“Реал” – “Сельта” учрашувига оид 20 факт!
Кеча Мадриднинг “Реал” жамоаси ўз майдонида Вигонинг “Сельта” клубини қабул қилиб йирик 7:1 ҳисобида зафар қучди. Биз учрашувга оид 20 фактни эътиборингизга хавола этамиз.
1. “Реал” ва “Сельта” Испания чемпионати доирасида 100-марта рақиб бўлишди.
2. Мадридликлар Виголикларни 56-марта таслим этишди. “Сельта” 29 марта ютган бўлса, 15 беллашувда дуранг натижа қайд этилган. Тўплар нисбати 224:132 “қироллик клуби” фойдасига!
3. “Реал” “Сантяго Бернабеу”да қаторасига тўртинчи бор “Сельта”ни мағлуб қилди.
4. Виголиклар охирги 4 ўйинда “Реал”дан очко ола билишмаяпти.
5. “Реал” “Сельта”га қарши ўйинлардаги энг йирик ғалабасини тантана қилди.
6. Роналду “Реал” либосидаги голлари сонини 350 тадан оширди. У “бланкос” таркибида 335 учрашувда 352 гол киритган.
7. Криштиану Испания чемпионатида урган голларини 252 тага етказиб, афсонавий Телмо Заррани орқада қолдирди ва мусобақа тарихидаги энг яхши иккинчи тўпурарга айланди.
8. Португалиялик форвард ушбу мавсумдаги голлари сонини 39 тага етказиб олди.
9. Роналду фаолияти давомидаги юбилей 40-“хет-трик”ни нишонлади.
10. КриРо Испаниядаги “хет-трик”ларини 36 тага етказиб олди ва бу борада Мессидан (35 “хет-трик”) ўзиб кетди.
11. Роналду “Сельта”га қарши 8 учрашувда майдонга тушиб, жами 17 гол урган.
12. Криш “Олтин бутса” учун курашда яна пешқадамга айланди. У Ла Лигада 27 гол урган. Роналдунинг асосий таъқибчиси Суарес ҳисобида 25 гол мавжуд.
13. Бейл Испания чемпионатидаги учинчи мавсумини ўтказмоқда ва у бу вақт ичида Ла Лигада 42 голга муаллифлик қилди.
14. Гарет яна учта гол урса, битта жамоа таркибида урган голлари бўйича шахсий рекордини ўрнатади. У Мадрид клубида ҳозиргача 53 гол урган. Унинг “Тоттенхэм”даги голлари эса 55 тани ташкил этади.
15. Хесе “Реал Кастиля” ва “Реал Мадрид”да урган голлари сонини жами 50 тага етказди. У “Кастиля”да 34, асосий жамоада эса 16 марта рақиб посбонларини ранжитган.
16. Хесе ушбу мавсумдаги учинчи голини киритди.
17. Пепе Испания чемпионатида кетма-кет 8-мавсум тўп киртмоқда.
18. Португалиялик ҳимоячи “галактикос” таркибидаги 304-ўйинида 13-голига муаллифлик қилди.
19. Пепе Португалия ва Испания чемпионатларида урган голлари сонини 20 тага етказди.
20. “Сельта” ҳужумчиси Яго Аспас чемпионатдаги 10-голини уришга муваффақ бўлди.
Фурқат Юсупов тайёрлади
Манба: sports.uz
Киритилди: 10:09, 07.03.2016. Ўқилди: 5767 марта. Фикрлар: 2 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
