Бугун «Пахтакор» учун алоҳида аҳамиятга эга сана ва бошқа ажойиб ўхшаш ҳолатлар муносабати билан ҳукмингизга ўзига хос кичик мақолани ҳавола этмоқчиман. Эсласангиз, ўтган мавсум, яъни 2015 йилнинг 30 январь куни бундеслиганинг оралиқ танаффусдан кейинги биринчи турида «Бавария» клуби «Вольфсбург»га нақ 1:4 ҳисобида имкониятни бой берганди. Бунгача эса мюнхенликлар 2014 йилнинг 19 декабрида «Майнц» майдонига сафар уюштириб, ортга ғалаба (2:1) билан қайтишган ва биринчи даврани мағлубиятсиз тугатишганди. Шунга боғлаб, битта ёқимли воқеани эслашни жоиз билдим. Бу ўзига хос сана ҳамдир.
Демак, эшитинг, «Пахтакор»га ҳам бир сафар собиқ иттифоқ чемпионати биринчи даврасини мағлубиятсиз босиб ўтиш насиб этган. Тез орада шу ёқимли тарихга роппа-роса 50 йил тўлади!«Пахтакор»нинг ёши катта мухлислари (ҳа, нафақат улар, балки ёшроқ ишқибозлар ҳам) 1966 йилни ҳеч эсларидан чиқармасалар керак. Зеро, ўшанда даҳшатли зилзила оқибатида мислсиз қайғуга чўмган шаҳарликлар, хусусан, жамоа футболчилари ҳам руҳият ва ироданинг асл кучини намойиш этишганди! Энди эътибор билан қаранг: собиқ иттифоқ биринчилиги турнир жадвали иккинчи давра старти арафасида қуйидагича кўриниш олганди:
Ҳа, кўрсаткичлардан кўриниб турибдики, «Пахтакор»нинг ҳужум чизиғи талаб даражасида ўзини кўрсата олган эмас. Ҳарқалай, 18та ўйинда 19та гол - бу анча кам. Аммо жамоамизнинг ҳимояси (Р.Зокиров, В.Штерн, В.Суюнов, А.Иноятов ва дарвозабон - Ю.Пшеничников) мавсумнинг биринчи ярмида қойилмақом ўйнаган ва лигада энг кучли орқа чизиғи бўлган! Қаранг, 18та ўйинда атиги 11та гол қўйиб юборилганди. Хусусан, Ю.Пшеничниковни алоҳида эътироф этиш ўринли. Зеро, у дастлабки 24та учрашувнинг барчасини тўлиқ майдонда ўтказиб, улардан нақ 7тасида ўз дарвозаси дахлсизлигини сақлаб қолганди... Афсуски, вакилларимиз иккинчи давранинг дастлабки ўйинидаёқ мағлубиятсиз юришни узишга мажбур бўлишади. 2 август куни Донецкда «Шахтёр» билан куч синашган «Пахтакор» ортга илк марта очкосиз қайтади - 0:1. Чемпионатнинг илк қисмида енгилмаган яна бир жамоа - Киев «Динамо»си эса ижобий сериясини 22 августгача чўзади ва ўша куни Москвада «Торпедо» олдида ожиз қолади - 0:2. Умуман, Украина жамоаси финишгача пешқадамлик мавқесини бой бермайди. 2-ўрин СКА (Ростов)га насиб этган бўлса, бронза медалига «Нефтяник» (Боку) эга чиқади. Ваҳоланки, шу икки клуб ҳам биринчи даврадан сўнг «Пахтакор»дан орқада эди.
Шу жойда «Бавария»га боғлиқ яна бир воқеага эътибор қаратиш жоиз. Зеро, мюнхенликларнинг ўтган йили апрель-май ойида кузатилган кетма-кет 3та мағлубиятлари айнан шу воқеа билан бошланган эди. Хуллас, 28 апрель куни бўлиб ўтган Германия кубоги ярим финал баҳсида ғалати ҳодисалар рўй берди. «Бавария»-«Боруссия» (Дортмунд) ўйинининг асосий вақти 1:1 ҳисобида якунлангач, бундеслига «Кумуш товоғи»ни эндигина расмийлаштирган жамоа пенальтилар сериясида чинакам омадсизликка юз тутди: 4та зарба ва бирорта гол йўқ!!! Мана, ўша аламли фактнинг хронологияси: 1-зарба: Филипп Лам (ноаниқ, оёғи қайрилиб кетганди) - Илкай Гюндоган (гол); 2-зарба: Хаби Алонсо (яна ноаниқ! Бўлиши мумкин эмас! Лекин факт шуки, унинг ҳам оёғи сирғаниб кетганди) - Кель (гол); 3-зарба: Марио Гётце («сейв», ЖЧ-2014 финали қаҳрамонининг оёғи панд бермади, аммо дарвозабон мўъжизавий тарзда тўпни қайтарди) - Хуммельс («сейв», Мануэль Нойер тўпни қайтариб, умидни узайтирди); 4-зарба:Мануэль Но-йер (тўсин, хуллас, дарвозабоннинг статистикани деярли «аянчли рекорд»га айлантириш учунгина умидни узайтиргани маълум бўлди). Якуний ҳисоб - 0:2.
Лекин бу футбол тарихидаги ягона шундай ҳолат эмас. Боз устига, ўша «аянчли рекорд» терма жамоалар ўйинида кузатилган. Яъни 2000 йилнинг 29 июнь куни Голландия ва Италия терма жамоалари ўртасидаги Европа чемпионати ярим финал баҳсида. Асосий вақтнинг ўзидаёқ голландиялик Франк де Бур (38-дақиқада) пенальтини кўкка совурди, яъни унинг зарбасини дарвозабон бартараф этди. Кейин 61-дақиқада Патрик Клюйверт «нуқта»дан дарвоза устунини мўлжалга олди. Хуллас, асосий вақтда ҳисоб очилмади. Пенальтилар серияси эса қуйидагича тус олди: Ди Бьяжо (гол) - Франк де Бур (дарвозабон) - 0:1; Пессотто (гол) - Яп Стам (ноаниқ) - 0:2; Тотти (гол) - Патрик Клюйверт (гол) - 1:3; Мальдини (дарвозабон) - Босвелт (дарвозабон). Якуний натижа - голландлар 6та пенальтидан нақ 5тасида гол ура олишмади, хусусан, Франк де Бур 2 марта адашди... Ҳа, баъзан ажойиб футболчиларга тўла кучли жамоалар ҳам худди шундай тушунарсиз ҳолатларга дуч келишади. Эҳтимол, олимпия терма жамоамизнинг Қатарда ўтган Осиё чемпионатида ўзини кўрсатолмагани ҳам қисман шундай тушунарсизлик билан боғлиқдир...
Т|р. Жамоа Ў Ғ Д М Т-Н }|- О
1. Динамо (Киев) 18 13 5 0 39-5 34 31
2. Спартак (Москва) 18 10 6 2 27-14 13 26
3. Пахтакор (Тошкент) 18 7 11 0 19-11 8 25
4. ЦСКА (Москва) 18 9 6 3 40-26 14 24
5. СКА (Ростов) 18 11 1 6 29-27 2 23
6. Торпедо (Москва) 19 8 6 5 31-21 10 22
7. Нефтяник (Боку) 18 7 5 6 25-15 10 19
8. Қайрат (Олма-Ота) 18 8 3 7 19-20 -1 19
9. Динамо (Москва) 18 7 4 7 26-22 4 18
10. Динамо (Тбилиси) 18 6 6 6 17-15 2 18
11. Зенит (Ленинград) 19 7 3 9 23-31 -8 17
12. Черноморец (Одесса) 18 4 7 7 18-22 -4 15
13. Динамо (Минск) 18 4 7 7 16-23 -7 15
14. Шахтёр (Донецк) 18 6 3 9 16-23 -7 15
15. Торпедо (Кутаиси) 18 6 3 9 24-32 -8 15
16. Арарат (Ереван) 18 5 5 8 15-26 -11 15
17. Крилья Советов (Куйбишев) 18 2 7 9 12-28 -16 11
18. Локомотив (Москва) 18 4 1 13 15-29 -14 9
19. СКА (Одесса) 18 1 5 12 9-30 -21 7
Александр Хорин, "ИнтерФУТБОЛ" газетаси
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
