
| 60' |
|
Оҳо! Меҳмонларнинг жарима тўпи хавфли чиқди. Роберто Торрес тўпни жарима майдончаси марказига етказиб берди. Тўп ҳеч кимга тегмади, аммо дарвозага кириб кетишига ҳам сал қолди. |
| 59' |
|
Керак бўлмаган вазиятда Хавьер Маскерано сариқ карточка олмоқда. У подкат ишлатиб, Сехудога нисбатан хавфли ўйнади. |
| 55' |
 |
Меҳмонлар кам сонли ҳужумларидан бирини уюштиришди. Ориоль Риера тўпга мослаша олмади ва вазиятни йўқотди |
| 53' |
|
Оҳҳҳ, қандай вазият! Педро тўпни қанотдан жарима майдончасига етказиб берди. Иньести тўпни дарвоза томон бурди, аммо у шундоққина дарвоза устуни ёнидан ўтиб кетди. |
| 51' |
|
Ўйиндаги дастлабки сариқ карточка. Алехандро Аррибас тўп учун курашдан оёғини ҳаддан ташқари баланд кўтарди ва Санчеснинг қорнига жароҳат етказди. |
| 51' |
 |
Каталонияликлар рақибга ҳеч қандай имконият беришмаяпти. Ҳисобнинг шундай қолишига ҳам рози "Осасуна" |
| 49' |
|
Санчеснинг зарбаси "Барса" футболчиларидан бирига тегди ва майдонни тарк этди |
| 48' |
|
Иккинчи бўлим бошида ҳам сценарий ўзгармади. "Барса" майдоннинг иккинчи ярмида ҳужум ташкил қилмоқда |
| 47' |
|
Иккинчи бўлимни жамоалар бош мураббийлари ўзгаришларсиз бошлашга қарор қилишди |
| 46' |
|
ИККИНЧИ БЎЛИМ БОШЛАНДИ! |
| ' |
|
Танаффус, бироз дам оламиз |
| 45' |
|
Ҳакам биринчи бўлимга ҳечвақо қўшмади. Биринчи бўлимдан кейин "Барса" 3:0 ҳисобида ғалаба қозонмоқда |
| 44' |
|
Меҳмонлар дарвозаси олдида яна бир хавф юзага келиши мумкин эди. Педро Мессига тўпни аниқ етказиб бера олмади. |
| 42' |
|
Зерикиб кетган Вальдес майдон марказига келди, ўз ҳимоячилари билан тўпни 1-2 марта ўзаро бир-бирларига узатишди ва шундан кейин яна ўз дарвозасига қайтиб кетди. Чой-пой дамлаб бериш керак унга :). Бироз сабр қилса, кийиниш хонасида иссиқ чой ичиб олади |
| 41' |
|
"Осасуна" қандай ҳимояланишни ҳам билмаяпти ҳаттоки |
| 40' |
|
ЯНА БИР ВАЗИЯТ! Педро! Одатда бундай вазиятлар гол билан якунланади! Иньеста тўпни баландлатиб Алвесга узатди. Данни бош билан уни жарима майдончаси марказига қайтарди. Педро эса 3 метрдан дарвозанинг бўш қолган қисмини ишғол қила олмади! Ҳайрон қоласан киши! |
| 39' |
|
ХААААВИ! Иньеста дарвозанинг олис устуни томон тўпни узатди. Хави эса тўпни ерга туширмасдан яқин бурчакни нишонга олишга ҳаракат қилди. Яна Фернандес ажойиб сейв намойиш қилди! |
| 37' |
|
ДАНИ АЛВЕС! 25-30 метрлардан кучли зарба йўллади бразилиялик ҳимоячи. Дарвозабон Адрес Фернандес катта қийинчилик билан тўпни бурчак тўпи томонга буриб юборди. |
| 36' |
|
"Барса" эса 3та гол билан чекланмайди шекилли |
| 35' |
|
Ўйиннинг эндигина 3дан 1 қисми ортда қолди, аммо ўйин тақдири ҳал. |
| 34' |
|
Андреас Иньестанинг голидан кейин ҳисоб йирик кўриниш олмоқда! Бускетс тўпни Иньестага етказди. Андрес эса олдинга интилди ва 22-23 метрлардан дарвозанинг олис бурчагини аниқ нишонга олди! |
| 34' |
|
Гоооооллллл!!! |
| 29' |
|
Памплоналиклар таслим бўлишгандек гўё. Ўйин бошида "Осасуна" футболчиларининг кўзида учқун кўринаётанди. Ҳозир эса ушбу чўғ сўниб қолгандек. |
| 27' |
|
ПЕДРО! Гол уриши мумкин эди! У яна чап қанотдан жарима майдончасига ёриб кирди ва дарҳол дарвоза майдончаси томон тўпни етказди. Бу сафар у ерда Месси ҳам, Санчес ҳам йўқ эди. |
| 26' |
|
