ХХI аср футбол дунёсида Роналду ва Месси асри бўлмоқда десак асло муболаға бўлмайди. Ушбу икки футболчи мана 7 йилдирки «Олтин тўп»ни бошқа ҳеч кимга бермай келишмоқда. Криштиану «Реал» сафига ўтганидан сўнг, Роналду-Месси дуэли янада қизғин тус олди. Икки футболчининг Испания чемпионатида ўзаро рақиб бўлганликларидан, яъни 2009-йилдан бошлаб қайд этган натижаларини таққослаб кўрамиз.
Испания чемпионатида:
Роналду: 194 ўйин – 216 гол + 67 узатма. Карточкалар: 27+4. 16559 дақиқа
Месси: 200 ўйин – 225 гол + 102 узатма. Карточкалар 19+0. 16964 дақиқа
Испания Ла лигасида Роналду ва Месси тўпурарлик қилишда ҳам яққол етакчилик қилиб келишмоқда. Роналду Премерога жуда тез мослашиб кетди ва 194 та учрашувда рақиблари дарвозаларини 216 бора аниқ «нишон»га олди. Шунингдек 67 та голга ҳаммуаллифлик вазифасини ҳам бажариб берди. Криш ҳакамлардан 27 та сариқ, 4 та қизил рангдаги карточкаларни олишга ҳам сазовор бўлган. Лионель Роналду келганидан бери чемпионатда ундан бироз кўпроқ учрашув ўтказган – 200 та. Киритган голлари эса 9 тага кўпроқни ташкил қилмоқда – 225 та. Ўз жамоадошларининг гол уришида 102 та аниқ узатмаси билан иштирок этган бўлса, 19 маротаба сариқ карточкага мубтало бўлган. Ҳозирча чемпионат баҳсларида Месси Роннига қараганда устунлик қилмоқда.
Испания кубогида:
Роналду: 28 ўйин – 21 гол. Карточкалар: 8+1. 2392 дақиқа
Месси: 33 ўйин – 23 гол. Карточкалар: 6+0. 2579 дақиқа
Икки футболчи Испания чемпионатидаги натижалари деярли тенг. Фақатгина Лео рақобатдошидан 2 та кўп гол урган. Португалиялик футболчи ҳисобида 21 гол, 8 сариқ ва 1 та қизил карточка мавжуд бўлса, аргентиналик ҳужумчида 23 гол ва бор йўғи 5 та сариқ рангли карточка мавжуд. Демак, Испания кубогида ҳам кичик устунлик Лео тарафида.
Испания суперкубогида:
Роналду: 6 ўйин – 3 гол. Карточкалар: 2+0. 451 дақиқа
Месси: 9 ўйин – 10 гол + 2 узатма. Карточкалар: 0+0. 714 дақиқа
Испания суперкубокларида Лионель Криштиануга қараганда кўпроқ майдонга тушган ва табиийки голлари сони ҳам ортиқ. Роналду 6 ўйинда 3 та гол урган бўлса, Месси 9 учрашувда 10 та голга муаллифлик қилган. Португалиялик футболчи ҳисобида шунингдек 2 та сариқ карточка ҳам мавжуд.
Чемпионлар лигасида:
Роналду: 60 ўйин – 60 гол + 14 узатма. Карточкалар: 6+0. 5196 дақиқа
Месси: 63 ўйин – 58 гол + 14 узатма. Карточкалар: 2+0. 5359 дақиқа
Чемпионлар лигасида ҳам иккала футболчининг натижалари бир бириникига яқин. Роналду 60 учрашувда 60 та гол урган бўлса, Месси 63 та учрашувда 58 та тўп киритган. Голли узатмалар борасида тенглик – 14 тадан узатма. Демак, Роналду Чемпионлар лигасида Мессидан 3 та кам ўйин ўтказган бўлса ҳам, 2 та кўп гол уришга эришган.
Европа суперкубогида
Роналду: 1 ўйин – 2 гол. 90 дақиқа
Месси: 2 ўйин – 1 гол +1 узатма. 1 сариқ карточка. 180 дақиқа
Роналду Европа суперкубогида ҳам кичик устунлик билан Мессидан олдинда бормоқда. “Реал” ҳужумчиси 1 ўйинда 2 гол урган бўлса, “Барса” форвардида 2 ўйинда урилган 1 гол мавжуд.
Клублар ўртасидаги жаҳон чемпионатида
Роналду: 2 ўйин. 180 дақиқа
Месси: 4 ўйин – 4 гол. 1 сариқ карточка. 338 дақиқа
Клублар ўртасида ўтказилган мундиалда Месси 4 ўйинда 4 та тўпга муаллифлик қилган. Роналду эса ушбу турнирда 2 учрашув ўтказиб бирорта ҳам гол урмаган. Ушбу турнирда гол уришда Лео яққол устунликка эришмоқда.
Умумий:
Роналду: 291 ўйин – 302 гол + 81 узатма. Карточкалар: 43+5. 24868дақиқа
Месси: 311 ўйин – 321 гол +119 узатма. Карточкалар: 29+0. 26134 дақиқа
Барча мусобақалардаги натижаларга тўхталадиган бўлсак, Месси Роналдудан бироз устун эканлигига гувоҳ бўламиз. Бироқ орадаги фарқ унчалик катта эмас. Лионел Кришга нисбатан 20 та ўйин кўп ўтказган, урган голлари сони эса 19 тага ортиқ. Криштиану ҳакамлар тарафидан 43 марта огоҳлантирилган, яна 5 марта четлатилган бўлса, Лео 29 учрашувда сариқ карточка билан «сийланган». Демак, ушбу рақобат ҳали анча давом этади. Роналду ва Месси эса яқин орада гол уришдан тўхташлари даргумон. Шундай экан, статистик натижалар бундан ҳам яхшиланишига шубҳа йўқ.
Юсупов Фурқат
Манба: www.Furkat.uz
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
