Ёзги трансфер мавсуми хотима топди. Ёзда клублар истаганича, футболчиларни сотиб олишга уринди. Баъзилар катта даромад соҳиби бўлишган бўлса, айримлари катта маблағни қўлдан чиқарди. Қуйида эътиборингизга Европанинг энг кучли бешта чемпионатида амалга оширилган муҳим бўлган трансферлар ҳақида маълумот берамиз.
Англия Премьер -лигаси
Энг қиммат трансфери: Кевин Де Брюйне (“Манчестер Сити”)
Трансфер баҳоси: 74 миллион евро
Жорий йилги трансфер бозори вақтида Кевин Де Бюрйне “Манчестер Сити”нинг асосий харидларидан бири бўлди. Бельгиялик хавбек учун “шаҳарликлар” 74 миллион евро сарфлади. Бундан “Вольфсбург” клуби фойда кўрди. Албатта, бу трансфернинг амалга ошиши осон кечгани йўқ. Бунинг “Сити” анча кутишига ва музокараларни сабр билан олиб борди.
Италия А Серияси
Энг қиммат трансфери: Паулу Дибала
Трансфер баҳоси: 32 миллион евро
“Палермо” сафида ёрқин ўйинлари билан ном қозониб борган Дибала тез фурсат ичида “Ювентус”нинг назарига тушди. Туринликлар бу трансферни амалга ошириш учун анча вақт музокараларни давом эттириб, ниҳоят келишувни расмийлаштирди. Бунинг учун “кекса синьор”ликлар 32 миллион евро тўлади.
Испания Примероси
Энг қиммат трансфери: Жексон Мартинес
Трансфер баҳоси: 35 миллион евро
Мартинес трансфери Испанияда энг яхшилар қаторидан жой олди. Манжукич, Турон сингари етакчиларидан айрилган “матрасчилар” “Порту” голеадорини харид қилди. Шу тариқа Жексон Мартинеснинг трансфери қимматбаҳо харидларнинг бирига айланди.
Германия Бундеслигаси
Энг қиммат трансфери: Артуро Видаль
Трансфер баҳоси: 37 миллион евро
“Ювентус”даги ҳурмача қилиқлари боис, туринликлар чилилик футболчи билан хайрлашишга қарор қилди. Натижада, “Бавария” ҳеч қандай ўйланишларсиз, Артурони сотиб олди. Бунинг учун 37 миллион еврони ажратишга қарор қилди. Ҳозирча у мюнхенликларда қандайдир каромат кўрсатганича йўқ.
Франция Лига 1
Энг қиммат трансфери: Анхель Ди Мария
Трансфер баҳоси: 63 миллион евро
Аргентиналик ярим ҳимоячининг жамоасини алмаштириб юриши кўпчиликни жонига тегди. Бир қарансангиз, “Реал”ни тарк этиб, “Манчестер Юнайтед”га келади. Яна бир қарсангиз, инглиз клубидан воз кечиб, “ПСЖ”ни танлайди. Парижликлар Ди Марияни сотиб олишни аввалдан режалаштирганди. Ниҳоят, буни амалга оширишни вақти келиб, трансфер амалга оширилди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
