Мамалакатимиз ўйингоҳларида бугундан 18-тур учрашувларига старт берилди. "Насаф" бу турда Тошкентда “Обод” жамоаси билан баҳс олиб борди.
Учрашув кутилганидек жамоамиз ҳужумлари билан бошланди. Учрашувдаги ҳисоб жамоамиз томонидан 11-дақиқадаёқ очилди. Рақиб ҳимояси ҳушёрлигини текширувдан ўтказган жамоамиз, бироз орқага чекинди. Бундан фойдаланмоқчи бўлган “Обод” футболчилари олдинга ташланишди. Аммо улар майдон марказида тўпни йўқотиб қўйишди. Жамоамиз чап қанотдан тезкор ҳужум уюштиришди ва Фарруҳ Сайфиев тўп билан таъминланди. Сайфиев тезлик билан жарима майдонига кириб бориб, дарвозага аниқ зарба йўллади ва гол – 0:1.
Бу голдан кейин майдон эгаларининг ҳам ўйини жонланди, аммо уларнинг ташкил этган ҳужумлари самара бермади. Ўз навбатида жамоамиз томонидан ташкил этилган ҳужумларда ҳам дарвозани ишғол қилишда футболчиларимиздан омад юз угирди.
Биринчи бўлимда дарвозаларга бошқа голлар киритилмади.
Иккинчи бўлим бошидан Алланиёзов ўрнига майдонга тушган Ғаниев жамоамиз ўйинини сезиларли кучайтирди.
Иккинчи бўлимнинг 53-дақиқасига келиб, Фозил Мусаев ҳисобни 0:2 кўринишга ўзгартирди. Жамоамизнинг навбатдаги ташкил этган ҳужумида футболчиларимиз тўпни жарима майдонида Черанга ташлаб беришди, аммо у тўпни жарима майдонига кириб келаётган Фозил Мусаевга жуда қўлай тарзда узатиб берди, Мусаев эса зарб билан тўпни дарвозага аниқ йўллаб, жамоамизнинг иккинчи голига муаллифлик қилди – 0:2.
Ўз дарвозаларидан иккинчи голни ўтказиб юборган “Обод” футболчилари кейинги дақиқаларда бор эътиборларини ҳужумга қаратишди. Уларнинг ташкил этган ҳужумлари ҳам жуда хавфли кўриниш олди. Бу вазиятларда айниқса ҳимоячимиз Шерзод Аъзамов ва дарвозабонимиз Санжар Қувватовлар жуда яхши ҳаракат қилишди ва дарвозамиз даҳлсизлигини сақлаб қолишда асосий ролни ўйнашди.
66-дақиқага келиб сербиялик ҳужумчимиз Драган Черан ҳисобни йирик кўринишга олиб келди. Жамоамизнинг навбатдаги ҳужумларининг бирида Дониёр Нарзуллаев дарвозага зарба йўллади, тўпни дарвозабон қайтариб юборди. Жарима майдонида ҳамиша ҳозиру-нозир Черан қайтган тўпни, бир зарба билан дарвозага жойлаб қўйди – 0:3. Эътиборлиси, Черан уч учрашувда рақиблар дарвозасини 2 марта ишғол қилди.
Учрашувнинг қолган дақиқаларида жамоалар имкон бўлгандан ҳисобни ўзгартириш пайида бўлишди. Аммо учрашувда бошқа голлар киритилмади.
Шундай қилиб, жамоамиз иккинчи даврадаги кетма-кет учинчи ғалабани қўлга киритди ва ўз ҳисобига қимматли уч очкони ёзиб қўйди.
“Насаф” энди 19-тур учрашувида “Пахтакор” жамоасини қабул қилади. Учрашув 19 август жума куни бўлиб ўтади.
ЎзПФЛ, 18-тур. 12.08.2016
“Обод” (Тошкент) – “Насаф” (Қарши) 0:3 (0:1)
“ЖАР” стадиони. Соат 18:00да
Голлар: Фарруҳ Сайфиев, 11’-0:1, Фозил Мусаев, 53’-0:2, Драган Черан, 66’-0:3.
Бош ҳакам: Бахтиёр Намозов (Тошкент). Қанот ҳакамлари: Х. Шодмонов (Бухоро), Ш. Файзиев (Жиззах). Захира ҳаками: Д.Каримов (Тошкент). Назоратчи: А. Арутюнов (Тошкент). ЎзПФЛ вакили: В Штерн.
“Обод”:12.Дилшод Ҳамроев, 2.Аброр Хусинов, 4.Хуршид Ғиёсов (44.Миржамол Қосимов 72), 5.Ғайрат Умиров, 9.Павел Соломин (3.Илҳом Комилов 55), 11.Шоҳруҳ Норхонов, 20.Алишер Мирзаев, 55.Сардор Қаҳоров, 60.Анвар Ғофуров (с), 70.Тимур Ҳакимов (77.Алишер Шоғуломов 46), 88.Сардор Собирхўжаев.
Захира: 1.Умиджон Ярбеков, 7.Жавоҳир Қаҳрамонов, 14.Акбаржон Хўжаев, 66.Фарҳод Мираҳматов.
"Насаф”: 35.Санжар Қувватов, 23.Шерзод Аъзамов (с), 22.Игорь Голбан, 7.Шуҳрат Муҳаммадиев, 28.Фозил Мусаев (27.Ислом Рашидхонов 82), 34.Фарруҳ Сайфиев, 18.Баҳром Абдураҳимов, 38.Дониёр Нарзуллаев, 31.Сайдулло Раҳматв, 21.Азамат Алланиёзов (6.Азизжон Ғаниев 46), 69.Драган Черан (15.Шахбоз Эркинов 70).
Захира: 25.Элдорбек Суюнов, 14.Шароф Муҳиддинов, 24.Огнен Красич, 5.Ильдар Маматказин.
Огоҳлантириш: Сардор Қаҳҳоров 55.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
