FIDE Жаҳон чемпионати. Ўзбекистонлик шахматчилар қанча ишлаб топди?
Беш кун давомида Қатар пойтахти Доҳа шаҳри рапид ва блиц йўналишларидаги FIDE Жаҳон чемпионатига мезбонлик қилди. Нуфузли мусобақада дунёнинг 70 дан ортиқ давлати вакиллари қаторида Ўзбекистон терма жамоасининг 15 нафар шахматчиси ҳам иштирок этди.
Блиц йўналишида жаҳон чемпионатининг вице-чемпионига айланган Нодирбек Абдусатторов ўзбекистонлик шахматчилар орасида энг кўп мукофот пулини қўлга киритди. У блиц баҳсларида қўлга киритилган иккинчи ўрин учун 50 минг евро, рапид мусобақасида эгаллаган 23-ўрни учун эса 3 минг евро мукофот пули ишлаб олди. Шу тариқа Абдусатторовнинг умумий даромади 53 минг еврони ташкил этди.
Кетма-кет учинчи йил ҳам рапидда, ҳам блицда жаҳон чемпиони бўлган норвегиялик Магнус Карлсен эса жами 140 минг евро мукофот пулига эга чиқди. Ҳар бир йўналишда чемпионлик учун 70 минг евродан ажратилган бўлиб, турнирдаги энг катта мукофот пули айнан Карлсен ҳиссасига тўғри келди.
Жаҳон чемпионатида Топ-35 таликдан жой олган шахматчиларга пул мукофотлари топширилди. Эркаклар ўртасида энг кам мукофот 1500 еврони, аёллар баҳсларида эса 1000 еврони ташкил этди. Ушбу маблағлар мос равишда эркаклар ўртасида 26–55-ўринларни, аёллар орасида эса 16–20-ўринларни эгаллаган иштирокчиларга берилди.
Аёллар ўртасидаги блиц баҳсларида кучли саккизликдан жой олган Умида Омонова Ўзбекистон аёллар шахмати тарихида янги саҳифа очди. Ушбу натижа учун Омонова 15 минг евро мукофот пулига сазовор бўлди. Шу билан бирга, у рапид баҳсларида нисбатан омадсиз иштирок этди.
Жавоҳир Синдаров эса Доҳадаги Жаҳон чемпионатидан жами 21 минг евро мукофот пули ишлаб олди. Унинг 16 минг евроси рапид баҳсларидаги иштироки, 5 минг евроси эса блиц мусобақасидаги натижалари ҳиссасига тўғри келди. Қолган ўзбекистонлик шахматчилар эгаллаган ўринлари мукофот пули учун етарли бўлмади.
Манба: daryo.uz
Киритилди: 17:04, 31.12.2025. Ўқилди: 2425 марта. Фикрлар: 0 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
