| ' |
 |
"Сток Сити" - "Манчестер Юнайтед" - 1:1. Манчестерликлар яна очко йўқотишди. АПЛнинг 20-туридан бугун ташкил қилинадиган яна 2та онлайн трансляцияни ўтказиб юборманг |
| 90+3' |
 |
"Сток" хавфни бартараф этди. Ҳакамнинг финал хуштаги янгради. |
| 90+2' |
 |
Янузайнинг чап қанотдан узатмаси ҳимоячига тегиб, майдонни тарк этди. Бурчак тўпи. "МЮ" учун сўнгги имконият |
| 90+2' |
|
Мезбонлар ҳимоядан яхши чиқиб кетиб, хавфли ҳужум ташкил қилишди. Диуф майдон марказида тўпни эгаллади, бироз пауза қилди ва ўнг томондан олдинга ўтган Ассайдига узатди. Уссама жарима майдончасига кирди ва олис бурчак томон зарба берди. Де Хеа зарбани эгаллади |
| 90+1' |
|
Бурчакдан етказилган узатмага меҳмонлар зарба бера олишмади |
| 90' |
 |
Иккинчи бўлимга 2 дақиқа қўшиб берилди |
| 90' |
|
"МЮ" яхши ҳужум ташкил қилди. Янузай чап қанотдан ҳаволатиб берган узатмани Руни бош билан ўнгроқда очилган Рафаэлга узатди. Унинг зарбаси ҳимоячига тегиб, майдонни тарк этди |
| 88' |
|
Иккинчи бўлимда мутлақо тенгма-тенг ўйин кечмоқда |
| 86' |
 |
Кэррик майдон марказидан тўпни жарима майдончасига кириб бораётган Матага узатди. Хуан тўпни тўхтата олмади |
| 81' |
 |
Уилан томонидан амалга оширилган жарима тўпини Эванс майдон маркази томон қайтарди |
| 81' |
 |
"Сток"да ўзгариш: Арнаутович ўрнига Уссама Ассайди туширилди |
| 80' |
 |
Маме Диуф рақиб жарима майдончаси яқинида тўп учун кураш олиб борди ва "МЮ" ҳимоячисини қоида бузишга мажбур қилди. Хавфли жарима тўпи бўлиши мумкин |
| 79' |
|
Янузай чап қанотдан тўпни жарима майдончасига узатди. Ван Перси тўпга оёқ қўйди, аммо тўп дарвоза устуни ёнидан ўтиб кетди! |
| 77' |
|
Учинчи бурчак тўпидан кейин ҳам иш зарбагача етиб бормади. |
| 76' |
|
Арнаутович кетма-кет икки марта бурчак тўпини ўйинга киритди. Меҳмонлар хавфни бартараф этишди |
| 74' |
|
Яхшиям "Манчестер Юнайтед"да битта ўзгариш бор эди. Эшли ўнг ўрнига Рафаэль майдонга тушди |
| 73' |
 |
Эшли Янг ўнг қанотдан олдинга ўтаётганида сонининг орқа томонини ушлаб ётиб қолди. Тўқнашув бўлмаганди, шунга қарамай, у жароҳат олган кўринади |
| 73' |
|
"Сток Сити" - "МЮ" ўйини телетрансляциясида узилиш юзага келди |
| 70' |
|
Бурчак тўп ҳам хавфли чиқди. Икки марта бош билан бирилган зарбадан кейин тўп жарима майдончаси чизиғи устида турган Диуфга келиб тушди ва Мане тўпни ерга туширмасдан дарвоза томон тепди. Тўп рекошет ҳолатида дарвоза ёнидан ўтиб кетди. Ушбу вазиятларда Ван Гал шогирдларига омад кулиб боқди |
| 69' |
 |
Вуууууууууҳ! Краааууууч! Устуууун! "Сток" чап қанотда жарима зарбасини ишлади ва Арнаутович тўпни жарима майдончасига етказди. Питер бош билан зарба берди. Тўп дарвоза устунига тегиб қайтди. Ҳимоячилар бир амаллаб тўпни майдон ташқарисига чиқариб юборишди! |
| 67' |
|
Вууууууууҳ! Рунининг узатмасини Ван Перси жарима майдончаси ичида кўкраги билан қабул қилди ва ерга туширмасдан "парашют" услубида зарба берди. Ҳаммаси тўғри бажарилди, тўп дарвозабоннинг устида ўтди, аммо дарвоза устуни ёнидан ўтиб кетди! |
| 65' |
|
