Олий лига 2-тур учрашувларидан кейин турли ёшдаги терма жамоаларимиз йиғинга киришадилар.
Терма жамоалар маркази бир вақтнинг ўзида "Бунёдкор"нинг 18 нафар футболчисини турли ёшдаги терма жамоаларимизга таклиф этиб, телеграмма юборди.
Миржалол Қосимов бошчилигидаги Ўзбекистон миллий терма жамоаси 23 мартдан 2 апрелга қадар йиғин ташкил этган. 11 кунлик ушбу тайёргарлик давомида Жанубий Корея ва Японияга қарши меҳмонда ўртоқлик учрашувлари ташкил этилади. Бу йиғинга “Бунёдкор”нинг олти нафар футболчиси жалб этилган.
Ўзбекистон олимпия терма жамоаси ўз йиғинини аллақачон бошлаб юборган. Бахтиёр Ашурматов бошчилигидаги жамоа 18 мартдан 2 апрелга қадар йиғин ташкил этади. Олимпиячиларимиз ушбу йиғин доирасида 27-31 март кунлари Бангладеш мамлакатида ўтказиладиган ёшлар ўртасидаги Осиё чемпионати саралаш турнирида иштирок этишади. Бу жамоага “қалдирғочлар”нинг уч нафар футболчиси чақирилган.
“Бунёдкор”нинг энг кўп – тўққиз нафар футболчиси Равшан Ҳайдаров бошчилигидаги ёшлар терма жамоасидан чақирув олган. Жорий йилда Янги Зеланлдия мамлакатида бўлиб ўтадиган жаҳон чемпионатига тайёргарлик кўраётган бу ёш тоифасидаги терма жамоамиз 22 март 6 апрель оралиғида умумий ҳисобда 15 кунлик йиғин ташкил этган. Равшан Ҳайдаров шогирдлари ушбу йиғиннинг бир қисмини Португалия мамлакатида ўтказишади.
Қуйида терма жамоалардан чақирув олган “Бунёдкор” футболчилари билан танишишингиз мумкин.
Ўзбекистон миллий терма жамоаси
1.Акбар Тўраев – дарвозабон
2.Абдукарим Муҳаммедов – дарвозабон
3.Акмал Шораҳмедов – ҳимоячи
4.Артём Филипосян – ҳимоячи
5.Сардор Рашидов – ярим ҳимоячи
6.Воҳид Шодиев – ҳужумчи
Ўзбекистон Олимпия терма жамоаси
1.Акрамжон Комилов – ҳимоячи
2.Сардор Собирхўжаев – ярим ҳимоячи
3.Темур Аюпов – ҳужумчи
Ўзбекистон ёшлар терма жамоаси
1.Эргаш Исмоилов – ҳимоячи
2.Рустамжон Ашурматов – ҳимоячи
3.Хуршид Ғиёсов – ҳимоячи
4.Миржамол Қосимов – ярим ҳимоячи
5.Отабек Шукуров – ярим ҳимоячи
6.Сардор Азимов – ярим ҳимоячи
7. Достонбек Ҳамдамов – ярим ҳимоячи
8.Забихилло Ўринбоев – ҳужумчи
9.Элдор Шомуродов – ҳужумчи
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
