Бразилиялик машҳур футбол афсонаси Роналдиньо ҳали-бери фаолиятини тугатмоқчи эмас. Биз эса сўнгги ярим йил мобайнида яқин ўтмишнинг энг порлоқ юлдузларидан бири қаерда ва қандай шов-шув кўтараётгани ҳақида ҳикоя қиламиз. «Мен бахтлиман. Роналдиньо – бу Роналдиньо эканлигини ҳар куни исботлашим учун 40 ёшгача ёки ундан ҳам кўпроқ ўйнашни истайман», - деганди футболчи ўтган ёзда. Ушбу интервьюдан сўнг уч ҳафта ўтиб, Роналдиньо «Атлетико» Минейро билан тузган шартномасини бекор қилди. Бир ой ўтиб эса Мексиканинг «Керетаро» клубига ўтди.
Бу қандай рўй берди?
Бир йил олдин ҳам «Керетаро»да жиддий муаммолар бор эди - ўйинчиларга маош тўланмаган, жамоа президентини эса молиявий қаллобликда айблашганди. Клуб муниципаль ҳукумат бошқарувига топширилди. Агар Мексиканинг йирик холдинг компанияси жамоага ҳомийлик қилишни бошламаганида, «Керетаро» бутунлай йўқолиб кетиши ҳам мумкин эди. Жамоанинг янги президенти Артуро Виллануева клуб мақсадларини биринчи ўринга қўйди. Яъни, у юқори-қуйи дивизионлар орасида «осилиб туриш»га барҳам берди ва шунингдек, Роналдиньо билан шартнома имзолаш таклифини илгари сурди. Футболчининг акаси билан кечган дастлабки музокаралар ижобий натижа бергач, Виллануэва Порту-Алегрига учди. Президент Роналдиньонинг туғилиб-ўсган шаҳрида тўрт кун бўлиб, у биланшартнома имзолашга эришди. «Роналдиньо айтдики, бутун фаолияти давомида унинг уйига музокара учун ҳали бирон марта президент ташриф буюрмаган экан», - тушунтирганди Виллануэва. - Бу уни таъсирлантирди ва музокаралар кўнгилдагидек ўтди. Футболчи ўзининг ушбу юртга ва унинг аҳолисига бўлган қизиқиши баланд эканлигини айтди. Ўзи яхши таъминлангани учун, шунчаки пул ишласа бўладиган жой эмас, балки ўзига футболдан чақирув қидираётганди».
Роналдиньонинг шартномаси 2 йилга мўлжалланди. Маоши эса, 1,8 млн. доллар деб баҳоланмоқда. У - Мексикада энг кўп маош оладиган футболчилар рўйхатининг 4-ўрнини банд этди. Бу борада пешқадам - Роке Санта Крус («Крус Асуль»-2,6млн).
Сентябрь ойининг ўрталарида «Керетаро» мухлислари учун футболчининг тақдимоти бўлиб ўтди ва бу учрашувларнинг бирида, танаффус пайтида рўй берди. Бразилиялик тирик афсона фаолиятини давом эттириш учун нега айнан шу вариантни танлаганлиги ҳақидаги саволга у шундай деб жавоб берди: «Мен титул ва қизлар учун курашни Мексикада давом эттираман».
Майдонда
Роналдиньонинг Мексика лигасидаги биринчи ўйинини кўриш учун, 38 минг томошабин ташриф буюрди. Маҳаллий «Чивас» чипта баҳосини кўтарганига қарамай, Гвадалахаредаги стадион шунча аудитория йиғди. Роналдиньо пенальти урди, тўп оширди ва қайчи услубида зарба берди. Якунда «Керетаро» 4:1 ҳисобида ғалаба қозонди. Икки ҳафта ўтиб, Гвадалахареда «Атлас» - «Керетаро» ўйини бўлиб ўтди. Мазкур учрашувни 48 минг томошабин кўрди. Ушбу баҳсда Роналдиньо жаримадан тўп киритди ва шу билан бирга, майдонга югуриб чиққан мухлис футболкасига дастхат қўйди. Роналдиньо Апертуранинг қолган 6та учрашувида бир марта гол уришга муваффақ бўлди. Футболчи 26 декабрь куни қишки таътилдан қайтди - бутун жамоага нисбатан икки ҳафтага кеч. Шундан кейин шахсий муаммоларини ҳал қилиш учун, шу заҳоти Бразилияга жавоб сўради. Жамоа Клаусура стартига тайёргарлик кўраётган бир пайтда, Роналдиньо атмосферали расмлар билан дастхатлар бериб, ўзининг мухлисларини янги йил билан табриклаётганди.
