Жаҳон футболи кўплаб дербиларга ва қарама-қаршиликларга бой. Биз сизларга дунёдаги 10та энг катта, томошабоп ва ҳаёжонларга тўла қарама-қаршиликлар ҳақида маълумот бермоқчимиз.
Суперкласико
Суперкласико – Аргентинадаги энг катта ва энг эхтиросли дербидир. Бу қарама-қаршилик “Бока Хуниорс” ва “Ривер Плейт” ўртасида бўлиб ўтади. Икки рақиб мухлислари ўзларининг фантастик тарзда қўллаб-қувватлаши билан машҳурдир. Кўпинча мухлислар ўртасида тўқнашувлар бўлиб ўтади. Биз “Боки” ва “Ривер” мухлислари стадионларда ва кўчаларда урушлар ташкил қилишганини кўришимиз мумкин. Ҳатто бу урушлар ўлим билан ҳам тугаши мумкин.
Француз эль-классикоси
Француз футболидаги энг машхур дерби бу “ПСЖ” ва “Марсель” ўртасидаги ўйиндир. Бу дербининг илдизи Парижнинг юқори синфи ва Марселнинг ишчилар синфи ўртасида ўтказилган учрашувга бориб тақалади.
Қитъалараро дерби
“Фенербахче” ва “Галатасарой” ўртасидаги ўйин жуда эхтиросли, томошабоп ва зўравонликларга бой қарама-қаршиликдир. Икки жамоа ҳам Истанбул шаҳридандир, лекин икки ҳил туманда жойлашган. “Фенербахче” Истанбулнинг Осиё қисмида, “Галатасарой” Европа қисмида жойлашган. Дерби ўзининг зўравонликлари билан машҳурдир.
Мадрид дербиси
Дерби ўз номи билан айтиб турибди. “Қаймоқранглилар” ўзаро учрашувларда устинликка эга, улар 90 марта ғалабага эришган, “матрослар” эса 47 марта устун келишган. “Реал” пойтахтнинг энг кучли жамоаси, лекин “Атлетико” ҳам бўш келмайди. Буни охирги ўйинлар исботлаб турибди.
Old Firm Derby
Глазго клублари ўртасидаги қарама-қаршилик жаҳон футболининг энг ёрқин ва жўшқин дербиларидан биридир. Бу жамоалар “Селтик” ва “Рейнджерс”дир. Шотландиянинг энг омадли клублари ўртасидаги учрашув диний қарама-қаршилик ҳамдир. “Селтик” католиклар тарафдори, “Рейнджерс” протестантлар тарфдори ҳисобланади.
Немис классикоси
Немис классикоси бу “Бавария” ва “Боруссия Д” ўртасидаги ўйиндир. Германиядаги энг ҳаёжонли дербидир. Бу икки жамоа турли хил шаҳарларда жойлашган, лекин улар ўртасидаги рақобат юқори даражада. “Бавария” немис клублари орасида энг совриндор клубдир. “Боруссия Д” бу ном учун курашувчи жамоадир.
Шимолий Лондон дербиси
“Арсенал” ва “Тоттенхэм” ўртасидаги ўйин бу шимолий Лондонда жойлашган икки клубнинг қарама-қаршилигидир. Дерибини келиб чиқишина қарасак, “канонирлар” бошида Жанубий Лондон да жойлашган эди, лекин улар Шимолий Лондонга кўчиб ўтишга қарор қилишган. Ана шундан бери “Арсенал” ва “Тоттенхэм” ўртасидаги ўйин катта роқобат остида ўтади. Бу икки жамоа ўртасидаги ўйинлар томошабоплиги билан ўзига тортиб келади.
Милан дербиси
Бу дерби – дунё ва Италия грандлари ўртасидаги мусобақадир. “Интер” ва “Милан” ўртасидаги ўйин “Милан дербиси” номи билан машҳурдир. Улар битта стадионда тўп суришади, бунақаси замонавий футболда кам учрайди. Улар бошида битта жамоа бўлишган, лекин баъзи бир ўйинчилар “Милан”нинг сиёсатига кўнмай, алоҳида бўлиб “Интер” жамоасини ташкил қилишган. Ҳозир иккала жамоа ҳам қийин дамларни кечирмоқда, лекин бу дерби томошабоплигини йўқотмайди.
Шимол-ғарб дербиси
Бу дерби Англия клубларининг икки номдор жамоалари ўртасида кечади. “Ливерпуль” ва “Манчестер Юнайтед”. Шимол-ғарб дербиси энг машҳур тўқнашувлардан биридир, бу ўйиндан дунё бўйлаб 500 миллиондан ошиқ инсон баҳраманд бўлади.
Эль-класико
Испаниянинг икки гранди “Реал” ва “Барселона” ўртасидаги учрашув жаҳон футболидаги энг машҳур ва энг томошапоб қарама-қаршиликдир. Мадридликлар ва каталонияликлар қаршилиги бу тарихий, сиёсий ва ижтимоий омилларга боғлиқ. “Барселона” ҳимоя қилувчи Каталония анча йиллардан бери Мадриддан мустақиллигини талаб қилиб келади. “Барселона” ва “Реал” ўртасидаги ўйин босимларга, қўполликларга, қизил карточкаларга ва жанжалларга бой бўлади. Шундай бўлса-да Эл-класико футбол олмади энг яхши ўйин бўлиб қолаверади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
