Жаҳон футболида ўз имижига алоҳида эътибор қаратадиган юлдузлар етарлича топилади.
Бу борада, айниқса, соч турмаги кўринишини тез-тез ўзгартириб турадиган “чарм тўп усталари”га ҳам тўхталиб ўтиш жоиздир. Зеро кўплаб мухлислар юлдуз футболчиларни нафақат кўрсатадиган ўйинлари туфайли, балки айнан ноодатий, аммо ўзларига ярашиб турадиган соч турмаклари туфайли ҳам ёқтиришади.
Шуни инобатга олган ҳолда, сизларга оригинал соч турмагига эга бўлган 3 та ажойиб футболчи ҳақида маълумот бермоқчимиз.
Неймар Жуниор
“Сантос” сафида намойиш қилган қойилмақом ўйинлари орқали бутун дунё эътиборини ўзига қарата олган Неймар Жуниор эндиликда “Барселона” таркибида тўп сурмоқда. Сўнгги йилларда Бразилия терма жамоасининг етакчисига айланиб олган ушбу йигитча ўзининг ажойиб дриблингга эга эканини билан биргаликда тез-тез соч турмагини ўзгартириб туриши билан ҳам машҳур саналади. Неймар “Сантос” сафида ўйнаб юрган пайтларида “ирокезлар”га ўхшаш соч турмагига эга эди.
Кўплаб мухлислар унинг айнан мана шу соч турмаги туфайли ҳам “севиб қолишганди”. Аммо Неймар узоқ муддат бир хилдаги соч турмаги билан юришни унча хуш кўрмайди. Шу боисдан мухлислар уни тез-тез турли хил, бир-бирига умуман ўхшамайдиган тарзда кўришади.
Хатто, бир муддат Неймар 2002 йилги Жаҳон чемпионатида Роналдода кўрганимиздек соч турмагини ҳам ўзида синаб кўрди.
Ҳозирги кунга келиб Неймар соч турмаклари эволюцияси мана бундай кўринишга келган.
Криштиану Роналду
Ўз ташқи кўринишига алоҳида эътибор қаратадиган футболчилар тўғрисида гап кетганда биринчи галда португалиялик футбол юлдузи – Криштиану Роналдуни эслаб ўтилиши тайин, албатта. Зеро Роналду ҳар доим ўзининг ташқи кўриниши ва соч турмаклари билан футбол жамоатчилиги диққатини ўзига тортиб келган.
Роналду “Манчестер Юнайтед”да ўйнаб юрган кезларидаёқ ташқи қиёфасига алоҳида эътибор қаратиши билан танилган эди. Маҳоратли футболчи ёшлик пайтларида сочини узун қилиб ўстириб юришни ёқтирарди.
Лекин сўнгги йилларга келиб, CR7 калта сочдаги кўрин ишга ҳам мухлисларини кўниктирди.
Роналду соч турмагини тез-тез ўзгартириб туради. Бунда у баъзан бирор муҳим воқеа сабаб ҳам шу йўлни тутиши мумкин. Бунга ўтган йили Бразилияда бўлган Жаҳон чемпионати пайти ҳам гувоҳ бўлгандик. Ўшанда у оғир дардга чалинган болакайнинг кўнглини кўтариш мақсадида сочига чизиқ тортганди.
Умуман олганда, Криштиану Роналдунинг турли хил соч турмаклари доимо мухлислар орасида катта шов-шувга сабаб бўлади ва дунё бўйлаб, шунингдек, Ўзбекистонда ҳам кўплаб ёш футбол шайдолари ўз сочларини кумирлари каби турмаклашларига олиб келади.
Сервер Жепаров
Ўзбекистонлик футболчилар орасида Сервер Жепаров ўзининг антиқа соч турмаклари билан анча машҳур саналади. Миллий терма жамоамиз сардори ҳам тез-тез соч турмагини ўзгартириб туради. Сервер ўз ташқи кўринишига алоҳида эътибор қаратиш бобида анча-мунча европалик юлдузлардан ҳам қолишмайди.
Осиё футболида катта нуфузга эга бўлган Сервер Жепаровнинг сочлари илгари анча калта бўларди. Ўзининг сальтолари билан танилган ҳамюртимиз ўзининг калта сочлари билан кўплаб мухлисларни ўзига мафтун қилган эди.
Лекин сўнгги йилларда Корея чемпионатида тўп сураётган Сервер ўз ташқи кўринишини олдингидан анча ўзгартирди. Эндиликда мухлислар Жепаровни калта эмас, балким анча узун соч билан кўришмоқда.
Шуни алоҳида таъкидлаш жоизки, Сервернинг ҳозирги соч турмаги ҳам аллақачон урфга кириб бўлди. Кўча-куйда баъзан узун сочли йигитларга кўз тушади. Суриштириб билинса, улар ҳам футболга қизиқишади ва Жепаровнинг мухлислари бўлишади.
Юқорида қайси футболчининг соч турмаги оригинал эканини аниқламоқчи эдик. Шуни таъкидлай оламизки, ҳар учала футболчи ҳам ўзига хос услубга эга ва доимо соч турмакларини замонга хос ва мос равишда ўзгартириб туришади. Улар орасида кимнидир алоҳида ажратиб кўрсатиш қийин. Зеро ҳар учаласи ҳам ўзининг оригинал, бировникига ўхшамаган услубига эгадир. Нима дедингиз, азиз мухлис…
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
