Ўзбекистон терма жамоаси дарвозасини шу кунга қадар роппа-роса 20 та дарвозабон қўриқлаган. Биз қуйида ана шу дарвозабонлар ҳақида тўхталиб ўтамиз. Шунингдек бир нечта қизиқарли фактларни ҳам эътиборингизга ҳавола этамиз.
Фактлар
1. Ўзбекистон терма жамоасининг биринчи голини Анвар Жабборов ўтказган. У 1992 йилда Тожикистонга қарши баҳсда 72-дақиқада Мухсин Мухаммадиевнинг зарбасини бартараф эта олмаган.
2. Бердақ Алланиязов биринчи бўлиб “қуруқ” ўйин ўтказган посбон. У Қирғизистонга қарши баҳсда (3:0) дарвозаси даҳлсизлигини сақлаган.
3. Бердақ Алланиязов ўз дарвозасидан бир ўйинда тўртта гол олиб чиққан илк дарвозабон. 1994 йилги Осиё ўйинларида Таиланд термаси Алланиязов дарвозасини 4 марта ишғол қилган. Бироқ ўша ўйинда термамиз 5:4 ҳисобида ғалаба қозонган.
4. Ўзбекистон термасига қарши ўйинда БАА футболчиси Аднан Ал-Таляний илк “хет-трик”ни киритган. Ўша ўйинда термамиз 0:4 ҳисобида ютқазган, дарвоозани эса павел Бугало қўриқлаган эди.
5. 1997 йилда Япониялик Казу Миура Ўзбекистон дарвозасига киритилган иккинчи “хет-трик”ка муаллифлик қилади. Эътиборли жиҳати бу сафар ҳам дарвозани айнан Павел Бугало қўриқлаган эди.
6. Бугала Японияга қарши ўша ўйинда бир ўйинда ўз дарвозасидан олтита тўп олиб чиққан илк дарвозабонимиз бўлган эди. Япония – Ўзбекистон 6:3
7. Павел Бугало Тошкентдаги ўйинда бешта гол ўтказган Ўзбекистоннинг ягона посбони. ЖЧ саралаш босқичида корейслар Тошкентда 5:1 ҳисобидаги ғалабани қўлга киритишган эди.
8. Али Даи Ўзбекистон термасига энг тезкор “хет-трик”ни киритган. Осиё кубоги-1998 да Эрон билан баҳсда Даи 82, 86, 88 дақиқаларда ҳамюртлаимизни ранжитган. Ўша ўйинда ҳам дарвозани Павел Бугало қўриқлаган.
9. Павел Бугало бир ўйинда 8 та гол ўтказиб юборган Ўзбекистон термасининг ягона кипери. 2000 йилги Осиё кубогида Япония Ўзбекистонни 8:1 ҳисобида ютган баҳсда Павел дарвозасидан 8 марта тўпни олиб чиқишга мажбур бўлган.
10. Япониялик Наохиро Такахара Ўзбекистон термаси дарвозасига “покер” киритган ягона футболчи. Рақибдан бир ўйинда тўртта гол олиб чиққан ягона дарвозабон ҳам Бугало бўлди.
11. Бугало Ўзбекистон термаси дарвозасини қўриқлаб кетма-кет икки ўйинда энг кўп гол ўтказган посбон ҳисобланади. Осиё кубогида Япониядан -8, Саудия Арабистонидан 5 та гол ўтказган.
12. Саудиялик Мухаммад Ал-Шалхуб Ўзбекистон термаси дарвозасига учта гол урди. Шу тариқа Бугало кетма-кет икки ўйинда рақиб футболчиларидан “покер” ва “хет-трик” қабул қилиб олган ягона посбонга айланди.
13. 2004 йилги Осиё кубогининг чорак финалида Ўзбекистон терма жамоаси Баҳрайнга қарши ўйинда илк бора пенальтилар сериясида иштирок этди. Термамиз дарвозасини қўриқлаган Евгений Сафонов рақибнинг 5 та зарбасидан биттасини бартараф эта олди холос. Бироқ бу ҳамюртларимизнинг ғалабасига камлик қилди.
