Ёшлар лигаси 2-тури доирасида “Қизилқум” ва “Бунёдкор” ёшлар жамоалари куч синашишди.
Учрашув тенг курашлар остида бошланди. Ҳар иккала жамоа аъзолари бир-бирларига муносиб қаршилик кўрсатишди. Ёш “қалдирғочлар” хавфли вазиятлар яратишда рақибга қараганда бир мунча яхшироқ ҳаракат қилишди. Лекин биринчи бўлимда ҳисобни очиш ҳеч бир футболчига насиб этмади.
Иккинчи бўлимни “Бунёдкор” ёшлари анчайин фаол бошладилар. 50-дақиқада ёшларимизнинг навбатдаги ҳужумларини бартараф этишда “Қизилқум” аъзолари ўйин қоидасини бузишди. Чамаси 22 метрлардан белгиланган жарима зарбасини Миржамол Қосимов қойилмақом тарзда бажариб, Дилшод Ҳамроев қўриқлаган дарвозанинг олис юқори “тўққизлигига” жойлаб қўйди – 0:1. Орадан кўп ўтмай бунёдкорчилар рақиб дарвозасига иккинчи тўпни йўлладилар. Қарши ҳужумда Жавоҳир Қаҳрамонов рақиб аъзоларидан чаққонроқ ўйнаб, тўпни қулай вазиятда турган шериги Сардор Азимовга етказиб берди. Сардор эса деярли бўш қолган дарвозани ишғол қилишда адашгани йўқ – 0:2.
Ушбу ҳисоб ўйин охиригача ўзгармай қолди. Шу тариқа, “Бунёдкор” ёшлари иккинчи турда ҳам ғалаба қозониб, ёшлар лигаси мусобақа жадвалида тўплар фарқига кўра якка пешқадамлик қилишмоқда.
“ҚИЗИЛҚУМ” – “БУНЁДКОР” 0:2 (0:0)
Голлар: Миржамол Қосимов (50), Сардор Азимов (61)
Огоҳлантиришлар: Бобуржон Ўроқов (8), Нодиржон Шаҳобиддинов (15), Нуриддин Ҳасанов (55), Саиджон Ҳайитов (74)
“Қизилқум”: 12.Дилшод Ҳамроев, 6.Бобуржон Ўроқов, 14.Саиджон Ҳайитов, 43.Жамҳурбек Абдужалилов (54.Ҳусниддин Фазлиддинов 52), 44.Бобур Мамиров, 47.Жамшид Шоҳназаров (58.Феруз Бобоқулов 46), 51.Бобуржон Искандаров (С), 52.Севдиёр Ҳамроқулов, 77.Нодиржон Шахобиддинов (11.Маъруф Тиллаев 72), 87.Руслан Санаев (53.Баҳодир Қосимов 46), 90.Сарваржон Холматов (57.Нуриддин Раҳматуллаев 46)
Захира: 50 Шаҳзод Асатов, 48.Шуҳратжон Ражабов
“Бунёдкор”: 25.Муроджон Зуҳуров (С), 6.Рустамжон Ашурматов, 7.Нодир Мавлонов (14.Вячеслав Пурак 65), 15.Эргаш Исмоилов, 18.Шаҳзод Абдураҳимов (33.Иброҳим Ғофуров 76), 26.Сардор Азимов (5.Восит Раҳимов 81), 23.Нуриддин Ҳасанов (21.Фарҳод Намозов 60), 28.Хуршид Ғиёсов, 30.Азиз Мамазоитов (10.Владислав Нуриев 70), 44.Миржамол Қосимов, 59.Жавоҳир Қаҳрамонов (11.Муҳаммаджон Қаҳрамонов 76)
Захира: 1.Элдор Адҳамов
Ҳакамлар: Бахтиёр Йўлчараев (Гулистон), Олимжон Абдуҳалимов, Ўктам Бобомуродов, Нодир Болтаев (барчаси - Навоий)
Назоратчи: Дмитрий Роман (Тошкент)
21 март. Навоий. “Сўғдиёна” стадиони
Матнда хатолик топсангиз, ўша хатони белгилаб, бизга жўнатинг (Ctrl + Enter).
Навбаҳор
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
