Мана, орзиқиб кутилган Европа чем-пионатини ҳам бошлаб олдик. Қуйида биринчилик ҳақидаги туркум маълумотлар давоми ўлароқ, вакиллик ма-саласига эътибор қаратсак. Қизиқ, Франция яшил майдонларида қайси лига вакиллари кўп, терма жамоаларга футболчи юбориш бўйича ким «чемпион»? Қайси терма жа-моада маҳаллий футболчилар кўп ва аксинча, қай бири фақат легионерлардан ташкил топган?
*** Евро-2016 учун жами 552 нафар футболчи рўйхатдан ўтказилди, шулардан 139 нафари, яъни 25 фоиздан кўпроғи Англияда ўйнайди.
*** Англия терма жамоаси сафида бирор легионер йўқ - Рой Хожсоннинг 23 нафар шогирди ҳам туманли ўлкада тўп суради.
*** Англия чемпионшипи Евро-2016га футболчи юбориш масаласида жаҳон лигалари орасида 7- ўринда. АПЛ (Англия), примеро (Испания), бундеслига (Германия), «А» серияси (Италия), Лига1 (Франция), ПЛ (Россия) ва супер-лига (Туркия)дангина кўпроқ вакил бор. Умуман, чемпионшипда ўйновчи 31 нафар футболчи Европа чемпионати «заявка»сидан жой олган.
*** Англия биринчи ва иккинчи лигаси (ҳисоб бўйича 3 ва 4-дивизионлар)дан ҳам футболчи бор - тегишлича 4 ва 1 нафардан.
*** Умумий ҳисобда айтсак, жами 49 нафар футболчи турли мамлакатларнинг қуйи лигасида ўйнайди. Жумладан, нақ 36 нафар футболчи Англиянинг 3та қуйи дивизионидан чақирилган.
*** Словакия ҳамда Швеция термалари энг «аралаш» таркибга эгалар. Уларнинг футболчилари нақ13тадан чемпионатдан чақирилган.
*** Евро-2016га энг кўп футболчи «Ювентус» ва «Ливерпуль» клубларидан чақирилган - 12 нафардан.
*** Испания терма жамоаси сафидан жой олган 19 нафар футболчи ЕЧЛ-2015|2016да ўйнаган.
*** 5 нафар футболчи Осиё лигаларидан таклиф этилган (Қатар - 3 нафар, Австралия ва Саудия Арабистони - 1 нафардан).
*** КОНКАКАФ минтақасидан эса 4 нафар футболчи бор (MLS - 3 нафар, Мексика - 1 нафар).
Евро-2016га энг кўп футболчи юборган клублар
12 - «Ювентус» ва «Ливерпуль»
11 - «Тоттенхэм»
10 - «Манчестер Юнайтед»
9 - «Барселона», «Бавария» ва «Фенербахче»
8 - «Арсенал», «Базель», ЦСКА, «Реал» ва «Рома»
Евро-2016га энг кўп футболчи юборган лигалар
103 - Англия премьер-лигаси
57 - Германия бундеслигаси
52 - Италия «А» серияси
36 - Туркия супер-лигаси
34 - Испания примероси
33 - Россия премьер-лигаси
31 - Англия чемпионшипи
Евро-2016га бир нафар футболчи юборган мамлакатлар (лигалар)
Австралия - Аарон Хьюз (Шимолий Ирландия, «Мельбурн Сити»)
Озарбайжон - Анси Аголи (Албания, «Қорабоғ»)
Хитой - Бурак Йилмаз (Туркия, «Пекин Гуоан»)
Исроил - Овидиу Хован (Руминия, «Хапоэль» Б.Ш.)
Лихтенштейн - Армандо Садику (Албания, «Вадуц»*)
Қозоғистон - Анатолий Тимошук (Украина, «Қайрат»)
Мексика - Андре Пьер-Жиньяк (Франция, «Тигрес»)
Канада - Лоран Симан (Бельгия, «Монреал Импакт»)
Саудия Арабистони - Лучан Синмертян (Руминия, «Ал-Иттиҳод»)
* Лихтенштейнда фақат кубок ўйинлари ўтказилади, «Вадуц» эса Швейцария чемпионатида ўйнайди.
Маҳаллий чемпионат футболчиларини энг кўп чақирган терма жамоалар
23 - Англия
22 - Россия
18 - Италия
Маҳаллий чемпионат футболчиларини умуман чақирмаган ёки энг кам чақирган терма жамоалар
0 - Исландия, Шимолий Ирландия, Уэльс*
1 - Австрия
* Уэльс термасининг 2 нафар футболчиси АПЛда ўйнайдиган «Суонси»дан чақирилган.
Шаҳзод ХОЛБОЕВ тайёрлади
Матнда хатолик топсангиз, ўша хатони белгилаб, бизга жўнатинг (Ctrl + Enter).
Динамо
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
