1992 йилдан бери ЕЧЛ финалларида Испания жамоалари энг кўп ғалаба қозонган — 1998, 2000, 2002, 2006, 2009, 2011, 2014 ва 2015 йилларда. Иккинчи ўринда Италия жамоалари турибди — 5 марта — 1994, 1996, 2003, 2007 ва 2010 йилларда. Инглизлар 1999, 2005, 2008 ва 2012 йилларда жами 4 марта, немис жамоалари эса 1997, 2001 ва 2013 йилларда 3 марта ғалаба қозонган.
* ЕЧЛ финалига энг кўп марта чиққан жамоа Италиянинг "Милан" клубидир, у 6 марта финалда ўйнаган.
* Барча даврларнинг Европа кубоги финалларида энг кўп қатнашган миллат бу итальянлардир. Улар 27 марта финалга чиқишган, 12 марта ғалаба қозонган бўлса, 15тасида имкониятни бой беришган. Англия жамоалари эса 19 финалдан 12тасини ютган. Испания 24 марта (14та ғалаба, 10та мағлубият), немислар 17 марта (7та ғалаба), Португалия 9 марта (4та ғалаба) ва Голландия 8 марта (6та ғалаба) финалда иштирок этган.
* Битта мамлакат жамоалари финалда тўқнаш келган ҳолат 6 марта қайд этилган: 2000 йилда "Реал" М. - "Валенсия" 3:0, 2003 йилда "Милан" - "Ювентус" (пенальтилар бўйича миланликлар ғалаба қозонган), 2008 йилда "Манчестер Юнайтед - "Челси" (пенальтилар бўйича "қизил иблислар" ютган), 2013 йилда "Бавария" - "Боруссия" 2:1, 2014 йилда "Реал" Мадрид - "Атлетико" Мадрид 4:1 ва 2016 йил яна шу икки клуб тўқнашади.
* Ҳозиргача бирор футболчи финалларда хет-трик қайд этмаган. Даниеле Массаро ("Милан", 1994), Карл-Хайнц Румменигге ("Боруссия" Д., 1997), Эрнан Креспо ("Милан", 2005), Филиппо Инзаги ("Милан", 2007), Диего Милито ("Интер", 2010) дубль қайд этган футболчилардир. Европа кубоги доирасида эса Ференц Пушкаш 4та гол киритиб, тарихда қолган. Шунингдек, Алфредо ди Стефано ва Пушкаш учтадан гол урган фуиболчилар саналади.
* ЕЧЛ иккита финалида гол киритган футболчилар Рауль Гонсалес ("Реал", 2000, 2002), Самуэль Это‘О ("Барселона", 2006, 2009) ва Лионель Месси ("Барселона", 2009, 2011)
* 2005 йилги финалда Паоло Мальдини томонидан 51-сонияда урилган гол ҳозирча энг тез урилган гол бўлиб турибди.
* Кларенс Зеедорф эса Европа кубогини 3та клубда ютган ягона футболчи ("Аякс", 1995, "Реал" Мадрид, 1998, "Милан", 2003 ва 2007) ҳисобланади. "Ливерпуль" бош мураббийи Боб Пейсли уч карра кубок соҳиби бўлган ягона мураббийдир (1977, 1978, 1981).
* Икки клуб билан финалда ғалаба қозонган мураббийлар — Оттмар Хитцфелд ("Боруссия", 1997, "Бавария", 2001); Эрнст Хаппел ("Фейеноорд", 1970, "Ҳамбург", 1983); Жозе Моуриньо ("Порту", 2004, "Интер", 2010); Юпп Хайнкесс "Реал" Мадрид, 1998, "Бавария", 2013).
* Фақат иккита жамоагина ўз уйида ўтган финал ўйинида ғалаба қозонган: "Боруссия" Дортмунд (1997 йил, Мюнхен) ва "Ювентус" (1996 йил, Рим)
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
