Яқинда «Барселона»нинг «8» рақам эгалари ҳақидаги мақолани эътиборингизга хавола этган эдик. Бу сафар Каталониялаиклар таркибида охирги 20 йил давомида «4» рақам остида тўп сурган футболчилар ҳақида тўхталиб ўтамиз.
Хосеп Гвардиола
Гвардиола «Барселона» академияси тарбияланувчиси ҳисобланади. У Каталонияликлар таркибида 1990 йилдан 2001 йилга қадар тўп сурди. Айнан у сабаб «Барса»нинг «4» рақамли футболкалари энг харидоргир футболкалар сафидан жой олди. Пеп Каталон суперклуби сафида 372 учрашувда майдонга тушиб 12 та гол урган. У жамоа билан 6 марта Ла Лигада, 4 бора Испания суперкубогида, 2 мартадан Испания кубоги ва УЕФА суперкубогида, бир мартадан Чемпионлар лигаси ва кубок эгалари кубогида зафар қучди.
Патрик Андерссон
2001 йили Гвардиола жамоани тарк этгач, «Барса» «Бавария»дан Патрик Андерссонни таклиф қилди. Бироқ швециялик ҳимоячи кўпчилик кутган даражада тўп сура олмади. Патрик 3 мавсум давомида Ла Лигада атиги 19 учрашувда иштирок этди. Андерссон «Барса» сафида 3 мавсум ўйнаган бўлса ҳам, бирорта совринни қўлга кирита олмаган.
Рафаэл Маркес
Андерссон ишончни оқлай олмагач, «Барса» раҳбарияти 2003 йилда «Монако»дан Рафаэл Маркесни сотиб олишди. Мексикалик ҳимоячи клуб учун омадли трансфер бўлди десак асло муболаға бўлмайди. Рафаэл 7 мавсум давомида 240 та учрашувда майдонга тушиб, 12 бора рақиб посбонларини ранжитган. У жамоа билан 12 та мусобақанинг олтин медалларига сазовор бўлди. Жумладан икки бора Чемпионлар лигасида муваффақиятга эришди.
Францеск Фабрегас
«Барселона» 2011 йилда ўз тарбияланувчиси бўлган Фабрегасни «Арсенал»дан сотиб олди. Сеск 3 мавсум Каталонияликлар сафида 151 учрашувда майдонга тушиб, ўз ҳисобига 42 та гол ёздириб қўйишга муваффақ бўлди. У «Барса» билан Чемпионлар лигасидан бошқа барча турнирларда ғолиб чиқди.
Иван Ракитич
Фабрегас «Челси»га кетгач,»Барса»га «Севилья»дан Ракитич келди ва у Сескдан қолган рақамга эгалик қилди. Иван «Барселона» ўйин услубига тезда мослашиб кетди. У 1,5 мавсум ичида 76 ўйинда 11 гол ургани ҳам сўзимизга исбот бўла олади. Хорватиялик Каталонияликлар билан Ла Лига, Испания кубоги, Чемпионлар лигаси, Европа суперкубоги ва клублар ўртасидаги жаҳон чемпионатларида олтин медалга сазовор бўлди.
Фурқат Юсупов
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