Тўп бурчакдан ўйинга киритилганидан сўнг Крауч бош билан зарба берди. Смоллинг тўпни қўли билан қайтарди. Вазиятга яқин турган ҳакам пенальти белгиламади. У Крауч ва Смоллинг орасида масофада жуда ҳам қисқалигини инобатга олиб, ҳимоячи атайлаб ўйнамади деган қарорга келди шекилли |
| 64' |
|
"МЮ"да иккита ўзгариш бўлди. Фалькао ва Люк Шоу ўрнига Янузай ва Эррера туширилди |
| 62' |
|
Бурчак тўпи мезбонлар учун хавфли бўлмади |
| 62' |
|
"МЮ"нинг хавфли ҳужуми. Ўнг қанотдан бошланган ҳужум жарима майдончаси олдида турган Фалькао орқали чап қанотга кўчирилди. Люк Шоунинг узатмаси ҳимоячига тегиб, майдонни тарк этди. Бурчак тўпи |
| 61' |
|
Яна ўша ўнг қанотда, сал орқароқдан белгиланган жарима тўпини Мата жарима майдончасига етказди. Фил Жонс бош била зарба берди. Посбон тўпни эгаллади |
| 60' |
|
Мата жарима зарбасини дарвозабон майдончасига айлантирди. Бегович мушт билан тўпни ён томонга уриб юборди. Тўпни ҳимоячи эгаллаб, хавфни бартараф этди |
| 59' |
|
"Сток" жарима майдончасининг ўнг бурчагида Фалькаога нисбатан ўйин қоидаси бузилди |
| 57' |
|
"Сток" футболчиси чап қанотдан тўпни жарима майдончасига етказди. Ҳимоячилар тўпни қайтаришди |
| 53' |
|
Чап қанотдан жарима майдончасига узатилган тўпни Асмир Бегович эгаллаб олди |
| 51' |
|
Олдинга чизиққа узатилган тўп учун Жонс ва Арнаутович кураш олиб боришди. Фил тўпни майдон четига тепиб юборди |
| 48' |
|
Майдон марказида Фалькао тўпни эгаллаб, бироз олдинга юрди. Ўнг қанотда Янг очилганини кўрди, аммо унга тўпни узатишга улгурмади, ҳимоячи тўпга оёқ қўйиб, хавфни бартараф этди |
| 46' |
|
Иккинчи бўлим бошланди |
| 45+1' |
|
Биринчи бўлим тугади. Ҳозирча "Сток Сити" - "Манчестер Юнайтед" - 1:1. Танаффус |
| 45+1' |
|
Биринчи бўлимга 1 дақиқа қўшиб берилди |
| 45' |
|
Бурчакдан етказилган узатма меҳмонлар учун таҳликали бўлмади |
| 45' |
|
Хавфли-хавфли. Кутилмаганда "Сток" футболчиси чап қанотдан тўпни жарима майдончасига айлантирди. Тезкор Диуф дарвозабон майдончасига яқин жойда тўпни қабул қилаётганида Люк Шоу тўпни майдон ташқарисига чиқариб юборишга улгурди |
| 43' |
|
Дарвозабон Бегович ва ҳужумчи Ван Перси ўртасида тортишув юзага келди. Олис масофадан етказилган тўпни Асмир эгаллаб олди ва ўзи томон югуриб келаётган Ван Персига оёғини кўтарди. Бу ҳолат Робинга ёқмади ва у посбонга "дилидагиларни" айтиб олди |
| 40' |
|
Арнаутович чап қанотдан жарима майдончасига кирди, аммо дарвоза яқинига аниқ пас бера олмади. Тўп майдонни тарк этди |
| 38' |
 |
Майдон марказида Краучга нисбатан ўйин қоидаси бузилиши натижасида белгиланган жарима тўп олдинги чизиққа етказилди. Ҳимоячилар билан бир чизиқдан олдинга очилиб, тўпни қабул қилган Маме Диуф дарвозабон билан юзма юз қолганди. Аммо у бироз офсайддан чиқиб келган экан |
| 35' |
|
Бурчакдан етказилган узатмадан сўнг тўп Краучга келиб тушди. Тўп Питернинг оёғига "ўтирмади" |
| 34' |
|
Стивен Н'Зонзи ўнг қанотдан жарима майдончасига кирди ва бир ҳимоячидан ўткир бурчак томонга қочиб, дарвоза олдига пас бераётганида тўп ҳимоячидан майдонни тарк этди |
| 33' |
|
Бурчак тўпидан кейин Луи ван Гал шогирдлари тўпни эгаллаб олдинга ўтишаётганида мезбонлар ўйин қоидасини бузиш эвазига қарши ҳужумни тўхтатишди. Ҳакам сариқ карточка бермади |
| 33' |
|
Чап қанотдан дарвозабон майдончасига етказилган тўпни Люк Шоу қийинчилик билан дарвоза устидан ўтказиб юборди. Бурчак тўпи |
| 28' |
|
Мезбонлар бир марта бурчакдан, бир марта қанотда белгиланган жаримадан тўпни жарима майдончасига узатишди. Манкунианликлар хавфни бартараф этишди |
| 26' |
 |
ГОООООООООООООООООООЛ! Радамель Фалькао, 1:1! Руни бурчак тўпини ўйинга киритди, Кэррик боши билан тўп йўналишини бироз ўзгартиргани аксарият ҳимоячиларни чалғитди, Фалькао дарвозабон майдончаси чизиғи устидан тўпни дарвозага йўллади. Бегович ва қолган ҳимоячилар зарбани қайтара олишмади |
| 26' |
|
Ван Перси бурчак тўпи ишлади |
| 24' |
|
"МЮ" бурчак тўпини ўйинга киритди. "Сток" хавфни бартараф этди. Улар яхши ҳимояланишда давом этишмоқда. "МЮ" ҳали хавфли вазият ярата олмади |
| 23' |
|
Олдинга узатилган тўпга ҳавода кураш олиб борган Крауч Фил Жонсга нисбатан қўполлик ишлатди. Бугун Питер меҳмонларга анчагина муаммо келтирмоқда |
| 22' |
|
Ўнг қанотдан узатилган тўпга Фалькао дарвозага яқин масофадан зарба беришга улгурмади. Тўпни Бегович эгаллаб олди |
| 19' |
|
Оҳоҳоҳоҳо! Мезбонлар ўз ҳимояларидан тўпни олдинга тепишди. Маме Диуф аввалига Жонни Эвансдан тўпни олиб қўйди, сўнгра уни алдаб ўтди ва жарима майдончаси ичида посбон билан юзма-юз ҳолатда қолди. Чап оёқда олис бурчакка тўпни айлантирди, аммо тўп дарвозага аниқ бормади... |
| 18' |
|
Рунига нисбатан ўйин қоидаси бузилди. 25-26 метрлардан зарбаси Уэйннинг ўзи йўллади. Кучли, аммо дарвоза устидан ўтиб кетди |
| 15' |
|
Сўнгги 4-5 дақиқадан бери мезбонлар ўйин темпини туширишга ҳаракат қилишмоқда |
| 10' |
|
Фалькао майдон марказида тўпни эгаллаб олди, бир футболчидан ўтди ва ўнг томондан олдинга ўтаётган Руни томон узатганди, сўнгги ҳимоячи узатмани тўхтатиб қолди |
| 9' |
|
Мата бурчак тўпини ўйинга киритди. Асмир Бегович тўпни ҳавотда эгаллаб олди |
| 6' |
|
Ҳужум пайтида тўп чап қанотдан олдинга ўтган Люк Шоуга узатилди. Ҳимоячининг бош билан жарима майдончаси томон узатмаси "Сток" ҳимоячисининг қўлига теккандек бўлди. Ўйин тўхтатилмади |
| 5' |
|
Ҳисобни очиб олиб, ўз дарвозаси олдига икки қаватли "автобус" қўядиган мезбонларнинг ҳимоясини "Ман Юнайтед" ёриб ўта олармикин? Кузатишда давом этамиз |
| 2' |
|
ГОООООООООООО! Райан Шоукросс, 1:0! Ҳозиргина таъкидлаганимиздек, бурчак тўпи Крауч томон етказилди. Питер 14 метрлардан бош билан зарба берди. Мезбонлар сардори Райан Шоукросс яқин масофадан тўпни дарвозага буриб юборди! Тезкор гол, янги йилдаги илк гол! |
| 2' |
|
"Сток Сити" бурчак тўпи ишлади. Таркибда Крауч бор... |
| 1' |
|
Янги йилдаги илк мантли онлайн трансляцияни биз билан кузатишга қарор қилганингиз учун раҳмат. Англия Премьер-лигасининг 20-туридан ўрин олган "Сток Сити" ва "Манчестер Юнайтед" жамоалари ўртасидаги ўйин бошланди. Кетдик! |
| ' |
|
Ассалому алайкум, қадрли футбол мухлислари. Кириб келган янги 2015 йил билан яна бир марта табриклаймиз! |
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
