| ' |
 |
Эътиборингиз учун раҳмат! Сайтдан узоқлашманг! |
| ' |
 |
"ТОТТЕНХЭМ" - "ЧЕЛСИ" - 5:3! |
| 90+5' |
|
УЧРАШУВ ЯКУНЛАНДИ! |
| 90+4' |
 |
"Тоттенхэм" бурчак тўпи пайтида тўпни бурчак яқинида ушлаб туриш эвазига вақтни чўзишга уринмоқда |
| 90' |
 |
Иккинчи бўлимга 5 дақиқа қўшиб берилди |
| 90' |
|
Энди Фабрегаснинг ўзи ўнг оёғининг ташқи томони билан ўнг томондан дарвозанинг яқин юқори бурчагига зарба йўллади. ДАрвозабон тўпни бармоқлари билан майдон ташқарисига чиқариб юборди. Аммо ҳакам бурчак тўпи эмас, эркин зарба белгилади |
| 89' |
|
Фабрегас ўнг қанотда очилган Диего Костага тўпни узатди. Ҳужумчининг ўткир бурчак остида йўллаган зарбасини Льорис қайтарди |
| 87' |
 |
ГОООООООЛ! Жон Терри, 5:3! "Челси" ўнг қанотда жарима зарбасини ишлади. Меҳмонлар жонли девор ўрнатилишини кутиб ўтирмасдан тўпни ўйинга киритишди. Азар ўнг қанотдан тўпни ерлатиб дарвозабон майдончасига узатди. Ивановичнинг оёғига тўп яхши тегмай қолди. Нариги устун ёнига етиб келган Терри дарвозанинг бўш қолган қисмини ишғол қилди. Ўйиндаги саккизинчи гол! |
| 85' |
|
Эҳҳҳ, Салоҳ! "Челси" қисқа паслар орқали жарима майдончасига кириб келди ва Азар Муҳаммадни тўп билан таминлади. Салоҳнинг 6-7 метрдан йўллаган зарбаси кучли чиқмади. Льорис тўпни эгаллади! |
| 84' |
|
Вуууууҳ! Рамирес чап томондан жарима майдончасига кириб келди ҳамда дарвозабон билан бирга бир вазиятда ўткир бурчак остида зарба йўллади. Тўп олис устунни деярли силаб ўтиб кетди! |
| 83' |
|
Ўнг қанотдан берилган узатма Фабрегас дарвозабон майдончасининг чап бурчагидан бош билан зарба берди. Льорис тўпни эгаллаб олди |
| 81' |
|
"Челси" бурчак тўпини ўйинга киритди. Хавф бартараф этилди |
| 75' |
|
ГОООООООООЛ! Носир Шодлииии, 5:2!!! Даҳшатли ўйин! Чап қанотдан тўп жарима майдончасига кириб келган Шодли узатилди. Носир бироз ўнгроқ сурилди ва зарба берди. Тўп Террининг оёқларига тегиб, олис бурчакка бориб тушди. Бугун Куртуа жамоасини қутқара олмаяпти! |
| 76' |
|
Вуууууууҳ! Ҳужум ўнг қанотдан Азар орқали чап қанотга кўчирилди ва Аспиликуэта 15 метрдан олис бурчак томон чиройли зарба берди. Уго Льорис қайтарган тўпни ҳимоячилар вазиятдан узоқлаштиришди! Қойил, Льорис! |
| 75' |
 |
Марказ бўйлаб уюштирилган ҳужум натижасида тўп юқоридан Коста томон узатилди. Ҳимоячилар узатмани қайтаришди |
| 73' |
|
Фабрегас йўллаган жарима зарбаси жонли деворга тегиб қайтди. Давом эттирилган ҳужум натижасида Салоҳ бурчак тўпи ишлади |
| 72' |
 |
"Челси"да ўзгариш: Виллиан ўрнига Муҳаммад Салоҳ туширилди |
| 71' |
 |
Паулиньо рақиб футболчиси оёғини баланд кўтаргани учун сариқ карточка олди |
| 69' |
|
Азар икки ҳимоячи таъқиби остида жарима майдончасига кириб бораётганида йиқилди. Ҳимоячи унинг елкасидан тортган экан. Аммо Майк Дин пенальти белгиламади. Моуриньо бундай ўта дарғазаб бўлди |
| 68' |
|
Вууууууҳ! Ҳарри Кэйн "хет-трик" расмийлаштириши мумкин эди: у дарвозабон билан юзма-юз вазиятда тўпни ўткир бурчак остига олиб қочди ва деярли нолинчи бурчак остида зарба/узатма берди. Тўп дарвоза чизиғи томон эмас, ортга қараб кетди |
| 67' |
|
