Погбанинг «МЮ»га ўтиши ҳал бўлди!
«Ювентус» ярим ҳимоячиси Поль Погба «Манчестер Юнайтед»га ўтишга яқин турибди. "Football Italia" нашри тарқатган хабарга кўра, манчестерликлар француз футболчисининг ортга қайтганини яқин вақтда эълон қилишади.
«МЮ» футболчининг агенти Мина Райола билан унинг хизмат ҳақи юзасидан келишувга эришди. Агент 20 миллион евро оладиган бўлди.
Аввалроқ клублар Погбанинг трансферини 110 миллион евро миқдорида келишиб олишганди. Бундан ташқари, футболчи "МЮ" билан шартномани узайтирса ёки у "Олтин тўп"ни қўлга киритса, "Юве" қўшимча бонуслар олади.
Ярим ҳимоячи ҳозирда Флоридада таътилни ўтказмоқда. У шу кунларда Лос-Анжелесда тиббий кўрикдан ўтади. Погба "қизил иблислар" билан 5 йиллик шартнома имзолайди. У ҳафтасига 290 минг фунт миқдорида маош олади.
Погба 2012 йилда «МЮ» эркин агент сифатида тарк этганди. Футболчини тайёрлаб бергани учун «Ювентус» манкунианликларга 800 минг фунт миқдорида компенсация тўлаган.
Манба: stadion.uz
Киритилди: 09:28, 29.07.2016. Ўқилди: 18896 марта. Фикрлар: 8 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар