Australian Open. Вербер Уильямсни мағлуб этиб, бош совринни қўлга киритди
Машҳур ракетка Серена Уильямс Австралия очиқ чемпионатининг финалида Ангелика Керберга ютқазиб қўйди.
Биринчи сет бошиданоқ германиялик ракетка ташаббусни ўз қўлига олди ва уни ўз фойдасига ҳал қилди — 6:4.
Иккинчи сетда эса жаҳоннинг биринчи ракеткаси мувозанатни тиклади — 6:3.
Ҳал қилувчи сетда Уильямс бир марта брейкка эришган бўлса, Анкелика бу ишни икки марта амалга оширди. Кербер сўнгги геймда ҳам Уильямснинг тўп оширишидан сўнг очкони қўлга киритди ва ғалабани расмийлаштирди — 6:4.
Шу тариқа, Ангелика Кербер Австралия чемпионатида 2007 йилдан буён кузатилган энг паст рейтингли ғолибаси бўлди.
Ўшанда ғалаба қозонган Серенанинг синглиси Винус Уильямс дунё рейтингида 81-ўринда турганди. Кербер Топ-5га кирмай туриб Australian Open’да ютган бешинчи теннисчидир.
Australian Open 2016 йилнинг 18-31 январь кунлари бўлиб ўтади. “Катта шлем” туркумига кирувчи мазкур турнирнинг ютуқ жамғармаси 44 млн Австралия долларини ташкил қилади.
Манба: stadion.uz
Киритилди: 18:24, 30.01.2016. Ўқилди: 3594 марта. Фикрлар: 1 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар