Дам олиш кунлари одатдагидек футбол бўйича Европа миллий чемпионатларида навбатдаги тур учрашувлари бўлиб ўтади.
Бугун — 10 декабрь куни футбол мухлислари бир қатор қизиқарли беллашувларга гувоҳ бўлишлари мумкин. Қуйида Англия, Испания, Германия ва Италия чемпионатларида шанба оқшомида бўлиб ўтадиган ўйинлар Тошкент вақти билан кўрсатиб ўтилган.
Англия
Бугунги ғалабаси билан Лондоннинг «Арсенал» клуби вақтинчалик бўлса-да пешқадамга айланиб олиши мумкин. Шу важдан олиб қараганда Венгер жамоаси «чилангарлар»га қарши жиддий тайёргарлик кўрди.
Мамлакатнинг амалдаги чемпиони ҳисобланган «Лестер» ўз майдонида «Манчестер Сити»га жиддий қаршилик кўрсатишини кутиш мумкин. Сўнгги вақтларда омади юришмаётган Хосеп Гвардиола Клаудио Раньери жамоасини таслим қилишнинг уддасидан чиқа оладими? Турнир жадвалида тўртинчи бўлиб турган «шаҳарликлар»га осон бўлмаслигини ҳозирданоқ тахмин қилса бўлади.
«Уотфорд» — «Эвертон» 17:30
«Арсенал» — «Сток Сити» 20:00
«Бёрнли» — «Борнмут» 20:00
«Суонси» — «Санлерленд» 20:00
«Халл Сити» — «Кристал Пэлас» 20:00
«Лестер» — «Манчестер Сити» 22:30
Испания
Криштиану Роналду, Карим Бензема ва Лука Модричсиз ҳаракат қилиши кутилаётган Мадриднинг «Реал» клуби қандай натижа қайд эта олади? Гарет Бэйл ҳам сафда эмаслиги инобатга олинса, қолган футболчилар зиммасида масъулиятли юк турганини тушуниш мумкин. Мағлубиятга учрамай келаётган Зидан ва унинг жамоаси етакчи футболчиларсиз «Депортиво»га қарши қандай ўйнайди? Бугун шу саволга жавоб топиш мумкин бўлади.
«Барселона» футболчилари бироз олдинроқ майдонга чиқиб, кейин бемалол «Реал» иштирокидаги ўйинни томоша қилиш имконига эгалар.
«Осасуна» — «Барселона» 17:00
«Реал Сосьедад» — «Валенсия» 20:15
«Лас-Пальмас» — «Леганес» 22:30
«Реал Мадрид» — «Депортиво» 00:45
Германия
Бундеслига пешқадами мағлубиятсиз сериясини давом эттирмоқда. Бугун «Лейпциг» лиганинг сўнгги жамоасига қарши саф тортади ва карвонбошиликни мустаҳкамлашга уриниб кўради.
Мағлуб бўлмаётган иккинчи жамоа «Хоффенхайм» кеча — 9 декабрь куни «Айнтрахт» меҳмони бўлиб, 0:0 ҳисобида дуранг ўйнаганди.
«Бавария» — «Вольфсбург» 19:30
«Гамбург» — «Аугсбург» 19:30
«Ингольштадт» — «Лейпциг» 19:30
«Кёльн» — «Боруссия Дортмунд» 19:30
«Фрайбург» — «Дармштадт» 19:30
«Герта» — «Вердер» 22:30
Италия
А сериянинг етакчи клублари 11—12 декабрь кунлари майдонга тушади.
«Кротоне» — «Пескара» 22:00
«Сампдория» — «Лацио» 00:45
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
