«Ювентус» бош мураббийи Лучано Спаллетти Италия А Серияси 38-туридан ўрин олган «Торино»га қарши ўйин олдидан жамоа Чемпионлар лигасига чиқа олмаса, клубни тарк этиш-этмаслиги ҳақидаги саволга жавоб берди. Учрашув 24 май куни бўлиб ўтади.
— Бу ҳатто хаёлимга ҳам келмаган. Аввалига ҳамма янги шартнома ҳақида гапираётганди, кейин эса дарров истеъфо мавзусига ўтиб кетди — сизлар мени барча эҳтимолий сценарийлар билан кўмиб ташлаяпсизлар. Бундай натижадан кейин хаёлимга келган ягона нарса — агар клуб ниманидир ўзгартиришни истаса, ёрдам беришга тайёр бўлиш эди. Аммо мен ҳеч қачон ким биландир учрашув талаб қилмаганман.
Биз клуб билан ҳар ҳафта, ҳозир эса келажакни режалаштириш учун янада тез-тез учрашяпмиз. Нима бўлишидан қатъи назар, йўл изчил бўлиши керак. Биргина ҳодиса туфайли ҳақиқатга алоқаси бўлмаган хулосаларга берилиб кетмаслик лозим. Биз ақлимиз билан иш тутишимиз керак. Агар керак бўлса, вазиятни ўзгартириш учун янада кучлироқ мотивацияга эга бўлишимиз лозим. Йўлда тўсиқлар учраши мумкин, аммо айнан шундай ҳолатларда тўғри йўлга қайтиш мумкин бўлади. Бу ерда менталитет ҳал қилувчи аҳамиятга эга.
Вазиятни тузатиш учун вақт кам қолди. Келажак учун тўғри қарорлар қабул қилиш ва воқеаларга мувозанатли қараш учун интеллектга эга бўлишимиз шарт. Бу жуда муҳим.
Менинг келажагим ҳеч нарсага боғлиқ эмас. Режалаштириш — натижадан ташқарига қарашга журъат қилиш демакдир. Бунинг ортида ҳар доим келажак учун пойдевор қўядиган лойиҳа ётади, ниманидир қуришга уриниш бўлади. Бу бир ёки икки очколик фарқ туфайли ўзгариб қолмайди.
Биз ушбу ўйиндан кейин Чемпионлар лигасига чиқамизми-йўқми, барибир катта мақсадлар учун курашиш имкониятини яратмоқчимиз. «Фиорентина»га қарши ўйиндаги (0:2) натижадан хафамиз, аммо эртага фақат ғалаба қозонишимиз, «Фиорентина»га қарши ўйиндан яхшироқ ўйнашимиз ва натижа учун бор кучимизни беришимиз мумкин. Мен бу клубга муносиб ўйин кўришни истайман, — деди Спаллетти Football Italia нашрига.
Италия чемпионати тугашига бир тур қолганда Лучано Спаллетти жамоаси 68 очко билан олтинчи ўринни эгаллаб турибди. Бешинчи ўриндаги «Комо» ҳам 68 очкога эга. «Рома» ва «Милан» эса 70 очкодан тўплаган ҳолда мос равишда тўртинчи ва учинчи ўринларда бормоқда.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
