The Athletic нашри футбол бўйича жаҳон чемпионатлари тарихидаги энг ақлбовар қилмас 20 та воқеа рейтинги билан ўртоқлашди.
Муаллифларнинг таъкидлашича, мундиаллар мунтазам равишда мухлислар хотирасида ўнлаб йиллар сақланиб қоладиган воқеалар саҳнасига айланиб келган. Рўйхатдан четлатишлар, жанжаллар, ҳакамнинг хатолари, футболчиларнинг ғалати ҳаракатлари, тарихий муваффақиятсизликлар ва мусобақалар тақдирига таъсир кўрсатган ҳолатлар ўрин олган.
Рейтингда биринчи ўринни 2006 йилги Жаҳон чемпионати финалида Зинедин Зиданнинг Марко Матерацци кўксига бош билан зарба берган машҳур эпизоди эгаллади. Франциялик ярим ҳимоячи учун Италияга қарши ўша баҳс профессионал фаолиятидаги сўнгги ўйин бўлган. Зидан қўшимча вақтда майдондан четлатилган, Франция терма жамоаси эса пенальтилар сериясида мағлуб бўлган.
Иккинчи ўриндан Диего Марадонанинг 1986 йилги ЖЧ чорак финалида Англия дарвозасига қўли билан урган ва ҳакам томонидан ҳисобга олинган машҳур «Худонинг қўли» голи жой олди. Орадан бир неча дақиқа ўтиб, Марадона футбол тарихидаги энг машҳур голлардан бирини ҳам урганди.
Учинчи поғонага Бразилиянинг 2014 йилги уй чемпионати ярим финалида Германиядан 1:7 ҳисобида мағлуб бўлиши қўйилди. Бу ўйин футбол тарихидаги энг шокли натижалардан бири сифатида баҳоланмоқда.
Топ-5ликдан шунингдек, 1982 йилги ЖЧда ГФР дарвозабони Тони Шумахернинг Патрик Баттистон билан қаттиқ тўқнашуви ҳамда 2014 йилги мундиалда Луис Суареснинг Жоржо Кьеллинини тишлаб олгани ҳам ўрин олди.
Жаҳон чемпионатлари тарихидаги энг ақлбовар қилмас 20 воқеа
-
Зинедин Зиданнинг 2006 йилги ЖЧ финалида Марко Матераццига бош билан зарба бериши.
-
Диего Марадонанинг 1986 йилги ЖЧда Англияга қарши қўл билан гол уруши.
-
Бразилиянинг 2014 йилги уй чемпионатида Германияга 1:7 ҳисобида мағлуб бўлиши.
-
Тони Шумахернинг 1982 йилги ЖЧда Патрик Баттистон билан қаттиқ тўқнашуви.
-
Луис Суареснинг 2014 йилги ЖЧда Жоржо Кьеллинини тишлаши.
-
Рой Киннинг 2002 йилги ЖЧ олдидан Ирландия терма жамоасини тарк этиши.
-
Йосип Шимуничнинг 2006 йилги ЖЧда бир ўйинда учта сариқ карточка олиши.
-
Ривалдонинг 2002 йилги ЖЧда юзидан зарба еганини симуляция қилиши.
-
Франк Райкарднинг 1990 йилги ЖЧда Руди Фёллерга тупуриши.
-
Роналдонинг 1998 йилги ЖЧ финали олдидан асосий таркибдан кутилмаганда чиқариб ташланиши.
-
Франция терма жамоаси футболчиларининг 2010 йилги ЖЧда иш ташлаши.
-
Португалия — Нидерландия учрашувининг 2006 йилги ЖЧда «Нюрнберг жанги»га айланиши.
-
Фрэнк Лэмпарднинг Германияга урган голи 2010 йилги ЖЧда ҳисобга олинмаслиги.
-
Луис Суареснинг 2010 йилги ЖЧда Уругвай — Гана баҳсида қўли билан голнинг олдини олиши.
-
Пол Гаскойннинг 1990 йилги ЖЧда сариқ карточкадан кейин йиғлаб юбориши.
-
Дайана Росснинг 1994 йилги ЖЧ очилиш маросимида пенальтини ура олмаслиги.
-
Заир терма жамоаси футболчисининг 1974 йилги ЖЧда Бразилия жарима зарбаси пайтида тўпни тепиб юбориши.
-
Жаҳон кубогининг 1966 йилги турнир олдидан ўғирланиши.
-
1930 йилги илк Жаҳон чемпионатидаги қатор қизиқ ва ғалати воқеалар.
-
Дэвид Бекхэмнинг 1998 йилги ЖЧда Диего Симеонега зарба бергани учун четлатилиши.
2026 йилги Жаҳон чемпионати АҚШ, Канада ва Мексикада бўлиб ўтади. Мусобақа тарихда илк бор 48 та терма жамоа иштирокида ташкил этилади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