14. 2007-2008 йилларда Игнатий Нестеров 285 дақиқа давомида дарвозаси даҳлсизлигини сақлай олган.
15. Игнатий Нестеров 2010 йилда Арманистонга қарши ўйиннинг 30 дақиқасидаёқ ўз ўрнини амплуадоши Тимур Жўраевга бўшатиб берди. Бу вақтга келиб Игнат 3 та гол ўтказиб юборган эди. Тимур эса қолган 1 соат давомида дарвозасидан тўп олиб чиқмади.
16. Тимур Жўраев Осиё кубогида Австралия билан ўйинда ўз дарвозасидан 6 та олиб чиқди. Шу тариқа у Осиё кубогида бир ўйинда 6 та гол ўтказган иккинчи посбонга айланди.
17. 2012-2013 йилларда Игнатий Нестеров “қуруқ” дақиқаларини 356 тага етказди.
18. 2013 йилда ЖЧ саралаш босқичи плей-офф жавоб ўйинида Ўзбекистон термаси Иордания билан баҳс олиб борди. Ўйиндан кейинг пенальтилар сериясида дарвозабонимиз Мурод Зуҳуров 10 та пенальтининг бирортасини ҳам бартараф эта олмади. Рақибнинг бир зарбаси дарвоза устунига теккан бўлса, қолган 9 таси дарвоза тўридан жой олди. Ўша ўйинда термамиз ЖЧга чиқиш имкониятидан маҳрум бўлган эди.
19. Игнатий Нестеров энг кўп ўйин ўтказган ва энг кўп гол қўйиб юборган дарвозабон ҳисобланади.
20. Қобил Олимжонов ва Руслан Ахмедхонов ўз дарвозасидан бирорта ҳам тўп олиб чиқишмаган. Қобил бир, Руслан эса икки ўйинда дарвозани қўриқлаган.
21. Акбар Тўраев ўртача ҳар ўйинда 2,5 тадан гол ўтказиб юборган.
22. Дмитрий Башкевич эса дарвозани қўриқлаган ягона ўйинида ўз дарвозасидан 3 та тўп олиб чиққан.
23. Игорь Михайлов, Олег Қаххоров, Эркин Жабборов, Мурод Зухуров, Бердақ Алланиязов ва Евгений Софонов ҳар ўйинда ўртача 1 тадан гол ўтказишган.
Ўзбекистон термасининг барча дарвозабонлари
20. Қобил Олимжонов. 1 ўйин
19. Игорь Михайлов. 1 ўйин (-1 гол)
18. Дмитрий Башкевич. 1 ўйин (-3 гол)
17. Олег Қаххоров. 1 ўйин (-1 гол)
16. Акбар Тўраев. 2 ўйин (-5 гол)
15. Эркин Жабборов. 2 ўйин (-2 гол)
14. Руслан Ахмедхонов. 2 ўйин
13. Анвар Жабборов. 3 ўйин (-4 гол)
12. Мурод Зухуров. 4 ўйин (-4 гол)
11. Александр Лобанов. 5 ўйин (-3 гол)
10. Георгий Забиров. 6 ўйин (-13 гол)
9. Юрий Шейкин. 7 ўйин (-4 гол)
8. Бердақ Алланиязов. 8 ўйин (-8 гол)
7. Элдорбек Суюнов. 11 ўйин (-4 гол)
6. Тимур Жўраев. 13 ўйин (-15 гол)
5. Олег Беляков. 14 ўйин (-13 гол)
4. Алексей Поляков. 17 ўйин (-24 гол)
3. Евгений Софонов. 26 ўйин (-26 гол)
2. Павел Бугало. 40 ўйин (-57 гол)
1. Игнатий Нестеров 92 ўйин (-100 гол)
Фурқат Юсупов тайёрлади
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
