Олий лига 19-турида пойтахтнинг икки етакчи жамоаси “Бунёдкор” ва “Локомотив” клублари ўзаро куч синашади.
22 август куни “Бунёдкор” стадионида ўтказиладиган “Бунёдкор” - “Локомотив” учрашуви олдидан ўзаро ўйинларга оид қизиқарли маълумотларни эътиборингизга ҳавола қилмоқчимиз.
- “Локомотив” таркибидаги футболчилардан собиқ бунёдкорилар олти кишини ташкил этади. Булар: Игнатий Нестеров, Тимур Кападзе, Лутфулла Тўраев, Жасур Орзиқулович Ҳасанов, Олег Зотеев ва Темурхўжа Абдухолиқов. Бундайлар “қалдирғочлар” сафида тўрт кишини ташкил этади. Булар: Павел Бугало, Анвар Ғофуров, Виктор Карпенко ва Жавлон Иброҳимов.
- Равшан Эрматов “Бунёдкор” ва “Локомотив” жамоаларининг олий лига доирасидаги ҳозиргача ўтган 15та ўзаро учрашувларининг бештасида бош ҳакамлик қилган.
- Ўзаро ўйинлардаги энг йирик ҳисоб 4:0 кўринишида бўлган. 2010 йилги мавсумда “қалдирғочлар” ТТЙМИ стадионида Вадим Абрамов жамоаси дарвозасига жавобсиз тўртта гол уришган.
- Ўзаро ўйинларда атиги икки футболчи биттадан “дубль” қайд эта олишган. 2008 йили Сервер Жепаров “Жар” стадионида кечган ўйинда иккита гол уриб, “қалдирғочлар”га 3:2 ҳисобидаги ғалабани тақдим этган бўлса, Артурос Фоменко 2013 йили “Локомотив” таркибида “Бунёдкор” дарвозасини икки бор ишғол қилган.
- Жасур Орзиқулович Ҳасанов ўзаро ўйинларда умумий ҳисобда 12 маротаба майдонда бўлган. Лекин Ҳасанов 9та ўйинда “Бунёдкор” либосида, учта ўйинда “термирйўлчилар” сафида ҳаракат қилган.
- Энг тезкор гол 3-дақиқада киритилган. Эътиборлиси, 2012 йилги мавсумнинг биринчи даврасида Дилшод Раҳматуллаев “Жар”, иккинчи даврада Виктор Карпенко “Локомотив” стадионларида бир хил - 3-дақиқада гол уришган.
- “Бунёдкор” бунгача ўтган 15та ўзаро ўйинларнининг атиги биттасида (2015 йил) гол ура олмаган (3:0). “Локомотив”да эса бу кўрсаткич тўртта баҳсда кузатилган.
- “Бунёдкор” ҳозирча “Локомотив”га ўз майдонида ютқазмаган.
- “Бунёдкор”нинг жорий мавсумдаги энг ёш таркиби айнан “Локомотив”га қарши майдонга тушди. Жамоаларнинг “Локомотив” стадионида кечган биринчи даврадаги учрашувида Сергей Лушчан шогирдларининг ўртача ёши 24,1ни ташкил этганди.
- Бу икки жамоа биринчи бор “Бунёдкор” стадионида тўқнаш келишмоқда. Бунгача ўтган ўзаро ўйинлар МҲСК, ТТЙМИ, “Жар” ва “Локомотив” стадионларида ўтказилган.
- “Бунёдкор” ва “Локомотив” жамоалари ўртасидаги ўзаро ўйинларда майдонда тўп тепган энг ёш футболчи Миразиз Жалолов ҳисобланади. У 2007 йили “Бунёдкор” таркибида “Локомотив”га қарши майдонга тушганида 15 ёшу 318 кунлик эди.
- Ўзаро ўйинларда дарвозаларга жами 6та пенальти белгиланган. Эътиборлиси, ҳар иккала жамоа ҳам бир-бирлариинг дарвозаларига уч маротабадан пенальти тепган. “Бунёдкор”дан Сервер Жепаров (2008 йил), Ривалдо (2009 йил) ва Олександр Пишчур (2014 йил), “Локомотив”дан эса Фарҳод Тожиев (2014 йил, 2та) ва Темурхўжа Абдухолиқов 11 метрлик нуқтадан зарба беришган.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
