Кўҳна қитъада қишки трансфер бозори якунига етди.
Goal.com нашри қишки трансфер бозорида ҳозиргача энг кўп маблағ сарфлаган жамоалар ўнлигини тақдим этади.
10-ўрин – “Ювентус”
Туриннинг “Ювентус” жамоаси қишки трансфер бозорида анча фаол иштирок этди. Жамоага Маттиа Калдара, Томас Ринкон, Риккардо Орсолини каби ёш ва иқтидорли футболчилар келиб қўшилди. Бунинг учун эса туринликлар 29 миллион евронинг баҳридан ўтишди.
9-ўрин – “Манчестер Сити”
Кейинги ўринда “Манчестер Сити” 32 миллион евро сарфлаган ҳолда бормоқда. Клуб ўтган ёзги мавсумда бразилиялик ёш юлдуз Габриэл Жезус билан трансфер борасида келишиб олганди. Январда эса бу трансферни расмийлаштириш ишларини бажарди, холос. Кўрамиз янги юлдуз Хосеп Гвардиола тактик схемасига қанчалик мослашиб кетади.
8-ўрин – “Вольфсбург”
“Бўрилар” ҳам ушбу қишки трансфер бозорида анча фаол ҳаракат қилишди. Зеро, клубнинг Бундеслигадаги ишлари кўнгилдагидек эмас. Жамоа ҳозирда турнирнинг 14-поғонасида бормоқда. Юқори натижалар учун эса жамоа таркибини сезиларли даражада кучайтиришни истади ва бунинг учун 33 миллион евро сарфлади. Бу пулларга жамоага Ришедли Базур, Юнус Малли, Пол-Жорж Нтеп, Ашкан Дежага келиб қўшилди.
7-ўрин – “Шанхай Шенхуа”
Сўнгги пайтларда Хитой чемпионати жамоалари кўплаб жаҳон даражасидаги юлдузларни ўзига жалб қилмоқда. Қишки трансфер бозори ҳам бундан мустасно бўлмади. “Шанхай Шенхуа” жамоаси ўз сафига Карлос Тевес, Оскар Ромеро, Шили Сан, Сзянсин Маони қўшиб олди. Бу футболчилар учун жамоа 36 миллион евро сарфлади.
6-ўрин – “Эвертон”
Англия Премьер Лигасида 7-ўринда бораётган “Эвертон” қишки трансфер мавсумида ўз таркибини сезиларли кучайтириб олди. Клубга Морган Шнайдерлин, Адемола Лукман, Антон Донкер келиб қўшилди. Жамоа ушбу харидлар учун 37 миллион евро сарфлади.
5-ўрин – “Кристал Пэлас”
Премер Лигада жон сақлаб қолиш учун ҳаракат қилаётган “Кристал Пэлас” мавсум ўртасида анча дадил трансфер сиёсатини олиб борди. Жамоага бир қатор номдор футболчилар олиб келинди. Жеффри Шлупп, Патрик ван Анхолт, Лука Миливоевич ва “Ливерпул”да омади юришмай қолган Мамаду Сако келиб қўшилди. Янги футболчилар жамоани Премер Лигада сақлаб қолиш учун бор кучларини сарфлашлари керак. Зеро, клуб улар учун нақ 41 миллионнинг баҳридан ўтишди.
4-ўрин – “Марсель”
“Марсель” клуби трансфер бозорида ақлли сиёсат олиб борди. Димитри Пае, Патрис Эвра, Грегори Сертич ва Морган Сансоннинг Руди Гарсия қўл остидаги жамоани сезиларли кучайтириши кутилмоқда ва бош мураббийнинг муаммолари ечими сифатида қаралмоқда. Жамоа ҳам сон, ҳам сифат томонидан анча кучайганини эътироф этиш керак. Жамоа футболчилар учун 42 миллион евро ҳаражат қилди.
3-ўрин – “Тянцзин Сунцзян»
Кучли учликни Хитой чемпионати вакили – “Тянцзин Сунцзян” очиб беради. Клуб Алешандре Пато, Аксел Витсел, Кюнг-Вон Квон учун 48,5 миллион евро сарфлади.
2-ўрин – “ПСЖ”
Парижликлар қишки трансфер бозорида ёш иқтидорли футболчиларни ҳарид қилишга эътиборини қаратди. Амалдаги Франция чемпиони сафини дастлаб Юлиан Дракслер тўлдирди. Германиялик футболчи жамоага келиши билан ўзининг нималарга қодир эканлигини исботлашга киришиб кетди. Эдинсон Каванига ўринбосар сифатида эса 30 миллион еврога Гонсало Гуэдес олиб келинди. Бундан ташқари, жамоага аргентиналик умидли футболчи Жованни Ло Селсо олиб келинди. “ПСЖ” хўжайинлари ушбу футболчилар учун 65 миллион еврони аяб ўтирмади.
1-ўрин – “Шанхай СИПГ”
Етакчиликни Хитой чемпионатининг яна бир вакили “Шанхай СИПГ” жамоаси якунлаб беради. Клуб “Челси”дан Оскарни, “Краснодар”дан эса ҳамюртимиз Одил Ахмедовни ўз сафига қўшиб олди. 67 миллион евро! Бу футболчилар учун шунча маблағни клуб аяб ўтирмади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
