3 декабрь, шанба куни футбол мавсумининг энг қизиқарли учрашувида «Барселона» жамоаси «Камп Ноу» стадионида «Реал» футболчиларини қабул қилади.
«Эль-Класико» номини олган ушбу тўқнашув Тошкент вақти билан соат 20:15 да старт олиши режалаштирилган.
«iSport.ua» нашри «Барселона» ва «Реал» ўртасидаги принципиал ўйин олдидан «Эль-Класико»нинг энг яхши 10 тўпурари ҳақида маълумот берди.
10–9. Уго Санчес («Реал») – 10 та гол
Мексикалик футболчи «Реал» сафида 7 мавсум ўтказиб, 283 ўйинда 208 та гол киритди. «Эль-Класико»да у 10 та гол киритган.
10–9. Хосеп Самитьер («Барселона») – 10 та гол
Хосеп Самитьер 1919–1932 йиллар давомида «Реал» дарвозасига 10 та гол уришга муваффақ бўлган. Кейинроқ у «Реал» таркибига қўшилиб, Мадридда 2 мавсум ўйнаган.
8. Сантильяна («Реал») – 12 та гол
Сантильяна «Эль-Класико»лардан «Барселона» дарвозасини 12 марта ишғол қилган.
7–6. Пако Хенто («Реал») – 14 та гол
Хенто 1953–1971 йилларда «Реал» шарафини ҳимоя қилиб, жами 128 та гол урган. Шулардан 14 таси «Барселона» дарвозасидан жой олган.
7–6. Ференц Пушкаш («Реал») – 14 та гол
Венгриялик тўпурар мадридликлар таркибига 31 ёшида қўшилган бўлса-да, «Реал»нинг 180 ўйинида майдонга тушган ва 156 та гол киритган. «Эль-Класико»да Пушкаш 14 та гол киритиш уддасидан чиққан.
5. Сесар Родригес («Барселона») – 14 та гол
Испаниялик футболчи «Камп Ноу»да 16 мавсум ўтказди. Каталонияликлар сафидаги узоқ йиллик фаолияти давомида Сесар Родригес жами 190 та гол киритган. Шулардан 14 таси принципиал рақиб билан ўйинда урилган.
4. Рауль («Реал» ) – 15 та гол
Афсонавий Рауль Мадрид клубининг энг яхши тўпурарлари рўйхатида иккинчи ўринда бормоқда. Испаниялик футболчининг ҳисобида 323 та гол мавжуд. Раул 16 йил давомида «Барселона» дарвозабонларини 15 марта ранжитган.
3. Криштиану Роналду («Реал») – 16 та гол
«Реал» тарихидаги энг яхши тўпурар «Қироллик клуби»да еттинчи мавсумини ўтказмоқда. Шу вақтгача у оқ либосда 400 та гол урган. «Барселона» дарвозасига эса португалиялик футболчи 16 марта йўл топган.
2. Альфредо Ди Стефано («Реал») – 18 та гол
Альфредо Ди Стефано 1953–1964 йилларда «Реал» шарафини ҳимоя қилди. Ушбу вақт мобайнида у 369 учрашув ўтказиб, 307 та гол муаллифига айланган. Ди Стефано каталонияликлар дарвозасига 18 та тўп киритишга эришган.
1. Лионель Месси («Барселона») – 21 та гол
«Барселона» етакчиси, «кўк-анор ранглилар» тарихидаги энг яхши футболчи Лионель Месси жамоа сафида 472 та гол урган. «Реал» дарвозасига 21 та гол киритган аргентиналик «Эль-Класико» тарихидаги энг яхши тўпурар бўлиб турибди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