Январь ойининг бошларида Роналдиньо Мексикага қайтди ва индивидуал тарзда машғулотларга киришди. Уч ҳафта, жисмоний тайёргарлик бўйича мураббий, Роналдиньо устидан шикоят қилди: «У машқларнинг ҳаммасини бажармаяпти, мен уни югуришга мажбур қилолмайман. Чунки, унга бу ёқмайди». Буни қарангки, жанжал жиддий тус олмади. Нима учун? Чунки, аввалроқ ўша мураббийнинг ўзи шундай таъкидлаганди: «Биз Керетарода яшаймиз ва бизда Роналдиньо бор. Бу биз учун, худди Марадона «Барселона»дагидек гап. Бундай ўйинчилар бошқаларга нисбатан ўзларига кўпроқ эркинликни эп кўришлари мумкин».
Шу йили Роналдиньо фақат учта учрашувда майдонга тушди ва икки ҳафта олдин бурчакдан зарба бериб гол уришига сал қолганди.
ИҚтисодий самара
Сентябрда Мексиканинг Mxsports агентлиги қуйидаги натижани тахмин қилди: бутун мамлакат бўйича стадионларда 400 минг нафар янги мухлис клуб кассаларида эса, қўшимча 115 млн. песо (7,66 млн. доллар). Буларнинг барчаси, апертуранинг сўнгги 10та учрашуви давомида кузатилди.
Роналдиньо пайдо бўлиши билан, «Керетаро»нинг уйидаги ўйинларда стадион тўлиши 63 фоиздан 84 фоизгача ошди ва бу борада клуб 14-поғонадан, лиганинг ўрта ўринларига чиқиб олди. «Керетаро»нинг расмий магазини, битта мавсумда 3 мингтадан 5 мингтагача клуб футболкаларини сотмоқда (фақат оригиналларини эмас). Роналдиньо ўтиб, бу кўрсаткичнинг икки бараварга ўсиши кутилмоқда - бразилиялик «Фламенго» ва «Атлетико» Минейрога ўтганидан сўнг ҳам, айнан шу ҳолат кузатилганди. Бундан ташқари, Роналдиньо, клубни янги ҳомийлик шартномаси билан таъминлашга қурби етади.
МусиҚа, реклама, лайклар
Ўтган ярим йил ичида Роналдиньо Бразилиядаги Trio Ternura гуруҳининг клипида суратга тушишга улгурди - ундаги асосий ҳаракатларни ўрганиб олишинглар мумкин. Бу футболчининг мусиқачилар билан биринчи тажрибаси эмас. Клипларда Роналдиньо нафақат рақсга тушади, балки куйлайди ҳам ва бу You Tubeда миллионлаб мухлислар эътиборини тортди. Сиз ҳам албатта кўринг!
Мексикада Роналдиньо маҳаллий банкнинг реклама ролигидаги қаҳрамонига айланди. Бразилиялик шунингдек «Ronaldinho Super FIash» ўйини тақдимотини ўтказди.
Футболчи Facebookда миллионта лайк йиғиши билан, янги сайт очади.Бразилиялик сўнгги интервьюларидан бирида, «Олтин тўп»ни қандай ютганлигини эсга олди. Роналдиньо фаолиятидаги энг зўр лаҳзаларни айтишдан бош тортди ва ишонтириб айтдики, ҳали ҳаммаси олдинда. Ахир у, эндигина 35 ёшга тўлди...
Ибодилло БУРҲОНОВ тайёрлади, "ИнтерФУТБОЛ" газетаси.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
