Бугунги ўйинда жамоамиз сафида бир қатор ўйинчилар дебют учрашувини ўтказишди. Булар, Никита Рибкин, Дарко Гожкович, Никола Валентич. Нодир Йўлдошев, Собир Ҳамидов, Суҳроб Бердиев, Жавоҳир Сиддиқов эса ўртоқлик учрашувдарида жамоамиз шарафини ҳимоя қилишганди.
Шунингдек, бугунги баҳсни дисквалификация сабаб Азиз Тўхтабоев ўтказиб юборди. Азиз Ашуров, Жалил Кимсанов ва Миржалол Қурбоновларда эса жароҳат бор эди.
Ўйин ҳар икки томоннинг шиддатли ҳужумлари билан бошланди. 19-дақиқада вакилларимиз ҳисобни очишди. Жарима майдончасига оширилган тўпни Отабек Зокиров боши билан дарвозага аниқ йўллаб ҳисобни очди. Бундан олдин эса Носир Отақўзиевнинг боши билан берган зарбаси сал ноаниқ кетганди. Ўша ҳужум голдан дарак берувчи қунғироқ мисол янгради.
35-дақиқада тиниб-тинчимас Носир Отақўзиевнинг жарима майдончаси ичига оширган тўпини мезбонлар қийинчилик билан майдон ташқарисига чиқариб юборишди.
Биринчи бўлим якунланиши арафасида Нодир Йўлдошев рақиб ҳужумчисини жарима майдончамиз ичида қўполлик билан тўхтатиб қўйди. Натижада пенальти белгиланди. Ўн бир мертли нуқтага яқинлашган “Обод” жамоаси сардори Дониёр Ҳасанов аниқ амалга ошириб, ҳисобни тенглаштирди.
Иккинчи бўлим жамоамиз вакиллари учун омадсиз бошланди. 59-дақиқада Мезбонлар ҳисобда олдинга чиқиб олишди. Гол муаллифи Шоҳруз Норхонов бўлди. Бу ерда ҳимоячиларимиз қўпол хатога йўл қўйишди.
Қолган дақиқаларида жамоамиз қанчалик ҳаракат қилмасин навбатдаги мағлубиятни тан олишга мажбур бўлди. Иккинчи давра мағлубият билан бошланди.
17-турда вакиллармиз “Марказий” ўйингоҳда Тошкентнинг “Пахтакор” жамоасини қабул қилишади.
Олий лига
16-тур
“Обод” – “Қўқон-1912”
Ҳакамлар: З. Қодиров (Навоий), Н. Рўзимов (Тошкент), Б. Қодиров (Бухоро), Б. Юльчараев (Гулистон).
Голлар: Дониёр Ҳасанов-40 пенальти, Шохруз Норхонов- 59. – Отабек Зокиров – 19.
“Обод”: 12. Дилшод Ҳамроев, 2. Аброр Ҳусинов, 4. Хуршид Ғиёсов, 5. Ғайрат Умиров, 7. Жавоҳир Қаҳрамонов (20. Алишер Мирзаев, 46), 8. Дониёрбек Ҳасанов, 9. Павел Соломин (70. Тимур Ҳакимов, 71), 11. Шохруз Норхонов, 55. Сардор Қаҳҳоров, 60. Анвар Ғофуров, 88. Сардор Собирхўжаев.
Захира: 1. Умиджон Ёрбеков, 3. Илҳом Комилов, 13. Умиджон Матмусаев, 77. Алишер Шоғуломов, 80. Санжар Риҳсибоев.
“Қўқон-1912”: 13. Никита Рибкин, 7. Отабек Зокиров, 9. Носир Отақўзиев, 15. Маъруф Зокиржонов (26. Ойбек Рустамов, 70), 28. Абдуллоҳ Олимов, 55. Дарко Гожкович, 70. Собир Ҳамидов, 80. Нодир Йўлдошев, 83. Никола Валентич, 90. Суҳроб Бердиев, 99. Жавоҳир Сиддиқов (6. Баҳодир Акрамов-46, 75. Иброҳим Раҳимов-84).
Захира: 1. Руслан Матниязов, 20. Достон Турсунов, 14. Авазхон Маматхўжаев, 29. Иқбол Маликжонов.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
