"Навбаҳор" клубида мавсумолди йиғини жадал давом этмоқда. Бу ҳақда клуб расмий сайти хабар бермоқда.
Жамоамизнинг Хожикентдаги йиғини давом этмоқда. Бўстонлиқ туманидаги машғулотлар давомида асосий эътибор футболчиларнинг жисмоний ҳолатини яхшилашга қаратилган машқлар бажарилмоқда. Яъни футболчилар машғулот давомида асосан югуришмоқда. Ўтган вақт давомида таркибга янги футболчиларни келиб қўшилмаганлиги айтиб ўтиш жоиз. Аксинча, биринчи даврада “Навбаҳор” шарафини ҳимоя қилган бир қатор футболчиларни бошқа клублар сафига қўшилганлиги ойдинлашди. Ҳужумчи Мўйдин Мамазулумов “Олмалиқ” машғулотларида қатнашмоқда. Мавсум арафасида “Бунёдкор” жамоасидан келиб қўшилган Хайрулла Каримов ва Сардор Азимовлар ҳам “Бунёдкор”га қайтишди, ярим ҳимоячи Нодир Мавлонов эса “Обод” таркибида шуғулланмоқда. Бундан ташқари биринчи даврада жамоада ҳаракат қилган Алибек Туробов, Обид Жўрабоев, Анвар Ражабов, Ҳасан Асқаров, Азиз Ғуломхўжаев, Санжар Асқаралиев, Алибобо Раҳматуллаевлар ҳам мавсум иккинчи ярмини бошқа клублар сафида ўтказишади. Юқорида номлари қайд этилган футболчиларнинг аксариятига биринчи даврада кам ўйин амалиётига эга бўлганлиги сабабли бошқа жамоаларга ўтишларига рухсат берилган. Умумий ҳисобда айни пайтдаги машғулотларда 19 нафар футболчи қатнашмоқда.
Жамоамиздаги яна бир дарвозабон Александр Корнийчук эса пойтахтда давом эттириладиган машғулотларда сафга қўшилади. Келгусида ушбу посбонни “Навбаҳор”да ўйновчи мураббий сифатида фаолият юритишини эҳтимоли ҳам юқори. Яъни у дарвозабонларга устозлик қилади. Украиналик ҳужумчи Владислав Павленко ҳам “Навбаҳор”га қайтмаслиги мумкин. Айни пайтда футболчига бир қатор клублардан таклиф тушаётганлиги сабабли бошқа жамоага ўтиш вариантини кўриб чиқмоқда.
“Навбаҳор”нинг Хожикентдаги йиғинида қатнашаётган футболчилар рўйхати.
Дарвозабонлар: Акмал Ортиқов, Артур Парванов (“Норин” жамоасидан таклиф этилган), Мирзоҳид Маматханов;
Ҳимоячилар: Тоҳир Шамсиддинов, Қаҳрамон Маҳаммаджонов, Ҳожиакбар Юнусов, Фарруҳ Нурлибоев, Мурод Тўйчибоев (иккаласи ҳам “Норин”);
Ярим ҳимоячилар: Ғайрат Жўраев, Алишер Маҳмудов, Акрам Баҳриддинов, Азизбек Турғунбоев, Дониёр Инамов, Дилшод Жабборов, Аъзам Алиев, Билол Шарофиддинов (“Хотира-79”);
Ҳужумчилар: Шоҳжаҳон Аббосов, Абдумалик Абдуллаев (“Андижон”), Владислав Алексин (“Норин”).
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
