Барсанинг трансфер сиёсатини кўпчилик умуман тушунмайди. Шу жумладан мен ҳам. Зеро қиммат нархда ўйинчи харид қилиб, арзон бахога сотиб юборадиган клубнинг позициясини тўғри англаб етиш учун бир вақтнинг ўзида ўта кучли иқтисодчи, инноватор, менеджер, ижрочи директор бўлиш ҳам етарли бўлмайди. Сўнгги пайтларда клубдаги амалдорларнинг манфаати билан боғлиқ муаммо ёки айнан трансфер билан боғлиқ масалаларга бириктирилган ходимларнинг малакасизлиги рўкач қилиниб, раҳбарият клуб мухлислари ва ОАВ томонидан тинимсиз танқидга учрамоқда. Иш шу даражага етиб бордики, Барса раҳбариятининг сўнгги 2 мавсумда трансфер бозорига ўта масъулиятсизлик билан ёндошиши бошқалар наздида уларга нисбатан зилзиладан сўнг бутунлай капитал таъмирга мухтож бўлиб қолган бинонинг баъзи жойларини ямаб келаётган дангаса, тебса тебранмас қурувчилардек тасаввур уйғона бошлади. Бу холатни охирги 2 мавсумда 10 дан ортиқ футболчилардан воз кечиб таркибни атиги 3та футболчи (булардан бири Алекс Сонг) билан тўлдирилгани билан ҳам изоҳласа бўлади.
Мен "Барселона" спорт директорини ёмон кўраман.
“Барселона” 2009 йилда Бразилия чемпионатининг энг яхши тўпурари бўлган Футболчиси Кейррисонни 14 млн € эвазига “Палмейрас” клубидан сотиб олди. Футболчи билан 5 йиллик шартнома имзоланди. Энг қизиғи 5 йил давомида Барса томонидан турли клубларга ижарага бериб юборилган футболчи "Барса" сафида бирон марта майдонга тушмаган ҳолда жорий йилда “Барса”ни эркин агент сифатида тарк этди. Бу “Барса”нинг мен тушунмаган ягона трансфер стратегияси эмас.
“Барселона” ўтган мавсум ҳам Маркиньос ва Матьенинг хизматларига қизиқиш билдирганди. Матьенинг "Валенсия" билан шартномаси деярли якунланган, Рома эса Маркиньосни 40 млн € га ҳар қандай клубга сотишга тайёр эди. Лекин Барса нимагадир якунда улар учун пул ажратишни истамади. Энди уларнинг трансфери "Барса"га маълум сабабларга кўра камида 60-65 млн € га тушади. Энг қизиғи “Барса” ҳамон бу икки марказий ҳимоячи билан қизиқишда давом этмоқда. Бу мавсумдаги асосий трансфер ҳам айнан шу икки футболчига қаратилган. Тушунарсиз трансфер сиёсати.
Мен доимо Субисареттани доимо танқид қилиб келганман. Бу борада унга нисбатан Суарес ва Ракитичнинг трансферларидан кейин ҳам фикрим ўзгармайди. Чунки Субисаретта Барсанинг спорт директорлигига муносиб шахс эмас. Суби ўйинчиларни кузатиш ўрнига кўп вақтини клуб билан бирга сафарга отланишга сарфлайди. Бу эса унинг айби эмас.
P.S. Бугун “Барса”нинг сўнгги марта марказий ҳимоячи сотиб олганига (Дмитрий Анатольевич Чигринский - 25 млн €) 1784 кун бўлади.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
FC Barcelona
