Бугун, 2 август куни "Локомотив" футбол клуби иккинчи давра олдидан ўз сафига қўшиб олган футболчиларнинг тақдимот маросимини ўтказди. "Темирйўлчилар" давралар оралиғида туркманистонлик Артур Геворкян ҳамда босния ва герцеговиналик Славен Степанович билан шартнома имзолашди.
Тақдимот маросимида янги футболчилардан ташқари "Локомотив" клуби бош мураббийи Андрей Микляев, бош директори ўринбосари Тўлабек Акромов, спорт директори Равшан Муқимов иштирок этишди.
Тўлабек Акромов:
— 12 июлдан 21 июлга қадар Минск ўқув-машғулот йиғини ташкил этилди. Унда асосий эътиборни жисмоний тайёргарлик асосий эътибор қаратилди. Йиғин давомида бир қатор легионерлар кўрикдан ўтказилди. Геворкян билан йиғингача шартнома имзоланган бўлса, йиғиндан сўнг Степановични ўз сафимизга қўшиб олишга ҳаракат қилдик.
Йиғин нима учун Минскда ўтказилди? Бу мураббийлар штабининг қарори эди. Одатда биз ёзги йиғинни Австрияда ўтказардик. Умуман олганда, Австрия ва Беларусдаги иқлим шароити ва машғулот ўтказиш учун шароитлар ўртасида катта фарқ йўқ.
Давралар оралиғида маҳаллий футболчиларни ҳам жамоага таклиф этиш масаласи кўриб чиқилди. Икки-уч нафар футболчига таклиф билан чиқдик, аммо улар клубимизда ўз ўрнини топиб кетишига ишонч ҳосил қилмагани ва рақобатдан чўчигани боис сафимизга келиб қўшилмади. Уларнинг исм-фамилияларини айта олмайман.
Сафимизни тарк этганлар ҳақида тўхталадиган бўлсам, Хуршид Мухторов ва Дониёр Усмоновни ижара асосида "Олмалиқ"қа бердик. Шунингдек, Жасур Ҳасанов ҳам "Қизилқум"га ижара асосида ўйнайдиган бўлдик.
Андрей Микляев:
— Минскда 10 кунлик йиғин ўтказиб, 4 нафар легионерни кўрикдан ўтказдик. Йиғин самарали ўтди. Йиғиндан қайтганимиздан кейин 2та расмий ўйинда иштирок этдик. "Машъал"га қарши Ўзбекистон кубоги баҳсида мағлубиятга учрадик. Бунинг ўзига яраша сабаблари бор. Минскда анча салқин ва ёмғирли об-ҳаво шароитида шуғулланганимиз боис, Тошкентдаги иқлимга 3 кун ичида мослашиб олиш қийин кечди. "Қизилқум"га қарши Олий лиганинг қолдирилган ўйинида эса анча ўзимизга келиб олгандик. Ғалаба қозониб, жадвалда 1-ўринга кўтарилиб олдик. Бу ёқимли албатта.
Жамоа эртага бўладиган иккинчи давранинг илк ўйинига тайёр. Ислом Тўхтахўжаев ва Икром Алибоевда жароҳат бор. Қолганлар эса жамоага ёрдам бериши мумкин. Иккинчи даврани ғалаба билан бошлашга ҳаракат қиламиз. Биз ҳамиша ҳужумкор тарафдори бўлганмиз, ҳамиша биринчи рақам остида ўйнаймиз.
Айтиб ўтганимдек, йиғинда 4 нафар легионерни кўрикдан ўтказдик. Ҳар бир футболчининг ўзига яраша устунликлари бор эди. Биз ўз ўйин услубимиздан келиб чиқиб, ўзимизга кўпроқ мос келадиган Степанович вариантида тўхталдик. Унинг дриблинг ва техникаси яхши. У ҳужум ортида, ярим ҳимоянинг ўнг ва чап қанотларида ўйнай олади. Унинг бу хусусиятлари ўзбек футболи учун мос келади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
