Бугун «Қўқон-1912» ва «Навбаҳор» ўртасида назорат ўйини ўтказилди.
Ўйин қўқонликларнинг ҳужуми билан бошланди. 4- дақиқада Ойбек Рустамов маҳорат кўрсатиб, уч ҳимоячини чалғитиб аниқ зарба йўллади. Наманганликлар посбони Акмал Турсунбоев қийинчилик билан тўпни майдон ташқарисига чиқариб юборди. Орадан уч дақиқа ўтиб, «Қўқон-1912» дарвозаси томон пенальти белгиланди. Рўзимбой Аҳмедовнинг ўн бир мертли нуқтадан берган зарбасини Азиз Ашуров қайтаришга эришди.
Орадан яна уч дақиқа ўтиб, учрашувда ҳисоб очилди. Бурчакдан Жамшид Ҳасанов тўпни жарима майдонига етказди. Узоқ бурчакда турган Суҳроб Бердиев қийин вазиятда, ўткир бурчак остида дарвозани аниқ нишонга олди – 1:0.
Яна уч дақиқадан кейин эса “Навбаҳор” футболчилари ҳисобни тенглаштиришди. Наманганликларни ўнг қанотдан уюштирган қарши ҳужуми гол билан якунланди. Гол муаллифи Равшан Хурсанов.
Биринчи бўлим якунланиши арафасида, қўқонликларда гол киритиш учун яхши имконият вужудга келганди. Жамшид Ҳасанов – Суҳроб Бердиев комбинацияси Бердиевнинг ажойиб зарбаси билан якунланди. Дарвозабондан қайтган тўпга эса ҳимоячилар биринчи бўлиб етиб келишди.
Биринчи бўлим 1:1 ҳисоби билан интиҳо топди.
Иккинчи таймни «Қўқон-1912» жамоаси бешта ўзгариш билан бошлади. Майдонга Жавоҳир Сидиқов, Баҳодир Акрамов, Муҳаммаданас Ҳасанов, Дарко Гожкович ҳамда Никола Валентич тушди.
Майдонни эса Ойбек Рустамов, Иброҳим Раҳимов, Собир Ҳамидов, Аваз Маматхўжаев ва Шохрух Холматов тарк этди.
“Навбаҳор” тайм бошида олдинга чиқиб олишга эришди. Алишер Маҳмудов наманганликларнинг иккинчи голига муаллифлик қилди.
Голдан кейин катта куч билан олдинга ташланган «Қўқон-1912» бир қатор вазиятларга эга бўлди. Шундай ҳужумларнинг бирида Суҳроб Бердиевнинг зарбасидан сўнг дарвоза устуни рақибларни голдан сақлаб қолди.
Яна бир қулай имкониятдан Андрей Сидоров фойдалана олмади. Иккинчи бўлим якунланиши арафасида қўқонликлар кетма-кет ҳужум уюштиришди. Аммо ўринишларнинг барчаси бесамар якун топди.
Шу тариқа «Қўқон-1912» жамоасининг учинчи назорат учрашуви мағлубият билан якун топди.
Ўртоқлик учрашуви
“Қўқон-1912” – “Навбаҳор” 1:2 (1:1)
Ҳакамлар З. Қодиров, О. Жумаев, А. Калинин.
Голлар: Суҳроб Бердиев. – Рашван Хурсанов, Алишер Маҳмудов.
“Қўқон-1912”: Азиз Ашуров (Ислом Абдуллаев), Жалил Кимсанов (Ориф Мамажонов), Иброҳим Раҳимов (Дарко Гожкович), Акмал Холмуродов (Иқбол Маликжонов), Шохрух Холматов (Никола Валентич), Аваз Маматхўжаев (Баҳодир Акрамов), Жамшид Ҳасанов (Ислом Каримов), Собир Ҳамидов (Муҳаммаданас Ҳасанов), Ойбек Рустамов (Жавоҳир Сидиқов), Суҳроб Бердиев, Носир Отақўзиев (Андрей Сидоров).
“Навбаҳор”: Акмал Турсунбоев, Аббос Отахонов, Жаҳонгир Меҳмонов, Ғиёс Комилов, Ҳасан Эргашев, Дилшод Жабборов, Аъзам Алиев, Мирзоҳид Ғофуров, Ислом Исоқжонов, Рўзимбой Аҳмедов, Равшан Хурсанов.
Захира: Акмал Ортиқов, Илҳом Бойдедаев, Алишер Саматов, Абдулазиз Султонов, Алишер Маҳмудов, Азиз Турғунбоев.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
