Раньери: «Мен сеҳргар эмасман, аммо япон фотоаппаратига ўхшайман»
«Лестер Сити» бош мураббийи Клаудио Раньери ўзини япон фотоаппаратига ўхшатди.
«Кўпчилик мендан сўрашади: қандай қилиб Греция терма жамоаси билан муваффақиятсизликка учраб, "Лестер" билан АПЛда пешқадамлик қилиш мумкин? Греция термасида ҳар бир ўйин олдидан бор-йўғи 3-4 кун машғулот ўтказардим. Бу вақтда мен нима қила олардим? Мен сеҳргар эмасман-ку. Натижалар ёмон бўлгани учун мени истеъфога чиқаришди. Кейин менинг ўрнимга бошқа мураббий келди ва натижалар янада ёмонлашди.
Статистикага кўра, мени истеъфога чиқарган клубга бошқа мураббий келганидан кейин натижалар ёмонлашган. Мен яхши ёки ёмон мураббий эканимни билмайман. Аммо, шуни биламанки, қўлостимдаги жамоа ҳамиша максимал куч билан ўйнайди. Ҳар ҳолда статистика шундай демоқда.
Мен ўз ишимни яхши кўраман. Мен ўз жамоамга юрагимни бераман. Мен ҳамиша ўрганишни истайман. Мен япон фотоаппаратига ўхшайман: суратга туширган сари яхшиланиб бораман. Бошида япон машиналари ўртача бўларди. Ҳозир эса улар энг яхшиларидан бири», — дейди Раньери.
Манба: championat.com
Киритилди: 10:04, 27.12.2015. Ўқилди: 2969 марта. Фикрлар: 2 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар