06:00 Велоспорт. Монреаль. Женщины. 08:00 Олимпийские игры. Зал славы: Афины-2004. 09:00 Снукер. Второй раунд. 11:00LIVE Снукер. Второй раунд. Прямая трансляция. 14:00 Велоспорт. Монреаль. Женщины. 15:30 Снукер. Второй раунд. 16:30LIVE Снукер. Третий раунд. Прямая трансляция. 19:30 Маунтинбайк. Женщины. Скоростной спуск. Вистлер. Кубок мира. 20:15 Маунтинбайк. Мужчины. Скоростной спуск. Вистлер. Кубок мира. 21:00 Велоспорт. Монреаль. Женщины. 22:00 Скалолазание. Мужчины и женщины. Лазание на трудность. Финал. Мировая серия. Копер. 23:00 Снукер. Третий раунд. 01:00 Автогонки на выносливость. FIA WEC. 6 часов Фудзи. Обзор. 02:00 Трейлраннинг. 03:00 Скалолазание. Мужчины и женщины. Лазание на скорость. Финал. Мировая серия. Гуйян. 03:45 Скалолазание. Мужчины и женщины. Финал. Мировая серия. Гуйян. 04:30 Снукер. Третий раунд.
Бугун Ўзбекистон телевидениесининг “Спорт” телеканалида “Футбол шарҳи” кўрсатуви эфирга узатилди. Унда Ўзбекистон футбол федерацияси президенти Мираброр Зуфарович Усмонов иштирок этиб, кўрсатув бошловчиси Зафар Имомхўжаевнинг саволларига жавоб бериб ўтди. Кўпчилик қатори, мен ҳам уни катта қизиқиш билан томоша қилдим.
Кўрсатув давомида Мираброр Зуфарович бир қатор мавзуларга, шу жумладан Ўзбекистон терма жамоаси бош мураббийи Миржалол Қосимов шаънига айтилган ҳақоратлар, ёшлар терма жамоамизнинг жаҳон чемпионатидаги иштирокидан норозилар, терма жамоалар марказини ислоҳ қилиш ва уни бошлиғи Асқар Толибжоновни ишдан олишга чақириқлар каби мавзуларга тўхталиб ўтди. Бу ишларда Stadion.uz ходимларини айблади.
Шунингдек Мираброр Зуфарович Ўзбекистон чемпионатидаги ҳакамлик борасида ҳам тўхталиб, бошловчи Зафар Имомхўжаев учун кутилмаганда ФИФА рефериси Равшан Эрматов ҳақида ҳам гапириб ўтди.
Хусусан, Мираброр Зуфарович бундай деди:
“Равшан Эрматов жаҳон чемпионатини очиб берди. У энг нуфузли ўйинларга чақириляпти. Жаҳон чемпионатини очиб бераётганида мухлислар қатори ўзимни ҳам кўзимдан ёш чиқиб кетди. Президентимиз унга “Ўзбекистон ифтихори” орденини берди. Дунёнинг 10та энг яхши ҳакамини биттаси. Бу Ўзбекистон ифтихори бўлса, 12 ҳакамимиз ФИФАга аъзо бўлса, энди, нима эмиш “Бунёдкор” – “Локомотив” ўйинида “Локомотив” дарвозасига пенальти бермабмиш. Ахир у Бразилиядан 17 соатда самолётда учиб келган бўлса. Мен айтган маҳмадоналар (Stadion.uz ходимлари) чиқиб, “Эрматов ундай, Эрматов бундай, Эрматов ўша ердаям (конфедерациялар кубогида) хато қилди” - деб жар солишибди. Мен ФИФАга мурожаат қилдим. Улар: “Эрматов айбдор эмас, ҳеч гап бўлгани йўқ, фақат чизиқдаги ҳакамни алмаштирсангиз яхши бўларди” – дейишди. Эй ноинсоф, беномус, ахир шундай фарзандимиз бўлса, дунёга танилган бўлса, Ўзбекистон келажаги учун, уни танитиш учун хизмат қилса-ю, у нима иш қилди, сен нима иш қилдинг, нима каромат кўрсатдинг? Нима ҳаққинг бор Эрматовни хақорат қилишга? Қани “Бунёдкор”ни рахбарлари (шикоят) ёзами йўқми? Раҳбариятдан сўрасам, улар (эътирозимиз) йўқ дейишди. Раҳбариятни эътирози бўлмаса, нега сен норози бўласан? Мен ҳали буни тагига етиб бораман. Рахбарият шунақа десаю, қандайдир бир номуссиз бунақа деса. Сен Эрматовнимас Ватанни хақорат қиляпсан!”.
