Ҳозиргина якунига етган Ўзбекистон Кубоги ярим финали дастлабки учрашувининг “Насаф” ва “Локомотив” жамоалари ўртасидаги учрашув якунига етди.
Учрашувни жамоалар эҳтиёткорлик билан бошлашди. Аммо аста-секин майдондаги устунлик меҳмонлар томонига оға бошлади. “Насаф” жамоаси эса илк хавфли ҳужумни учрашувнинг 6-дақиқасида ташкил қилди. Баҳром Абдураҳимов Артур Геворкянни чап томондан қўлй вазиятда тўп билан таъминлади, Артур эса тўпни жарима майдонига ошириб берди, афсуски бу вазиятда тўпга ҳеч ким етиб кела олмади.
Қизиқарли учрашувнинг 15-дақиқасида ўйиндаги ҳисоб очилди. Илҳом Шомуродовнинг узатиб берган тўпини Азамат Алланиязов тўпга бир тегишда дарвозага аниқ йўллаб голга айлантирди- 1:0.
Ўйиннинг 19-дақиқасида ҳисоб янада йириклашиши мумкин эди, Азамат Алланиёзовнинг жарима майдони ичида боши билан берган зарбасини Маъмур Икромов қийинчилик билан дарвоза устунидан ўтказиб юборди.
21-дақиқада Иван Нагаев ўйиндан ташқари ҳолатда яқин масофадан гол урди. Албатта бу гол ҳисобга олинмади.
Ўйинда вақт ўтиши билан ташаббусни майдон эгалари ўз қўлига ола бошлади. Улар кетма-кет “Локомотив” дарвозаси олдида хавфли вазиятлар ташкил эта бошлашди, бу вазиятларда меҳмонллар ҳимояси бехато ўйнади.
28-дақиқасида учрашувдаги ҳисоб ўзгарди. Деярли майдон марказидан тўпни Азамат Алланиёзов “Насаф”нинг тезкор ўйинчиси Шоҳруҳ Гадоевга ошириб берди. Шоҳруҳ катта тезлтк билан бирга-бир вазиятга чиқиб борди ва дарвозани аниқ нишонга олди – 2:0
Учрашув 42-дақиқасида Темирхўжа Абдухолиқов майдондан четлатилди. Бунга сабаб, унинг ҳакам Ҳасан Рўзиевнинг қарорига қўпол норозилиги сабаб бўлди. Меҳмонлар шундан сўнг битта ўйинчи кам бўлиб қолишди.
Биринчи бўлим “Насаф”нинг 2:0 ҳисобдаги устунлиги билан якунланди.
Иккинчи бўлимги кутилганидек “Локомотив” жамоаси фаолроқ бошлади. Улар кетма-кет “Насаф” дарвозаси томон ҳужумлар ташкил қила бошлашди. Ўз ўрнида майдон эгалари ҳимояланишга мажбур бўлишди.
Учрашув 62-дақиқасида “Насаф” жамоаси тезкор қарши ҳужум ташкил қилди, ўнг қанот ташкил қилинган ҳужумда Фарруҳ Сайфиевнинг зарбаси дарвоза тўчинига тегиб қайтди. Акс ҳолда Маъмур Икромов бу зарбани қайтаришга ожиз эди.
Шуни таъкиддлаш керакки, “Локомотив” жамоаси битта ўйинчи кам бўлсада, майдонда жуда ҳамжиҳатлик билан ҳаракат қилди.
69-дақиқада иккинчи бўлимда майдога тушган Дилшод Раҳматуллаевнинг тепган жарима тўпини Элдорбек Суюнов катта қийинчилик билан қайтариб қолди.
Учрашув асосий вақтининг тугашига 10 дақиқа қолганда, ўйин сурати анча сусайди, футболчилар бугунги учрашувда кўп куч сарф қилишди, шундан уларнинг чарчаб қолгани сезила бошланди. Бу вақтда Вадим Абрамов мумкин бўлган ўйинчи алмаштиришни алмаштириб бўлган эди.
Рўзиқул Бердиевда ҳали битта ўйинчи алмаштириш имкони бўлсада, бу имкониятни ўйин охиригача сақлаб турди.
Элдорбек Суюновнинг учрашув тугаши пайтдаги энг чиройли сейви “Насаф”ни муқаррар голдан асраб қолди.
Шундай қилиб, “Насаф” жамоаси Ўзбекистон Кубогининг ярим финали дастлабки учрашувида “Локомотив” мағлуб этди. Ғалаба муборак азиз “Насаф” мухлислари!
Ўзбекистон Кубоги-2015, 1/2 финал, дастлабки учрашув
Қарши ш., “Марказий” стадиони. 12.08.2015 й. 19:30да. 6040 томошабин
“Насаф” (Қарши) – “Локомотив” (Тошкент) 2:0 (2:0)
Ҳакамлар: Ҳасан Рўзиев, О. Абдувосилов, С.Шоюсупов, З.Қодиров.
Назоратчи: Д.Роман (Тошкент).
Голлар: Азамат Алланиёзов, 15-1:0, Шоҳруҳ Гадоев, 28-2:0,
“Насаф”: 25.Элдорбек Суюнов, 4.Мақсуд Каримов, 9.Илҳом Шомуродов (18.Бахром Абдурахимов 64), 17.Артур Геворкян (c) (7.Акрамжон Баҳриддинов 90), 20.Эркин Бойдуллаев, 22.Шоҳруҳ Гадоев (16.Алишер Юсупов 73), 23.Шерзод Аъзамов, 28.Шуҳрат Муҳаммадиев, 33.Одилбек Ҳамробеков, 34.Фаррух Сайфиев, 41.Азамат Алланиёзов.
Захирадагилар: 30.Ўткир Юсупов, 10.Кенжа Тўраев, 32.Ҳамза Каримов, 38. Дониёржон Нарзуллаев
“Локомотив”: 12.Маъмур Икромов, 4.Бобурбек Йўлдошев, 11.Темирхўжа Абдухолиқов, 13.Лутфулла Тўраев (9.Дилшод Раҳматуллаев 67), 20.Ислом Тўхтахўжаев(с), 22.Санжар Шоаҳмедов, 24.Иброҳимжон Раҳимов, 28.Икром Алибоев, 31.Неманья Яничич, 33.Олег Зотеев ( 77.Жасур Ҳасанов(каттаси) 49), 70.Иван Нагаев (18.Тимур Копадзе 33).
Захирадагилар: 1.Игнатий Нестеров, 8.Сардор Мирзаев, 55.Муйдинжон Мамазулунов.
Огоҳлантириш: Икром Алибоев 90.
Четлатиш: Темирхўжа Абдухолиқов 42.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
