Англия чемпионатининг 23-турини “Норвич” – “Ливерпуль” жамоалари баҳси очиб берди. Бу ўйинда мухлислар ҳисоб бўйича қувлашмачоққа гувоҳ бўлишди.
Ўйинда дастлаб 18-дақиқада "Ливерпуль"нинг бразилиялик легионери Фирмино ҳисобни очди. Лекин мезбонлар "Ливерпуль" дарвозабони Симон Минольенинг хатолари туфайли биринчи бўлимни ўз фойдаларига ҳал қилишди. 29-дақиқада Мбокани турнинг энг чиройли голига даъвогар бўладиган гол билан ҳисобни тенглаштирган бўлса, 41-дақиқада жамоанинг янги аъзоси Нейсмит "Норвич"ни ҳисобда олдинга олиб чиқди.
Иккинчи тайм мезбонлар устунлигида бошланди ва 54-дақиқада Морено Нейсмитга қўполлик ишлатиши туфайли ўйин ҳаками меҳмонлар дарвозасига 11 метрлик жарима зарбаси белгилади. Хулахан ҳисобни 3:1 кўринишига келтирди.
Лекин орадан бир дақиқа ўтиб, "Ливерпуль" сардори Хендерсон қанотдан Фирмино узатган тўпни дарвозага жойлаб, ҳисобни қисқартирди. 63-дақиқада эса Фирмино ўйиндаги иккинчи голини уриб, ҳисобни тенглаштирди - 3:3.
75-дақиқада Юрген Клопп шогирдлари матонат кўрсатиб, мезбон ҳимоячисининг хатосидан сўнг тўртинчи голни уришди. Бу гол жамоа етакчиларидан бири Жеймс Милнер ҳисобига ёзилди - 3:4.
Бу эса ўйиннинг сўнгги дақиқалари ўта шиддатли кечишини таъминлади. Мезбонлар ўйинга қўшиб берилган учинчи дақиқада ҳисобни тенглаштиришди. Бассонг жарима зарбасидан кейин рақиб жарима майдонидаги саросимдан фойдаланди - 4:4.
Лекин мерсисайдликлар ирода кўрсатишда давом этишди ва 95-дақиқада яна ҳисобда олдинга чиқишди. Ўйиннинг якуний ҳисоби Адам Лаллана томонидан ўрнатилди - 4:5.
Бу ғалабадан кейин "Ливерпуль" ҳисобидаги очколар сони 34тага етди ва жамоа еттинчи ўринга кўтарилди. "Норвич" эса 23 очко билан "хавфли ҳудуд" яқинида турибди - 16-ўрин.
АПЛ, 23-тур
"Норвич" – "Ливерпуль" – 4:5 (2:1)
Голлар: 0:1 – 18 Фирмино, 1:1 – 29 Мбокани, 2:1 – 41 Нейсмит, 3:1 – 54, пенальти Хулахан, 3:2 – 55 Хендерсон, 3:3 – 63 Фирмино, 3:4 – 75 Милнер, 4:4 – 90 Бассонг.
Норвич – Радд, Бассонг, Мартин, Пинту, Дорранс, Брэйди, Хаусон, Хулахан (Ольссон, 70), Редмонд (Жарвис, 70), Нейсмит (Джером, 82), Мбокани.
Ливерпуль – Миньоле, Туре, Морено (Колкер, 90), Клайн, Сако, Милнер, Джан, Айб (Лаллана, 59), Хендерсон (Бентеке, 76), Фирмино, Лейва.
Огоҳлантириш: Лаллана (90).
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
