16:00. Олий лига-2014, 4-тур
| ' |
|
Эътиборингиз учун раҳмат |
| 90+4' |
 |
ЎЙИН НИҲОЯСИГА ЕТДИ! |
| 90+3' |
 |
Магерамов ўнг қанотдан ҳужумга ўтди ва ўткир бурчак остида зарба берди. Тўп дарвоза устуни ёнида ўтиб кетди |
| 90+1' |
 |
Иккинчи бўлимга 3 дақиқа қўшиб берилди |
| 90' |
 |
Катта Ҳасановнинг зарбаси жонли деворга тегиб қайтди, Тўраев зарбаси эса ҳимоячилардан бирига тегиб қайтди |
| 90' |
|
Мезбонлар шундоққина жарима майдончаси чизиғи устида жарима зарбасини тепиш ҳуқуқини қўлга киритишди. |
| 88' |
 |
Расул Ҳайитов жарима майдончаси устида турган ҳужумчи Бердиевга узатганди. Тўхтахўжаев тўпни қайтариб қолди |
| 86' |
|
Кичик Ҳасанов жарима майдончаси ичида зарба йўллай олмади. Тўраевнинг зарбаси эса ноаниқ чиқди |
| 84' |
|
"Сўғдиёна"нинг бу галги ҳужуми чиройли ташкил этилди. Чап қанотдан етказилган тўпни Нестеров ён томонга уриб юборди. Бобур Қосимов тўпни эгаллаб дарвозабон майдончаси томон узатди. Суҳроб Бердиев эса яқин масофадан тўпни дарвозага йўллади! |
| 83' |
 |
Гоооолллл!!!! |
| 82' |
 |
Суҳроб Қобилов ўрнига Санжар Рашидов ("Бунёдкор"даги Сардор Рашидовнинг укаси) майдонга тушди |
| 81' |
|
Ўнг қанотдан Ҳасанов тўпни жарима майдончаси ичидаги Тожиевга узатди. Фарҳод атайлаб тўп устидан ўтиб кетди, аммо уни ортида қўллаб-қувватлайдиган футболчи йўқ эди |
| 79' |
|
Иван Нагаев қарсаклар остида майдонни тарк этмоқда, Сардор Мирзаев ўйинни давом эттиради |
| 78' |
|
Темирйўлчиларнинг навбатдаги хавфли ҳужуми. Мустафоев чап қанотдан ҳужумга қўшилди ва тўпни Тожиев томон узатди. Фарҳод тўпга бирозгина ета олмади |
| 75' |
|
!!! Ҳимоячи тўпни дарвоза чизиғи устида қайтариб қолди! Ҳужум чап қанотда Лутфулланинг тўпни катта Ҳасановга етказиб беришидан кейин бошланди. Жасур дарвозабон майдончаси чизиғи устида турган Нагаевни тўп билан таъминлади. Ваня дарвозага тескари турган ҳолатда ўнг томонда очилган кичик Ҳасановга тўпни узатди. Кичик Жасурнинг зарбаси эса Меленчукнинг қўлига тегиб, дарвоза томон йўл олаётганди, ҳимоячи тўпни қайтариб қолди! |
| 74' |
|
Катта Ҳасанов етказиб берган тўп тўппа-тўғри Тожиев бошига етиб борди. Бироқ Фарҳоднинг зарбаси ноаниқ бўлди |
| 72' |
|
Виктор Карпенко чиройли узатма билан кичик Ҳасановни дарвозабон билан бирга-бир вазиятга чиқариб юборди. Жасур эса ортиқча муаммосиз Меленчукни доғда қолдирди! |
| 72' |
|
Гоооолллллл!!!!! |
| 69' |
|
"Локо"да навбатдаги ўзгариш. Иброҳим Раҳимов майдонни тарк этди. Кичик Жасур Ҳасанов ўйинни давом эттиради |
| 68' |
|
Вячеслав Шевченко майдонни тарк этди. Фарҳод Тожиев ўйинни давом эттирмоқда |
| 68' |
 |
Бобур Қосимов майдон марказида қоида бузгани учун огоҳлантириш олди |
| 66' |
|
Вячеслав Шевченко энди Меленчук билан юзма-юз вазиятга чиқиб борди. Бу сафар ҳам рандевуда молдовалик посбон устун келди! |
| 63' |
|
"Сўғдиёна"да иккинчи ўзгариш. Жасур Ҳакимов майдонни тарк этди, Бобур Қосимов ўйинни давом эттиради |
| 60' |
|
Тезкор ҳужумни тўхтатгани учун Бобур Йўлдошев огоҳланлантириш олди! |
| 59' |
|
!!! Лутфулла Тўраев чиройли пас билан Ҳасановни олдинга бошлади. Тезкор Жасур ҳимоячиларда ўтиб кетди ва жарима майдончасига кириб борди. Ярим ҳимоячи тўпни нариги қанотда очилаётган Шевченкога узатганди, ҳимоячи тўпни қайтарди. Тўп эса дарвозабонга тегиб, майдонни тарк этди! |
| 57' |
|
Иван яна бир қулай имкониятдан фойдалана олмади! Тўраевнинг узатмасидан кейин Нагаев дарвозабон билан юзма-юз вазиятда қолди. Тўпни бош билан посбоннинг устида ошириб ташламоқчи бўлганди, Меленчук тўпни ён томонга уриб юборди. Боз устига, Ваня офсайдда қолган экан... |
| 55' |
|
Нагаевда яна бир имконият! Ваня бу сафар чап қанот бўйлаб Магерамов таъқиби остида жарима майдончасига кириб борди ва рақибни чалғитиб, дарвозанинг олис бурчаги томон зарба берди. Ноаниқ! |
| 54' |
|
Иккинчи бўлим бошида меҳмонлар сафида битта ўзгариш амалга оширилибди. Ориф Мамажонов ўрнига Вусал Магерамов ўйинни давом эттирмоқда |
| 53' |
|
"Сўғдиёна" футболчиси Вусал Магерамов ўнг қанотдан тўпни рақиб жарима майдончаси остонаси томон узатди. Нестеров эса олдинга чиқиб, тўпни боши билан майдон ташқарасига чиқариб юборди |
| 51' |
|
Нагаеевввв! Яна бир марта яккама-якка вазиятдан фойдалана олмади. Майдон эгалари ўз жарима майдончалари яқинидан тўпни майдон маркази томон тепишди. Жиззахлик футболчилардан бири тўпга ташланди, аммо уни ўтказиб юборди. Ваня эса майдон марказидан бошлаб тўп билан олдинга интилди ва жарима майдончасига кириб келиб, зарба берди. Тўп Меленчукнинг қўлига тегиб, дарвоза устуни ёнидан ўтиб кетди. |
| 49' |
|
Мезбонларнинг қарши ҳужуми хавфли бўлиши мумкин эди, агар марказий ҳимоячи тўпни бир амаллаб қайтариб қолмаганида |
| 48' |
|
Меҳмонлар бўлимни фаол бошлашди. Аюбхон Нўъмонов олис масофадан зарба йўллади. Ноаниқ |
| 46' |
|
Жамоалар таркибида ҳозирча ўзгариш бўлмади |
| 46' |
|
ИККИНЧИ БЎЛИМ БОШЛАНДИ |
| ' |
|
Жамоалар майдонга чиқиб келишди |
| ' |
|
Танаффус пайтида "Локомотив" футзал клуби аъзолари Ўзбекистон чемпионлиги билан муборакбод этилди |
| 45+2' |
|
"Локо" футболчиси Бобур Йўлдошев жароҳат олгани боис компенсация вақти деярли 2 дақиқа давом этди. Ильгиз Танташевнинг хуштаги янграб, биринчи бўлимни якунлади. Танаффус! |
| 45+1' |
|
Биринчи бўлимга 1 дақиқа қўшиб берилди |
| 45' |
|
"Локомотив" тезкор қарши ҳужумга ўтди. Иброҳим Раҳимов ўнг қанотдан тўпни чап қанотда очилган Ҳасановга узатди. Жасурнинг ерлатиб берган кучли зарбасини Меленчук оёғи билан қайтариб қолди. Қайтган тўпни ҳимоячилар узоқлаштиришди |
| 45' |
|
Аюбхон Нўъмонов томонидан дарвоза томон берилган зарбани Нестеров қайтарди. Тўп эса Аюбхоннинг ўзига келиб тушди ва жарима майдончаси чизиғи устидан берилган зарбага аниқлик етишмади |
| 44' |
 |
Жиззахликлар чап қанотдан жарима зарбасини қўлга киритишди. |
| 41' |
|
Ҳужум кетидан ҳужум! "Сўғдиёна" ўз жарима майдончаси ичидаёқ тўпни Карпенкога олдириб қўйди. Виктор тўпни Шевченкога узатди ва украиналик ҳужумчи бир ҳимоячини алдаб ўтаётганида мудофаа чизиғи вакили уни оёғидан илиб қолди. Аммо тўпга Фозил Мусаев дарҳол зарба берди. Александр Меленчук ажойиб сейв намойиш қилиб, тўпни дарвоза устидан ошириб юборди! |
| 40' |
|
Иброҳим Раҳимов майдон марказида ҳаволаб келган тўпни ерга туширмасдан ҳужум чизиғи томон узатди. Нагаев сал тезкор ҳаракат қилганида яна дарвозабон билан бирга-бир вазиятга қочиб кетарди. Аммо ҳимоячи уни зарарсизлантира олди! |
| 38' |
|
Иван Нагаев дарвозабон билан бирга-бир вазиятга чиқиб борди ва тўпни посбоннинг ёнидан ўтказиб, дарвозани ишғол қилмоқчи бўлди. Аммо тўп дарвоза устунига тегиб, майдонни тарк этди!!! |
| 37' |
|
