Хабарингиз бор, жамоамиз 15 апрел жума куни олий 5-тури доирасида Қўқон шаҳрининг “Қўқон-1912” жамоасини қабул қилади. Сўзимиз бошида, бўлажак рақибимиз “Темирйўлчи” номи билан фаолият олиб борганини эслатиб қўймоқчимиз.
Жамоамиз ўтган тўрт турда 10 очко жамғариб, турнир жадвалининг 2-поғонасини банд этиб турибди. “Қўқон-1912” жамоаси эса 6 очко жамғарган ҳолда 8-ўринни банд этган.
Мазкур жамоалар олий лигада 12 марта туқнаш келишган. Шундан 8 учрашувда жамоамиз ғалаба қозонган, 4 учрашувда қўқонликлар зафар қучишган. Жамоаларнинг ўзаро учрашувларида ҳали бирон марта дуранг натижа қайд этилмаган.
Тўплар нисбатида ҳам устунлик жамоамиз томонида 27:17. “Насаф” жамоаси “Қўқон-1912” жамоасига қарши сўнгги учрашувни ўтган йили Қўқонда ўтказган эди ва 3:1 ҳисобидаги ғалабани нишонлашган.
Жамоамизнинг ўзаро учрашувларда қозонган энг йирик ғалабаси – 4:0га тенг. “Қўқон-1912”да бу кўрсаткич 3:0га тенг. Тарихда қолган бу учрашувлар 2003 йили бўлиб ўтган, “Насаф” – “Темирйўлчи” 4:0 учрашувида жамоамизнинг ўтмишдаги тўпурари – Зафар Холмуродов хет-трик қайд этган ва Дилшод Мавланов бир марта гол муаллифи бўлган. Иккинчи даврада Қўқонда бўлган учрашувда эса Шуҳрат Раҳмонқулов дубл қайд этган, Шуҳрат Юсупов эса дарвозамизга битта тўп йўллаган.
Ўтган йили биринчи даврадаги Қаршида бўлиб ўтган учрашувда жамоамиз йирик 3:0 ҳисобида ғалаба қозонган эди. Ушбу учрашувдаги голларни Шоҳруҳ Гадоев, Баҳром Абдураҳимов ва Олександр Коблашлар киритишган.
Иккинчи даврадаги Қўқонда бўлган учрашувда ҳам жамоамиз ғалаба қозонган. Унда 3:1 ҳисоби қайд этилган, бу учрашувдаги жамоамиз голларига Азамат Алланиёзов (2) ва Илҳом Шомуродов (1)лар муаллифлик қилишган. Қўқонликларнинг битта голини Жалил Кимсанов киритган.
Мазкур жамоаларнинг навбатдаги учрашуви 13-учрашув сифатида тарих саҳифасидан жой олади:
ЎзПФЛ 5-тур. 15.04.2016 й.
«Насаф» (Қарши) – «Қўқон-1912» (Қўқон)
Қарши ш., “Марказий” стадион. Соат 18:30да
Бош ҳакам: Азиз Асимов (Тошкент),
Қанот ҳакамлари: Жалгасбай Сарсенов , Бектурсин Канназаров (Нукус),
Захира ҳаками: Даулетбай Жалимов (Нукус).
Назоратчи: Марат Исмоилов (Тошкент).
ЎзПФЛ вакили: Бобур Ҳайдаров.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
