Soccerway.com интернет порталида Осиёнинг бир қатор миллий биринчиликлари қатори Ўзбекистон олий лигаси ҳақида ҳам ёзилган. Унда жумладан, стадионларга мухлислар ташрифи хусусида қисқача маълумот берилган. Демак, 16та клубимиз жорий мавсум ўз мухлислари ва меҳмонларни жами 21та стадионда кутиб олибди.
1. «Қизилқум», «Бухоро» «Обод» ва «Сўғдиёна» ареналаридан бошқа ҳеч қайси стадионда тўлиш даражаси 60 фоиздан ошаётгани йўқ. Пойтахтнинг 3та етакчиси, чемпионлик учун курашаётган клублар - «Пахтакор», «Бунёдкор» ва «Локомотив» ареналари трибуналари эса, тегишлича атиги 4, 4, 13 фоиз банд бўляпти, холос. Тўғри, «Локо»нинг иккинчи аренасида бу кўрсаткич 35 фоизга тенг.
2. «Нефтчи» ўтган йили янги стадионга эга бўлганди. Лекин жамоа кўрсатаётган ўйин савияси томошабинларнинг сонини 18 мингдан 1200гача тушириб қўйди. Мухлисларни алдаб бўлмаслигини шу фактнинг ўзиёқ исботламаяптими? «Андижон» хусусида ҳам бемалол шу гапларни такрорлашимиз мумкин.
3. «Металлург»нинг натижаю, кўрсатаётган ўйини ва унинг стадионига тушаётган мухлислар ўртасидаги боғлиқликни сира тушунтиролмаймиз - ҳақиқий парадокс! Бири иккинчисини инкор қилиб тураверади. Ўйин ва натижа зўр, мухлислар эса ҳамон кам...
Солиштириш деймизми ё ҳавас қилишми, энди олий лигамиз кўрсаткичини Эрон про-лигасиники билан ёнма-ён қўйиб кўрайлик. Якунланган мавсум Эрон миллий чемпионати доирасидаги 8та ўйинда мухлислар стадионларга киритилмади. Боз устига, форс чемпионатидаги 4та клубнинг ўйинларига бор-йўғи 60-70 томошабин кирган ҳолатлар ҳам учради. Лекин умумий ҳисобда томошабинлар ташрифи бўйича 5,1 фоизлик ўсишга эришилди. Оддий айтганда, Эрон чемпионатидаги ҳар бир учрашувни ўртача ҳисобда 8048 мухлис бевосита стадионда кузатди. Дейлик, чемпионликни тантана қилган «Истиқлол» (Ҳузистон)нинг баъзи ўйинларни атиги 200 мухлис гувоҳлигида ўтказишига тўғри келди. Шунга қарамай, клубнинг бу борадаги ўртача кўрсаткичи 5097ни ташкил этди. Ҳа, форслар худди «Пахтакор» ва «Бунёдкор»дан ўрнак олишаётгандек. Осиёнинг бошқа баъзи биринчиликларига тўхталсак, БАА про-лигасида ўртача кўрсаткич анча паст - 2557 бўлса, Жанубий Корея «К»-лигасида бироз яхшироқ - 7720. Лекин дейлик, Малайзия супер-лигаси ўйинларига тегишли ўртача статистика ушбу илғор чемпионатникидан баландроқ - 8915. Япония «J»-лигасидаги ўртача кўрсаткич эса 17803га тенг ва бунга шунчаки, ҳавасимиз келади.
Олий лига: Жамоаларнинг биринчи даврада мухлис тўплаш бобидаги кўрсаткичлари
Клуб Арена Ўртача ташриф Энг ками Энг кўпи Сиғими Тўлиш даражаси
«Андижон» «Соғлом авлод» 7127 2321 16702 18360 39 фоиз
«Бунёдкор» «Бунёдкор» 1484 531 3784 34000 4 фоиз
«Бухоро» «Бухоро» СМ 20107 17315 24104 22700 89 фоиз
«Локомотив» «Локомотив» 1187 523 2405 9400 13 фоиз
«Локомотив» ТТЙМИ 2112 2112 2112 6010 35 фоиз
«Машъал» Б.Вафоев номли 3213 2316 4210 11000 29 фоиз
«Металлург» «Металлург» 2044 1358 3513 12500 16 фоиз
«Металлург» Анохин номли 2094 1151 3801 12500 17 фоиз
«Навбаҳор» «Марказий» 5710 3279 16250 28462 20 фоиз
«Насаф» «Марказий» 4454 2660 8621 16485 27 фоиз
«Насаф» «Насаф» 3596 3335 3856 9500 38 фоиз
«Нефтчи» «Истиқлол» 4234 1285 18278 20000 21 фоиз
«Олмалиқ» «Металлург» 3547 1528 4812 16000 22 фоиз
«Обод» «Обод» 3532 3532 3532 4500 78 фоиз
«Обод» «Жар» 2032 952 3206 9097 22 фоиз
«Пахтакор» «Пахтакор» 1559 700 3816 35000 4 фоиз
«Сўғдиёна» «Жиззах» 7737 5283 10684 11750 66 фоиз
«Шўртан» «Ғузор» 5214 2545 6851 10417 50 фоиз
«Қизилқум» «Ёшлар» 11633 7817 19318 11650 100 фоиз
«Қизилқум» «Прогресс» 9103 9103 9103 9500 96 фоиз
«Қўқон-1912» Муҳиддинов номли 5514 2311 8652 10550 52 фоиз
P.S.: жадвал Soccerway.com сайтидан олинди. Баъзи стадионлар сиғими ҳозиргиси билан нисбатан фарқланиши мумкин. Шунингдек, мухлислар ташрифи бўйича маълумотлар ўйинларнинг расмий қайдномасидан олинган. Дейлик, «Қизилқум» аренасига максимал ташриф 5-тур доирасидаги «Пахтакор»га қарши ўйинда қайд тэтилган -19318. Лекин стадионнинг сиғими бундан анча кам.
Манба: "ИнтерФУТБОЛ" газетаси
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
