Испания чемпионатининг 9-тури доирасида бўлиб ўтган «Валенсия» ва «Барселона» жамоалари ўртасидаги ўйин ҳис-ҳаяжонларга бой бўлди. Лионель Месси томонидан қўшиб берилган дақиқаларда пенальтидан урган голи "кўк-анорранглилар"га ғалаба келтирди. Бироқ аргентиналик футболчининг "кўршапалаклар" дарвоасига киритган дастлабки тўпи баҳс-мунозараларга сабаб бўлди.
Келинг, ўша вазиятни таҳлил қилиб чиқамиз. Дастлаб гол урилган вазият видеолавҳасини диққат билан кўриб чиқамиз.
Назаримизда, аҳамият берган бўлсангиз, "ўйиндан ташқари ҳолат"да турган ўйинчи (Луис Суарес) дарвозабонга халал берган. Яъни, ҳужумчи дарвозабонга тўпни қайтариш ёки тўпнинг йўналишини кўриш имконини бермаган. У дарвозабоннинг нигоҳларини тўсган ва зарба берилаётган лаҳзани посбон кўрмаган. Бу вазият қуйидаги суратларда яққол кўринган.
Бизнинг хулоса: Офсайд бор ва гол бекор қилиниши керак.