Мана шу жойда бошловчи Зафар Имомхўжаев гапни бошқа томонга буриб, мавзуни ўзгартирди.
Энди бироз орқага қайтамиз.
Зафар Имомхўжаев ҳакамлар ҳақида савол бераётиб, мавзуни Равшан Эрматов томонга оғиб кетишини кутмаган эди. Агар олдиндан билганида, бундай саволни умуман бермас эди. Сабаби – айнан Зафар Имомхўжаев бошловчилигидаги “Футбол шарҳи” кўрсатуви бутун Ўзбекистон телеаудиторияси олдида Равшан Эрматовнинг устидан мағзава тўкиб, уни очиқдан-очиқ хақорат қилган эди. У ва Диёр Имомхўжаев томонидан тайёрланган видеолавҳада Равшан Эрматовни конфедерациялар кубогида “қовун тушириб” қўйганини бутун дунё кўрганлиги, шу сабабли уни юлдузли даври ортда қолганлиги, турнинг муҳим ўйинига бош ҳакам қилиб тайинламаслик кераклиги ҳақида жар солинди. Бундан ташқари, видеолавҳада Равшан Эрматов ФИФА қоидасига зид равишда Stadion.uz сайтига интервью берганлиги, бу билан у ФИФА қоидаларини қўпол бузганлиги айтилган эди. Шунингдек, узоқ сафардан қайтган Эрматов руҳий ҳолати жиҳатидан ўйинга тайёр эмаслиги, шу сабабли “Бунёдкор”-“Локомотив” ўйинида қўпол хатоларга йўл қўйгани айтиб ўтилган эди.
Хуллас “Футбол шарҳи” кўрсатувидаги бу лавҳа холисона эмас, балки “Бунёдкор” клубининг “буюртмаси”га асосан тайёрланганидан гумон қилинишга лойиқ эди. Акс ҳолда кўрсатув ижодкорларини жон жаҳди билан ФИФА реферисини куракда турмайдиган гаплар билан айблаб, ҳақорат қилишларини тушуниш қийин эди.
Энг ачинарлиси шундаки, Мираброр Зуфарович айнан бу кўрсатувни томоша қилмаганлиги билиниб қолди. Чунки у Равшан Эрматовни қоралаган хақиқий айбдорларни билмасдан, бу ишларда Stadion.uz ходимларини айблади.
Шу ўринда, ўз қилмишини билиб турган Зафар Имомхўжаев бу хақда Мираброр Зуфаровичга лом-мим демади, айбни ўз бўйнига олишга унга мардлик етишмади. Унинг қариндоши Диёр Имомхўжаев эса, сайт ижодкорларига қўйилган айбловларни “кўпиртириб” турган видеолавҳалари билан буни тасдиқламади. “Футбол шарҳи” кўрсатувини аллақачон ўз ғоявий ва амалий қуролига айлантириб олган бу шахслар – ҳақиқий башараларини намоён қилиб, иккиюзламачилик билан тиржайиб ўтиришди. Ўз қилмишлари юзасидан бошқалар айбдор қилиниб турилган бир пайтда, пинагини ҳам бузишмади. Устига-устак, ранги оқариб кетган Зафар зудлик билан мавзуни ўзгартириб, гапни бошқа томонга бурди.
Олдиндан айтиб қўяй, бу гапларни мен ҳамкасбларимнинг буюртмаси билан ёзаётганим йўқ. Менда “Бунёдкор” клубига ҳеч қандай хусумат йўқ. Шунингдек мен Равшан Эрматовни ёнини ҳам олмайман, умуман, ҳакамларнинг ишига баҳо беришдан йироқман. Бунга жиддий сабаблар бор. Бу гапларни ёзишимга энг асосий сабаб - очиқдан-очиқ қилинган ноҳақликка чидаб туролмаганим холос.
Ўйлайманки, бу ёзганларим Мираброр Зуфаровичнинг эътиборидан четда қолмайди ва у киши ўзи ваъда берганидек, бу машмашанинг тагига етиб, "Футбол шарҳи" кўрсатувини Равшан Эрматовга бағишланган сонини архивдан олиб томоша қиладилар ва ҳақиқий иккиюзламачи, лаганбардор ва маҳмадоналар ким эканини билиб оладилар.
Сўнгсўз ўрнида: сайт ходимларига нисбатан қўйилган бошқа айбловлар юзасидан ҳамкасбларим маълумот тайёрлайдилар ва кейинроқ ўқувчилар эътиборига етказадилар.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Cардорбек Юсупов
