Ko‘hna qit’ada qishki transfer bozori yakuniga yetdi.
Goal.com nashri qishki transfer bozorida hozirgacha eng ko‘p mablag‘ sarflagan jamoalar o‘nligini taqdim etadi.
10-o‘rin – “Yuventus”
Turinning “Yuventus” jamoasi qishki transfer bozorida ancha faol ishtirok etdi. Jamoaga Mattia Kaldara, Tomas Rinkon, Rikkardo Orsolini kabi yosh va iqtidorli futbolchilar kelib qo‘shildi. Buning uchun esa turinliklar 29 million yevroning bahridan o‘tishdi.
9-o‘rin – “Manchester Siti”
Keyingi o‘rinda “Manchester Siti” 32 million yevro sarflagan holda bormoqda. Klub o‘tgan yozgi mavsumda braziliyalik yosh yulduz Gabriel Jezus bilan transfer borasida kelishib olgandi. Yanvarda esa bu transferni rasmiylashtirish ishlarini bajardi, xolos. Ko‘ramiz yangi yulduz Xosep Gvardiola taktik sxemasiga qanchalik moslashib ketadi.
8-o‘rin – “Volfsburg”
“Bo‘rilar” ham ushbu qishki transfer bozorida ancha faol harakat qilishdi. Zero, klubning Bundesligadagi ishlari ko‘ngildagidek emas. Jamoa hozirda turnirning 14-pog‘onasida bormoqda. Yuqori natijalar uchun esa jamoa tarkibini sezilarli darajada kuchaytirishni istadi va buning uchun 33 million yevro sarfladi. Bu pullarga jamoaga Rishedli Bazur, Yunus Malli, Pol-Jorj Ntep, Ashkan Dejaga kelib qo‘shildi.
7-o‘rin – “Shanxay Shenxua”
So‘nggi paytlarda Xitoy chempionati jamoalari ko‘plab jahon darajasidagi yulduzlarni o‘ziga jalb qilmoqda. Qishki transfer bozori ham bundan mustasno bo‘lmadi. “Shanxay Shenxua” jamoasi o‘z safiga Karlos Teves, Oskar Romero, Shili San, Szyansin Maoni qo‘shib oldi. Bu futbolchilar uchun jamoa 36 million yevro sarfladi.
6-o‘rin – “Everton”
Angliya Premyer Ligasida 7-o‘rinda borayotgan “Everton” qishki transfer mavsumida o‘z tarkibini sezilarli kuchaytirib oldi. Klubga Morgan Shnayderlin, Ademola Lukman, Anton Donker kelib qo‘shildi. Jamoa ushbu xaridlar uchun 37 million yevro sarfladi.
5-o‘rin – “Kristal Pelas”
Premer Ligada jon saqlab qolish uchun harakat qilayotgan “Kristal Pelas” mavsum o‘rtasida ancha dadil transfer siyosatini olib bordi. Jamoaga bir qator nomdor futbolchilar olib kelindi. Jeffri Shlupp, Patrik van Anxolt, Luka Milivoyevich va “Liverpul”da omadi yurishmay qolgan Mamadu Sako kelib qo‘shildi. Yangi futbolchilar jamoani Premer Ligada saqlab qolish uchun bor kuchlarini sarflashlari kerak. Zero, klub ular uchun naq 41 millionning bahridan o‘tishdi.
4-o‘rin – “Marsel”
“Marsel” klubi transfer bozorida aqlli siyosat olib bordi. Dimitri PaYE, Patris Evra, Gregori Sertich va Morgan Sansonning Rudi Garsiya qo‘l ostidagi jamoani sezilarli kuchaytirishi kutilmoqda va bosh murabbiyning muammolari yechimi sifatida qaralmoqda. Jamoa ham son, ham sifat tomonidan ancha kuchayganini e’tirof etish kerak. Jamoa futbolchilar uchun 42 million yevro harajat qildi.
3-o‘rin – “Tyanszin Sunszyan»
Kuchli uchlikni Xitoy chempionati vakili – “Tyanszin Sunszyan” ochib beradi. Klub Aleshandre Pato, Aksel Vitsel, Kyung-Von Kvon uchun 48,5 million yevro sarfladi.
2-o‘rin – “PSJ”
Parijliklar qishki transfer bozorida yosh iqtidorli futbolchilarni harid qilishga e’tiborini qaratdi. Amaldagi Fransiya chempioni safini dastlab Yulian Draksler to‘ldirdi. Germaniyalik futbolchi jamoaga kelishi bilan o‘zining nimalarga qodir ekanligini isbotlashga kirishib ketdi. Edinson Kavaniga o‘rinbosar sifatida esa 30 million yevroga Gonsalo Guedes olib kelindi. Bundan tashqari, jamoaga argentinalik umidli futbolchi Jovanni Lo Selso olib kelindi. “PSJ” xo‘jayinlari ushbu futbolchilar uchun 65 million yevroni ayab o‘tirmadi.
1-o‘rin – “Shanxay SIPG”
Yetakchilikni Xitoy chempionatining yana bir vakili “Shanxay SIPG” jamoasi yakunlab beradi. Klub “Chelsi”dan Oskarni, “Krasnodar”dan esa hamyurtimiz Odil Axmedovni o‘z safiga qo‘shib oldi. 67 million yevro! Bu futbolchilar uchun shuncha mablag‘ni klub ayab o‘tirmadi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
