Bugun «Qo‘qon-1912» va «Navbahor» o‘rtasida nazorat o‘yini o‘tkazildi.
O‘yin qo‘qonliklarning hujumi bilan boshlandi. 4- daqiqada Oybek Rustamov mahorat ko‘rsatib, uch himoyachini chalg‘itib aniq zarba yo‘lladi. Namanganliklar posboni Akmal Tursunboyev qiyinchilik bilan to‘pni maydon tashqarisiga chiqarib yubordi. Oradan uch daqiqa o‘tib, «Qo‘qon-1912» darvozasi tomon penalti belgilandi. Ro‘zimboy Ahmedovning o‘n bir mertli nuqtadan bergan zarbasini Aziz Ashurov qaytarishga erishdi.
Oradan yana uch daqiqa o‘tib, uchrashuvda hisob ochildi. Burchakdan Jamshid Hasanov to‘pni jarima maydoniga yetkazdi. Uzoq burchakda turgan Suhrob Berdiyev qiyin vaziyatda, o‘tkir burchak ostida darvozani aniq nishonga oldi – 1:0.
Yana uch daqiqadan keyin esa “Navbahor” futbolchilari hisobni tenglashtirishdi. Namanganliklarni o‘ng qanotdan uyushtirgan qarshi hujumi gol bilan yakunlandi. Gol muallifi Ravshan Xursanov.
Birinchi bo‘lim yakunlanishi arafasida, qo‘qonliklarda gol kiritish uchun yaxshi imkoniyat vujudga kelgandi. Jamshid Hasanov – Suhrob Berdiyev kombinasiyasi Berdiyevning ajoyib zarbasi bilan yakunlandi. Darvozabondan qaytgan to‘pga esa himoyachilar birinchi bo‘lib yetib kelishdi.
Birinchi bo‘lim 1:1 hisobi bilan intiho topdi.
Ikkinchi taymni «Qo‘qon-1912» jamoasi beshta o‘zgarish bilan boshladi. Maydonga Javohir Sidiqov, Bahodir Akramov, Muhammadanas Hasanov, Darko Gojkovich hamda Nikola Valentich tushdi.
Maydonni esa Oybek Rustamov, Ibrohim Rahimov, Sobir Hamidov, Avaz Mamatxo‘jayev va Shoxrux Xolmatov tark etdi.
“Navbahor” taym boshida oldinga chiqib olishga erishdi. Alisher Mahmudov namanganliklarning ikkinchi goliga mualliflik qildi.
Goldan keyin katta kuch bilan oldinga tashlangan «Qo‘qon-1912» bir qator vaziyatlarga ega bo‘ldi. Shunday hujumlarning birida Suhrob Berdiyevning zarbasidan so‘ng darvoza ustuni raqiblarni goldan saqlab qoldi.
Yana bir qulay imkoniyatdan Andrey Sidorov foydalana olmadi. Ikkinchi bo‘lim yakunlanishi arafasida qo‘qonliklar ketma-ket hujum uyushtirishdi. Ammo o‘rinishlarning barchasi besamar yakun topdi.
Shu tariqa «Qo‘qon-1912» jamoasining uchinchi nazorat uchrashuvi mag‘lubiyat bilan yakun topdi.
O‘rtoqlik uchrashuvi
“Qo‘qon-1912” – “Navbahor” 1:2 (1:1)
Hakamlar Z. Qodirov, O. Jumayev, A. Kalinin.
Gollar: Suhrob Berdiyev. – Rashvan Xursanov, Alisher Mahmudov.
“Qo‘qon-1912”: Aziz Ashurov (Islom Abdullayev), Jalil Kimsanov (Orif Mamajonov), Ibrohim Rahimov (Darko Gojkovich), Akmal Xolmurodov (Iqbol Malikjonov), Shoxrux Xolmatov (Nikola Valentich), Avaz Mamatxo‘jayev (Bahodir Akramov), Jamshid Hasanov (Islom Karimov), Sobir Hamidov (Muhammadanas Hasanov), Oybek Rustamov (Javohir Sidiqov), Suhrob Berdiyev, Nosir Otaqo‘ziyev (Andrey Sidorov).
“Navbahor”: Akmal Tursunboyev, Abbos Otaxonov, Jahongir Mehmonov, G‘iyos Komilov, Hasan Ergashev, Dilshod Jabborov, A’zam Aliyev, Mirzohid G‘ofurov, Islom Isoqjonov, Ro‘zimboy Ahmedov, Ravshan Xursanov.
Zaxira: Akmal Ortiqov, Ilhom Boydedayev, Alisher Samatov, Abdulaziz Sultonov, Alisher Mahmudov, Aziz Turg‘unboyev.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
