Трансферлар бозорида амалга оширилган харидлар доимо ҳам ўзини тўлиқ оқламаган. Баъзида жуда катта маблағлар сарфланган пулларга харид қилинган футболчилар ўз даражасида ўйин кўрсата олишмаган. Қуйида эътиборингизга миллионлар ўйинида энг омадсиз 7та трансфер хусусида сўз юритамиз.
Кака
Сотиб олинган баҳоси: 65 миллион евро
“Милан”да ёрқин ўйинлар кўрсатган Кака “Реал”нинг асосий нишонига айланади. Шу боисдан “қироллик” жамоаси бразилиялик футболчини сотиб олишга уринади. Унинг учун “Реал” 65 миллион евро сарфлайди. Афсуски, Каканинг мадридликлардаги ишлари юришмайди ҳамда заҳирада қолиб кетади.
Фернандо Торрес
Сотиб олинган баҳоси: 58,5 миллион евро
“Челси” тарихидаги энг омадсиз трансфер сўзсиз Фернандо Торресни “аристокатлар” сафига келиб қўшилиши билан боғлиқ. Роман Абрамович жуда катта маблағлар сарфлаб, уни сотиб олади. Бироқ “Ливерпул”да тўпурар бўлган ҳужумчи Лондонда гол урмай қўйди. Онда-сонда гол урмаса, Торрес ҳужумчи эканлигини ҳам унутиб қўйган эди. Жозе Моуриньо “Челси” бош мураббийи этиб қайта тайинланганидан сўнг испаниялик форвардни “Милан”га бериб юборади. Албатта, ижара асосида. Кейинчалик “Челси” футболчини 3 миллион еврога сотади. Ҳозирда Торрес қадрдон клуби “Атлетико”да тўп сурмоқда.
Гаиска Мендьета
Сотиб олинган баҳоси: 43 миллион евро
“Валенсия”да Мендьета жуда яхши йилларини ўтказади ва шу сабабли уни “Лацио” жамоаси сотиб олади. Минг афсуски, италия клубида футболчининг ишлари тўҳтаб қолди. У бошқаларнинг соясида қолиб кетди. Кейинчалик “Мидлсбро” футболчига харидор бўлиб чиқади ва уни атига 5 миллион еврога сотиб олади. Хуллас, бу футболчини сотиб олган “Лацио” шундан буён катта маблағлар сарфламаяпти.
Андрей Шевченко
Сотиб олинган баҳоси: 43,3 миллион евро
Моуриньо бу ҳужумчини сотиб олишни ўртага ташлагани учун ҳам “Челси” катта маблағлардан воз кечиб, Андрейни сотиб олади. у ҳам худди Торрес сингари заҳирада қолади. Гол уришни нималигини билмайди. Эътиборлиси шундаки, украиналик ҳужумчи “Челси”дан кетганидан сўнг умуман аввалги даражасига қайта олмай қолди. Кейинчалик фаолиятини тугатишига тўғри келди.
Златан Ибрагимович
Сотиб олинган баҳоси: 69,5 миллион евро
“Барселона” Ибрагимовични жуда катта нархга сотиб олади. 69,5 миллион евро эвазига у каталонияликлар сафига келиб қўшилади. Минг афсуски, шқвециялик форвард бу клубда Мессининг соясида қолиб кетади. У “Барселона”да тўпурарлик маҳоратини кўрсата олмайди. Натижада, Ибрагимовични “Милан”га сотишади. “Россонерилар” уни 30 миллион еврога сотиб олади.
Давид Вилья
Сотиб олинган баҳоси: 37,9 миллион евро
Вилья ҳам Мессининг соясида қолиб кетган навбатдаги футболчига айланади. “Валенсия”дан 40 миллион еврога сотиб олинган ҳужумчи “Барселона”да авваалгидек сермаҳсул ўйинини кўрсатмайди. Қолаверса, оёғини синдириб олиб, анча вақт футбол ташқарисида қолиб кетади. Мана шундай омадсизликлардан сўнг “Барселона” Вильяни “Атлетико”га атига 2,1 миллион еврога сотиб юборади.
Иззатбек Абдуваҳобов тайёрлади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