"Тоттенхэм"да ўзгариш: Таунсенд ўрнига Паулиньо туширилди |
| 66' |
|
Набил Бентелеб огоҳлантириш олди |
| 65' |
|
"Челси" яхши ҳужум ташкил қилди. Диего Коста тўпни қабул қилиб, Рамиресга узатди. Ярим ҳимоячи жарима майдончаси яқинида очилаётган Фабрегас томон узатма берди. Тўп ундан ўтиб кетди. Азар аввалроқ чап қанотда югуришни тўхтатмаганида дарвозабон билан бирга бир вазиятга чиқиб кетарди |
| 62' |
|
Мана-мана, яна бир яхши вазият. Бу сафар ҳам ҳужум чап қанотдан ташкил этилди. Азар тўпни жамоадошига етказди ва унинг узатмасини "Тоттенхэм" ҳимоячилари қайтариб қолишди |
| 61' |
|
ГОООООООООЛ! Эден Азар, 4:2! Бугун "аристократлар" сафида энг жонли ўйнаётгани — Азар! "Челси" тезкор қарши ҳужумга ўтди: Фабрегас жарима майдончасининг чап томонида тўпни Азарга етказди. Бельгиялик футболчи тўпни эгаллади ва дарҳол зарба бериб, бурчакка тўпни жойлади! Ўйин янада қизийди! Бунга шубҳа йўқ |
| 59' |
|
Фабрегас тўпни Азарга узатиб, қайта қабул қилиб олди ва жарима майдончасининг чап томонидан зарба йўллади. Тўп дарвоза устидан ўтиб кетди! |
| 58' |
 |
Азарга нисбатан ўйин қоидаси бузилди. Дарвозагача 25 метр |
| 55' |
 |
"Челси" ушбу мавсумда ҳали ўз дарвозасидан битта ўйинда 4та гол ўтказмаганди! |
| 52' |
|
ГООООООООООООООООЛЛ! Ҳарри Кэйн, 4:1!!!!! Ўнг қанотдан ҳужумга ўтган мезбонлар тўпни жарима майдончаси чизиғи устида турган Ҳаррига узатишди. У тўп билан 180 градусга айланди ва олис бурчак томон кучли бўлмаган, аммо аниқ зарба берди. Тибо Куртуа зарба қаршисида ожиз қолди! Вуҳ, 4:1! |
| 51' |
|
Вууууууҳ! Азар 18 метрдан кучли зарба йўллади. Тўп юқорилаб кетди... |
| 49' |
|
Иккинчи бўлимда очиқ ўйин бошланиб кетди. Тўп у дарвозадан бу дарвозага тез-тез бориб келмоқда |
| 47' |
|
Моуриньо шогирдлари ушбу мавсумниг битта баҳсида ўз дарвозаларидан 3та гол ўтказиб юборишганди. Ўша ўйинда "Челси" "Эвертон"ни 6:3 ҳисобида мағлуб этганди |
| 46' |
|
"Челси"да ўзгариш бўлди. Оскар ўрнига Рамирес туширилди |
| 46' |
|
Иккинчи бўлим бошланди |
| 45+3' |
|
Пенальтидан кейин ўйин якунланди. Ҳозирча кутилмаган натижа қайд этилмоқда: "Тоттенхэм" - "Челси" - 3:1. Танаффус! |
| 45+3' |
 |
ГОООООООЛ! Андрос Таунсенд, 3:1! Футболчи чап оёқ билан ўзидан ўнг бурчакка тўпни йўллади. Куртуа йўналишни топди, аммо зарбани қайтара олмади! |
| 45+2' |
 |
"Челси" дарвозасига пенальти белгиланди! Кэхилл тўпга оёқ чўзишда бироз кеч қолди ва Ҳарри Кейнни чалиб йиқитди! |
| 45' |
|
Биринчи бўлимга 2 дақиқа қўшиб берилди |
| 44' |
|
ГООООООООЛ! Дэнни Роуз! 2:1! Ана энди мезбонлар "Челси"ни қарши ҳужумда "ушлашди"! Майдон марказида тўпни эгаллаб олган футболчи олдинга ўтди ва Шодлини дарвозабон билан бирга бир вазиятга чиқарди. Носир ерлатиб зарба берди. Тўп олис устунга тегиб ортга қайтди. Ўз вақтида жарима майдончасига етиб борган Дэнни Роуз дарвозани ишғол қилди! |
| 42' |
|
Вуууууҳ, Шодли чап қанотдан дарвозабон билан бирга бир вазиятга чиқди ва зарба берди. Тўп олис устунга тегиб, майдонни тарк этди. Аммо Носир тўпни қабул қилаётганида офсайдда қолган экан! |
| 38' |
|