"Темирйўлчилар" яхши ҳужум ташкил қилишди. Яна чап қанотдан уюштирилган ҳужумдан кейин Нагаев жарима майдончачи чизиғи устида тўпни қабул қилди. Аммо зарба беришга улгурмасдан, тўпни шерикларига етказди. Кейинги ҳаракатлар натижасида хавф йўққа чиқди - Карпенконинг зарбаси анча ноаниқ чиқди |
| 33' |
|
Стандарт вазият пайтида "Локо" футболчилари ўз жарима майдончалари ичида яхши ҳимояланишмоқда |
| 33' |
 |
Жарима тўпини меҳмонлар тўғри жарима майдончасига етказишди ва бурчак тўпи ишлашди. |
| 32' |
|
Фозил Мусаев огоҳлантириш олди, қўполлик учун |
| 31' |
|
"Локомотив" чап қанотдан тезкор ҳужум ташкил қилди. Жасур Ҳасанов жарима майдончасига яқин жойда тўпни қабул қилди ва тўпни орқароққа узатди. Тўраевнинг зарбасини посбон қайтарди, унинг ёнида турган Вячеслав Шевченко эса дарвозани ишғол қилди! |
| 31' |
|
Гооооооооооооооллллл!!! |
| 28' |
|
"Сўғдиёна" марказий ҳимоячиси қўпол хатога йўл қўйди. У бош билан тўпни дарвозабонга етказиб бермоқчи бўлганида Иван Нагаев тўпга биринчи бўлиб етиб олди ва бирга-бир вазиятда Меленчукни доғда қолдирди! |
| 28' |
|
Гооооолллллл!!!! |
| 27' |
|
"Сўғдиёна" вакилларим майдон марказидаёқ рақибга нисбатан кучли прессинг уюштиришмоқда |
| 25' |
|
Ўйин суръати тенглашгандек. Хавфли вазиятлар йўқ, аммо тўп учун, ҳар бир қарич ер учун, ташаббус учун кураш кечмоқда |
| 21' |
|
Мезбон жамоа футболчилари бир-бирларини анча яхши тушуниб ҳаракат қилишмоқда. Аммо ҳужумчини қулай вазиятга чиқарувчи узатма аниқ бўлмаяпти |
| 20' |
|
Бурчак тўпидан кейин тўп жарима майдончаси чизиғида турган Сардор Эминовга келиб тушди ва у кучли зарба йўллади. Бироқ тўп дарвоза тўрининг ён томонига келиб тушди |
| 19' |
|
ЖАрима зарбасидан сўнг меҳмонлар бурчак тўпини тепиш ҳуқуқига эга бўлишди |
| 19' |
|
"Сўғдиёна" қарши ҳужумга ўтаётганида Йўлдошев Жасур Ҳакимовга нисбатан қоида бузди |
| 15' |
 |
Нагаев жарима майдончаси кириб, зарба бериш учун қулай вазиятга чиққанди, офсайдда деб топилди |
| 14' |
|
Нагаевга нисбатан ўйин қоидаси бузилди. Дарвозагача 30 метрлар масофа бўлгани учун мезбонлар тўпни тўғридан-тўғри дарвозага тепишмади |
| 13' |
|
Ўйин суръати унчалик юқори эмас, жамоалар кўп хатоларга йўл қўйишмоқда, комбинациялар охирига етаётгани йўқ |
| 10' |
|
Катта Ҳасанов чап қанотда етказиб берган тўпни жиззахлик ҳимоячилар майдон ташқарисига чиқариб юборишди. Дастлабки бурчак тўпи |
| 9' |
|
Жарима майдончаси ичида Карпенкога нисбатан Меленчук чаққонлик қилди ва тўпни қайтарди |
| 6' |
|
Абрамов шогирдларида дастлабки хавфли вазият. Иброҳим Раҳимов 20 метрлардан зарба йўллади. Тўп дарвоза устуни ёнидан ўтиб кетди |
| 5' |
|
"Локо" ташаббусни ўз қўлига олишга ҳаракат қилмоқда. Жиззахликлар яхши ҳимояланишмоқда |
| 2' |
|
Дастлабки ҳужумни меҳмонлар ташкил этишди. Чап қанотдан етказиб берилган тўпни ҳужумчи бош билан дарвозага тўғрилай олмади |
| 1' |
|
ЎЙИН БОШЛАНДИ! |
| ' |
|
"Локомотив" бугун оқ, "Сўғдиёна" эса сариқ-қора рангли формада майдонга тушди |
| ' |
|
Жамоалар ЎзПФЛ мадҳияси садолари остида майдонга чиқиб келишди |
| ' |
|
Барчангизни Олий лиганинг 4-туридан ўрин олган "Локомотив" ва "Сўғдиёна" жамоалари ўртасидаги ўйинни кузатиб боришга таклиф қиламиз |
| ' |
|
АССАЛОМУ АЛАЙКУМ, ҚАДРЛИ ФУТБОЛ МУХЛИСЛАРИ! |
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
