«Sports.ru» блогери Arkhem Knight «Реал» ҳужумчиси Криштиану Роналдунинг энг машҳур олти дўстининг суратларини
эълон қилди.
Жастин Бибер
Роналду канадалик хонанда билан 2012 йилдан буён дўст бўлиб келмоқда. Яқин орада улар «Реал» ҳақидаги фильмда суратга тушади.
Флойд Мейвезер
ЖЧ–2014 турниридаги муваффақиятсизликдан сўнг Криштиану боксчи кичик Флойд Мейвезер билан дўстлашди.
Бадр Хари
Келиб чиқиши марокашлик бўлган голландиялик кикбоксчи ва португалиялик футболчи ўртасидаги муносабатлар турли гап-сўзларга сабаб бўлган. Аммо уларнинг бир-бирига дўст экани – факт.
Марсело
Бразилиялик футболчи Роналдунинг «Реал»даги энг яқин дўсти. Ҳатто Марсело «Барселона» етакчиси Мессини дунёнинг энг яхши футболчиси деб атаганида ҳам уларнинг дўстлик ришталарига путур етмаган.
Усейн Болт
9 карра Олимпиада чемпиони, ямайкалик спринтер Усейн Болт «Манчестер Юнайтед» клуби мухлиси ҳисобланади. Шу сабабли ҳам Болт Роналду «МЮ»да ўйнаган даврида у билан танишиб олган. Уларнинг дўстона муносабати Криштиану «Реал»га ўтиб кетганидан кейин ҳам ўзгармаган.
Конор МакГрегор
31 ёшли футболчи UFC чемпиони Конор МакГрегор билан яқинда танишган. Евро–2016 турниридан сўнг Роналду қоидасиз жанглар курашчисининг машғулотларига ташриф буюрган.
Матнда хатолик топсангиз, ўша хатони белгилаб, бизга жўнатинг (Ctrl + Enter).