"Барса" 5 дақиқага темпни оширди ва 2та гол уриб олди. Энди эса хотиржамлик билан вазиятни назорат қилишмоқда. Меҳмонлар эса кичик "нокдаун" ҳолатига тушишди ва фақат ҳимояланишмоқда. |
| 24' |
|
Дарвоқе, иккинчи голда 3 дақиқа олдин Алексис Санчес тўпни дарвозабоннинг устидан ошириб, дарвозага йўлламоқчи бўлганида, у мўлжалда бироз адашганди. |
| 23' |
|
Яна бир супер-комбинация! Ҳужум бу сафар ҳам чап қанотдан ташкиллаштирилди. Бу сафар у қанотда Иньестанинг узатмасини Хорди Альба қабул қилиб олди ва тўпни дарвозабон майдончасига етказди. Алекссис Санчес муаммосиз тўпни дарвозага жойлаб қўйди. |
| 23' |
|
Гооооооооооооооооолллл! Энди "Барселона"ни тўхтатиш қийин бўлади! |
| 18' |
|
Педро дарвоза томон чап қанотдан яқинлашиб борди. Тўпни жарима майдончаси чизиғи ёнига яқинлашган Хавига узатди. Эрнандес тўпни ўзида ушлаб турди ва ҳимоячини икки марта майдонга ётқизиб, ўнг қанотда жарима майдончасига кириб келган Санчесга тўпни узатди. Алексис кучли зарба билан дарвозабон майдончаси томон тепди. У ерда Лео Месси пайдо бўлди ва енгил ҳаракат билан тўпни олис бурчакка буриб юборди. Жуда чиройли гол! |
| 18' |
|
Лео Месси жуда гўзал комбинацияни гол билан якунламоқда! |
| 18' |
|
Гооооооооооооооолллл! ГОООЛЛЛЛ! |
| 15' |
|
Альваро Сехудо! Даҳшатли зарба! Тўп бурчакдан дарвозабон майдончасининг олис қанотига узатилди. У ерда футболчи тўпни ерга туширмасдан дарвозани ишғол қилмоқчи бўлди. Тўп дарвозага аниқ бормади! |
| 12' |
|
Ҳм... Ҳакам ҳозир "Осасуна" дарвозасига бемалол пенальти белгилаши мумкин эди. Алексис Санчес зарба бериш учун қулай вазиятга чиқди, зарба бермоқчи бўлганида ҳимоячи "подкат" орқали уни йиқитди. Ҳакам елка қисишдан нарига ўтмади. |
| 11' |
|
"Барселона" ҳамон рақиб дарвозаси олдида голга тортадиган вазият содир эта олмади. "Осасуна" эса анча ишонч билан ўйнамоқда. |
| 9' |
 |
ГООООООООООЛ! Меҳмонлар гол уришмоқда, аммо ҳақли равишда бу гол бекор қилинмоқда. Эмилиано Арментерос жарима майдончаси ташқарисидан дарвозанинг олис бурчаги томон зарба берди. Вальдес тўпни қайтарди. Қайтган тўпга Риера биринчи бўлиб етиб келди ва тўпни дарвозага йўллади. Бироқ дарвоза томон зарба берилаётганда у офсайдда қолган экан! |
| 7' |
|
Илк дақиқаларда "Барселона" унчалик ишонч билан ўйнай олмаяпти. Яккама-якка курашларда меҳмонлар ғалаба қозонишмоқда. |
| 6' |
|
ХАВФЛИ ВАЗИЯТ! Хави тўпни жарима майдончасининг чапроғига узатиб берди. Меҳмонлар тўпни узоқлатиришга уринишди. Санчес эса тўпни ерга туширмасдан, дарвоза томон зарба берди. Зарбага бирозгина аниқлие етишмади. |
| 5' |
 |
"Осасуна"нинг икки нафар футболчиси офсайдда қолиб кетди. Тўп Ориоль Риерага узатилганди. |
| 4' |
|
"Осасуна" майдоннинг мезбонлар томонидаёқ прессинг уюштирмоқда. Аммо каталонияликлар вазиятдан осонлик билан чиқиб кетишмоқда. |
| 3' |
|
Мессининг узатмасидан кейин Алвес офсайдда қолиб кетди |
| 3' |
|
"Барселона" ўйин бошидан тўпни назорат қилиб, "қизиб олиш" машғулотни ўтказишмоқда. Бошқача бўлиши ҳам мумкин эмас. |
| 1' |
|
УЧРАШУВ БОШЛАНДИ! |
| ' |
|
Жамоалар майдонда саф тортишди |
| ' |
|
Яна бир неча дақиқалардан кейин "Барселона" ва "Осасуна" жамоалари ўртасида "Камп Ноу"да бошланадиган ўйинни онлайн тарзда кузатиб боришга таклиф қиламиз. |
| ' |
|
Хайрли оқшом, қадрли футбол мухлислари! Барчангизда сайтимизда кўриб турганимиздан мамнунмиз |
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