Азар ўнг томондан марказ томон сурилди ва жарима майдончасининг нариги томонида очилган Виллианга тўпни узатди. Виллиан 18 метрлардан зарба йўллади. Тўп футболчига тегиб, юқорига кўтарилди. Унга Азар биринчи бўлиб етиб борди ва дарвозага яқин жойда бош билан тўпни дарвоза томон бурмоқчи бўлди. Аммо у ўз мақсадига ета олмади — тўп майдонни тарк этди |
| 34' |
|
"Тоттенхэм" бурчак тўпини ўйинга киритди. Хавфли чиқмади вазият |
| 33' |
|
"Челси"нинг голи қанчалик кутилмаган бўлса, "Тоттенхэм"нинг голи ҳам шунчалик кутилмаган бўлди. Боиси, мезбонлар гол урган пайтда ташаббус Моуриньо шогирдлари томонида эди |
| 30' |
|
ГООООООООООООЛ! Ҳарри Кейн, 1:1! Футболчи чап қанотда марказ томон юриш баробарида икки футболчидан ўтди ва кутилмаганда кучли зарба йўллади. Бурчакка кираётган тўпни Тибо Куртуа қайтара олмади! |
| 28' |
|
Азар ўнг қанотда чизиқни кесиб ўтадигандек кўринган тўпни майдонда сақлаб қолди, бир ҳимоячидан ўтди, аммо иккинчисидан ўтиб кета олмади. Тўп майдонни тарк этди |
| 25' |
|
"Челси"дан яна бир хавфли қарши ҳужум. Диего Коста ўзига узатилган тўпни ўнг томонда қабул қилди ва жарима майдончасига кираётган Оскарга узатди. Бразилиялик ярим ҳимоячи рақиб ҳимоячилари таъқиби остида 10 метрлардан зарба берди. Тўп яқин устун олдидан ўтиб кетди! |
| 23' |
|
Марказдан чап қанотга етказилган тўпни Оскар бош билан дарвозабон майдончасига узатди. Диего Коста тўпга бироз ета олмади |
| 20' |
|
Мезбонлар кетма-кет ҳужум қилишди, аммо "Челси" қарши ҳужумда гол уриб кетди |
| 18' |
|
ГОООООООООЛ! Диего Коста! 0:1! Бу голда асосий ишни Азар бажарди. У ўнг қанотдаги чизиқ ёнида тўпни эгаллади, бир ҳимоячини алдаб жарима майдончасига кирди ва зарба йўллади! Тўп олис устунга тегиб қайтди. Қайтган тўпга Оскар зарба берди. Дарвоза олдида турган Диего Коста тўпни дарвозага буриб юборди! |
| 18' |
|
"Тоттенхэм" бурчак тўпини ўйинга киритди. Меҳмонлар тўпни қайтаришди.... |
| 16' |
|
Носир Шодли ўткир бурчак остида чалқанча услубда зарба йўллади. Куртуа зарбани қайтарди |
| 15' |
|
Шодли чап қанотдан олдинга ўтган Таунсендга тўпни узатди. Андрос тўпни кўрмай қолди ва тўп майдонни тарк этди |
| 13' |
|
Шодли ўнг қанотда бир ҳимоячидан ўтиб кетиб, жарима майдончасига кирди, аммо икки ҳимоячидан ўта олмади ва хавф бартараф этилди |
| 12' |
|
Тўп асосан майдон марказида. Мезбонлар ҳимояга ётишаётгани йўқ |
| 10' |
|
Диего Коста жарима майдончаси ташқарисидан зарба йўллади. Тўп ичкарида турган ҳимоячининг қўлига тегиб қайтди. Майк Дин пенальти белгилаш учун асос топмади |
| 7' |
|
"Тоттенхэм" футболчиси ўнг қанотдан икки ҳимоячи орасидан ўтиб кетди ва жарима майдончасига кириб, дарвозага яқинига тўпни узатди. Тўп мезбонларга эмас, ҳимоячиларга насиб қилди |
| 4' |
|
Носир Шодли 25 метрлардан кучли зарба йўллади. Куртуа тўпни эгаллади |
| 2' |
|
Диего Коста чап томондан тўпни дарвозага яқин жойга узатди. Дарвозабон тўпга эга чиқди |
| 1' |
|
Ўйинни "Челси" бошлаб берди |
| ' |
|
Англия Премьер-лигасининг 20-турини "Тоттенхэм" - "Челси" учрашуви якунлаб беради |
| ' |
|
Хайрли оқшом, қадрли мухлислар |
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
