Якунига етган жорий йилги чемпионат давомида жами 54та қизил карточка кўрсатилди. Бу ҳар бир ўйинга 0,22та четлатиш дегани. Уларнинг 32таси иккинчи сариқ карточка туфайли юз берди. 1, 6, 14, 22, 23, 25, 26-турлар доирасидаги баҳсларда ҳакамлар бирорта ҳам қизил карточка кўрсатмадилар.
Чемпионат давомида майдондан энг эрта четлатилган футболчи - бу Жалол Кимсанов. У майдонни мажбуран тарк этган пайтда ўйин («Қизилқум» - «Қўқон-1912» (3:1), 9 май)нинг эндигина 17-дақиқаси ўтиб бораётган эди.
Жами четлатишларнинг 9таси 1-бўлимга, 44таси 2-бўлимга ва яна 1таси ўйиндан кейинга тўғри келди. Учрашувга қўшиб берилган дақиқаларда четлатиш эса 10 марта учради.
14-турда Равшан Эрматов («Қизилқум» - «Бунёдкор») футболчиларга жами 10та сариқ (шуларнинг 3таси якунда қизил карточкага айланган) кўрсатди. Урилган голлар ва қизил карточкаларнинг дақиқаларига эътибор берсак, унга ўйин тизгинини ушлаш нақадар қийин бўлганлиги аёнлашади.
15-турдаги «Қизилқум» - «Нефтчи» баҳсида икки футболчи майдондан четлатилди. Учрашув ҳаками Ҳасан Рўзиев қатъий равишда қарор қабул қилди. Қизиқ тарафи шундаки, бу ҳакам сўнгги тўрт йил давомида бир баҳсда бир дақиқанинг ўзида икки футболчини четлатишга жазм этмоқда. Бу борада у рақобатдан холи.
Худди шундай ҳолат 29-тур доирасидаги «Шўртан» - «Навбаҳор» баҳсида ҳам рўй берди. Андижонлик ҳакам Темур Тўхтасинов 68-дақиқада икки футболчини четлатди ва захира ўриндиғидаги икки футболчига сариқ карточка кўрсатди.
Энг кўп «қизил» - «Олмалиқ»да
«Шўртан» клуби футболчиси 2-даврадагина қизил карточкага рўбарў бўлди. «Металлург»дан эса жорий мавсумда ҳеч ким майдондан четлатилмади. «Олмалиқ» эса мавсумнинг энг интизомсиз жамоасига айланди - 6та қизил карточка. Ваҳоланки, бундан аввалги чемпионатларда Игорь Шквирин шогирдлари чемпионат якунига кўра, «фэйр-плей» совринини қўлга киритиб юришганди. Айнан шу жамоа вакили Евгений Гоголь «Андижон» (2 марта) ва «Шўртан» клубларига қарши баҳсларда майдондан четлатилган. 6 нафар футболчида эса 2тадан қизил карточка бор.
Ҳакамлар бўйича
Жами 17 нафар ҳакам чўнтагидан қизил карточка чиқарди. Бу борада Вадим Агишев яққол пешқадам - 7 марта. У 2-давра доирасида «Қизилқум» - «Динамо» ва «Нефтчи» - «Пахтакор» баҳсларида ҳар икки томондан бир нафардан футболчини четлатди.
Вадим Агишев - 8
Валентин Коваленко - 5
Азиз Асимов - 5
Равшан Эрматов - 5
Темур Тўхтасинов - 4
Владислав Цейтлин - 4
Ҳасан Рўзиев - 4
Дмитрий Пислегин - 4
Рустам Бобомуродов - 3
Олим Толибжонов - 2
Шерзод Қосимов - 2
Ильгиз Танташев - 2
Бахтиёр Намозов - 2
Мурод Муҳаммедов - 2
Виктор Серазетдинов - 1
Зокир Қодиров - 1
ФИКРАТ тайёрлади, "ИнтерФУТБОЛ" газетаси
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
