Хабарингиз бор, эртага, 2 март куни Қаршининг "Насаф" жамоаси ўз майдонида ОЧЛ-2016 гуруҳ босқичи 2-турида Саудия Арабистонининг “Ал-Аҳли” клубини қабул қилади. Бугун анъанага кўра, ҳар икки жамоа бош мураббийлари ва футболчилар иштирокида матбуот анжумани ўтказилди.
Матбуот анжуманининг иккинчи қисмида “Насаф” бош мураббийси Рўзиқул Бердиев ва жамоа ҳимоячиси Мақсуд Каримов ОАВ ходимлари саволларига жавоб қайтаришди, дея хабар беради клуб расмий сайти.
Рўзиқул Бердиев: — Аввал Қаршида катта футбол байрами бошланиши билан барча мухлисларни табриклайман. Мавсум бошланишини барча кутиб турибди. Мақсадимиз мухлисларни хурсанд қилиш. Эртанги рақибимиз ҳақиқатан ҳам кучли жамоа ҳисобланади. Биринчи баҳсда биз бу жамоа билан ўйнай олишмизни намойиш этик. Шу сабаб эртанги учрашувда мухлисларга ёқадиган чиройли ўйин намойиш этиб, ўз ҳисобимизга илк уч очкони ёзиб қўйишни мақсад қилганмиз.
— Ўтган учрашувда чап қанотда ўйнаши лозим бўлган футболчиларни майдонда кўрмадик. Бунинг сабаби нимада? Эркин Бойдуллаевнинг ўрнига ким майдонга тушиши мумкин?
— Черногориялик легионер Деян Больевични ҳужжатлари бироз кечиккани боис ОЧЛда “заявка”дан ўтказилмади. Сайдулла Раҳматов эса виза билан билан боғлиқ муаммолари туфайли сафардаги ўйинда биз билан бирга бўлмади. Қолаверса, аввалги йили сўнгги учрашувда Баҳром Абдураҳимов қизил карточка олганлиги боис, 1-турда бизга ёрдам бера олмади. Эртанги ўйинда Сайдулла ҳам, Баҳром ҳам майдонга тушиши мумкин. Саволнинг иккинчи қисмига келадиган бўлсак, албатта Эркининнг майдонга туша олмаслини биз учун йўқотиш. Аммо таркибимизда унинг ўрнида ўйнай оладиган футболчилар бор. Буни эртанги ўйинда билиб оласизлар.
Мақсуд Каримов: — Футбол байрамиб илан барчани табриклаймиз. Сафарда ўзимиз учун керакли натижаларни эришиб қайтмоқчи эдик. Бу режамиз амалга ошмади. Чемпионлар лигаси юқори савиядаги мусобақа. Диққат эътибор кучли булади. Мураббийлар ҳам бизга буни ўйиндан олдин таъкидлаган эди. Эътиборни йўқотганимиз сабабли ўйин бошида гол утказиб юбордик. Эртага биз мухлислар олдида керакли натижаларага эришиб, ғалабага эришмоқчимиз. Мухлислар 12-ўйинчи вазифани бажариб беришса, бас. Биз ўз вазифамизни бекаму кўст адо этишга уринамиз.
Эслатиб ўтамиз, мазкур учрашув эртага, 2 март куни 18:00да старт олади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
