Мбаппенинг қачон "Реал"га ўтгани эълон қилиниши маълум бўлди [4017]
Мбаппе «ПСЖ»дан кетиши ҳақидаги қарорига изоҳ берди [3632]
Бразилия терма жамоасининг Америка Кубоги-2024 учун таркиби эълон қилинди [3268]
Мбаппе "Реал"да қайси рақамни олиши энди маълум бўлди [3249]
Роналду ғалабадан сўнг нималар деди? [2915]
Sport TV'да 11-май куни 4 та жонли футбол трансляцияси бор [2545]
Ривалдо: "Боруссия" Чемпионлар Лигаси финалида "Реал"ни мағлуб этади" [2442]
Кейн: "Вайрон бўлдим" [2272]
Перес тез орада жамоанинг икки етакчиси билан учрашади [2157]
Расман! Мбаппе мавсум охирида "ПСЖ"ни тарк этишини эълон қилди! [1984]
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Мухлислар хотирасида чуқур из қолдириш учун Кевинда сабаблар етарли. Масалан, ҳатто дарвозабонлар учун ҳам ҳайрон қоладиган даражадаги девқомат гавдаси ёки «бўрилар»га қарши кечган учрашув (2000 йил август)нинг 13-сониясида (!) қизил карточка олишга улгуриши. Албатта, Прессман ҳеч қачон Дэвид Симан позициясига кўз олайтирган эмас. Лекин тан олиш керак, пенальтилар сериясида у кўпроқ манфаат келтириши мумкин эди.
Голландия терма жамоаси ўйинчилари «Аякс», «Милан» ёки «Барселона»даги фаолиятларидан кейин албатта, «Мидлсбро» сафида тўп суришга интиладилар. Райцигер Стив Маклареннинг Будевейн Зенден, Патрик Клюйверт каби суюкли шогирдларидан эмасди. Аммо ўйин услуби Дани Миллс кетганидан кейин заифлашиб қолган жамоага жуда мос эди. Тўғри, мавсум бошланиши арафасида Михаэль жароҳат олиб, 2006 йили Голландияга қайтишга мажбур бўлди. Лекин «Боро»даги 26 учрашув давомида ажойиб таассурот қолдирди. Райцигердан эсдалик бўлиб қолган «Астон Вилла» дарвозасига урилган голни мухлислар ҳали ҳануз унутмаганлар.
17 йил давомидда «Порту» шарафини ҳимоя қилган сардорни бошқа жамоада ҳеч ким тасаввур қилолмасди. Аммо бош мураббий билан жанжаллашиб қолган Кошта ЖЧ-2002 арафасида спорт формасини йўқотмаслик мақсадида «Чарльтон» таклифини қабул қилди. Шу тариқа жамоада Янг-Фиш-Кошта-Форчун квартети вужудга келди. Лекин туманли ўлкада бардавом ўйнаш Жоржега насиб этмади - «Порту»га бош мураббий этиб тайинланган Жозе Моуриньо уни ортга қайтарди. Моу раҳбарлигида ЧЛ кубогини қўлга киритган Потугалия терма жамоаси собиқ ҳимоячиси ҳозирда Габон термасини бошқармоқда.
1994 йили Бразилия термаси билан жаҳон чемпионлиги унвонига сазовор бўлган футболчи Англияда бурчак зарбаси билан дарвозани ишғол этиш орқали ёрқин таассурот қолдирганди. Бироқ кейинчалик ҳимоячи турли шубҳали ҳаракатларни намойиш эта бошлади. Охир-оқибат маишатпарастликка берилиб кетган Бранко майдонга кам тушадиган бўлиб қолди. 8 ойдан кейин эса жамоа билан хайрлашди.
160 сантиметрга тенг бўлган футболчи бўйи турли манбаларда ҳар хил қайд этилган. Хосе Англиядаги фаолиятини «Бирмингем»да бошлади. Бироқ жамоа бош мураббийи Барри Фрайнинг ишончини қозонолмай Португалияга қайтди. Лиссабонни «Спортинг»и «Барселона»га сотиб юборилган Луиш Фигу ўрнини у билан тўлдиришни мўлжаллаганди. Табиийки, Домингес ўз олдига қўйилган вазифани уддалай олмади ва яна туманли ўлкага йўл олди. Футболчи «Тоттенхэм» билан шартнома имзолади. «Тақачилар» сафида Давид Жинола Хосенинг яқин дўстига айланди. Ўз вилласи қурилишида ишлаган португалиялик қурувчилардан ўрганиб олган бир қатор иборалар ёрдамида франциялик футболчи Домингес билан тиллашиб, янги жамоадошини қўллаб-қувватлаб турди.
Андрес 2006 йил январида «Портсмут» сафига қўшилгач, англияликлар уни «Янги Марадона» номи билан улуғлай бошлашди. 21 ёшда қадрдон жамоаси - «Ривер Плейт»да сардорлик даражасига кўтарилган футболчи фаолиятини Европада давом эттиришга қарор қилди ва Германияга йўл олди. Афсуски, у «Вольфсбург»да ўз ўрнини тополмади.
АПЛнинг суюкли футболчиси бўлиш учун қандай фазилатлар талаб этилса, Сашада бунинг барчаси мужассам эди: ўта жарангдор (сербиялик Жорж Бест) тахаллус, «Болтон» учун рекорд даражадаги трансфер қиймати...
Куарежманинг ижараси ҳозирда ҳам «Челси» тарихидаги ажабтовур келишув бўлиб қолмоқда. 2009 йили «кўклар»нинг ўша пайтдаги бош мураббийи Луис Фелипе Сколари катта саъй-ҳаракатлар эвазига уни 4 ойга Лондонга олиб келганди. Бироқ Рикарду устози кутган ўйинни кўрсатолмади. «У кўп нарсани ўрганиши керак. Акс ҳолда, майдонга тушолмайди. Мана кўрасиз, у ўзининг техник ва тактик савиясини ошира олади. Яна 1-2 ойдан кейин сиз умуман бошқа Куарежмага дуч келасиз», - деганди Сколари ўрнини эгаллаган Моуриньо. Аммо афсуски, Рикарду учун чинакам юлдуз мақомига эришиш орзулигича қолиб кетди.
«Мен Вальтерни танқид қилмайман. Ўтган мавсум у ишончли ўйинлари билан жамоага ёрдам берди. Қолаверса, мен уни Эмиль Хескига захира футболчиси сифатида харид қилгандим. Ваҳоланки, «фақат Хескининг захираси» туманли ўлкага Испаниядан ташриф буюрган ва дебютини 12-дақиқада гол уриш билан нишонлаганди. Бироқ кейинчалик Пандиани атиги 5та гол урди, холос. Лекин ана шу голлар қайси жамоалар билан бўлган ўйинларда амалга оширилгани эътиборга молик - 2таси «Ливерпуль», қолган 3таси - «Челси», «Арсенал» ва «МЮ»га!
Шуҳрат Шокиржонов
Шерзод Ражабов
Қаҳрамон Асланов
