ОЧЛнинг навбатдаги мавсуми анча шиддатли ўйинлар билан бошланди. Ҳа, клубларимизнинг Саудия сафаридан мағлуб ҳолда қайтишгани кайфиятни бироз бузди. Шунга қарамай, 1-турнинг алоҳида фактлари ва статистик кўрсаткичлари кўпчиликни қизиқтирса керак.
22 февраль
«G» гуруҳи
«Кавасаки Фронтале» (Япония) - «Сувон Самсунг» (Ж.Корея) - 1:1 (1:1)
Кавасаки. Kawasaki Todoroki Stadium. 11151 томошабин.
Ҳакам: Али Ҳасан Иброҳим Абдулнабий (Баҳрайн).
Голлар: Кобаяши (10) - Шого Танигучи (23-авт.).
Энг яхши футболчи: Кобаяши («Кавасаки Ф.»).
«Гуанжоу Эвергранд» (Хитой) - «Истерн» (Гонконг) - 7:0 (3:0)
Гуанжоу. Tianhe Stadium. 38631 томошабин.
Ҳакам: Кристофер Бич (Австралия).
Голлар: Рикардо Гоуларт (5), Ванг Шан Юан (22, 84), Лиао Ли Шенг (33, 47), Алан де Карвальо (65), Паулиньо (82).
Энг яхши футболчи: Лиао Ли Шенг («Гуанжоу Э.»).
-----------------------------------------------
«H» гуруҳи
«Аделаида Юнайтед» (Австралия) - «Гамба Осака» (Япония) - 0:3 (0:2)
Аделаида. Hindmarsh Stadium. 5071 томошабин.
Ҳакам: Фаҳад ал Мирдасий (С.Арабистони).
Голлар: Нагасави (21), Конно (45Қ1), МсГован (81-авт).
Энг яхши футболчи: Курата («Гамба О.»).
«Жежу Юнайтед» (Ж.Корея) - «Жиангсу Сунин» (Хитой) - 0:1 (0:0)
Жежу. Jeju World Cup Stadium. 3688 томошабин.
Ҳакам: Алиризо Фағони (Эрон).
Гол: Рамирес (90).
Энг яхши футболчи: Рамирес («Жиангсу С.»).
---------------------------------------------
«A» гуруҳи
*** «Ат-Таавун»нинг ОЧЛдаги тарихий илк голига 24 ёшли ҳимоячи Талал ал Абси муаллифлик қилди. У 2014 йили «Ал-Иттиҳод» сафида ҳам мазкур турнирда иштирок этган ва 1та сариқ карточка олганди. Ал Абси «Локомотив»га қарши баҳсда ҳам майдонни «сариқ»сиз тарк этмади.
*** «Локомотив» сардори Темур Кападзе ОЧЛда 6-мавсумини бошлади. Эътиборлиси, у клублар ўртасидаги халқаро турнир доирасидаги ўйинларда бирор марта огоҳлантирилмаган. Умуман, Кападзе ОЧЛнинг 29та ўйинида қатнашиб, 4та гол урган.
*** «Ал-Аҳлий» (Дубай) ОЧЛ доирасидаги 39-ўйинида 10-ғалабасини қайд этишдан ташқари, голлари сонини 49тага етказди.
*** «Истиқлол» (Теҳрон) ОЧЛда 16-марта мағлубиятга учради. Форслар жами 73та ўйинда иштирок этишган.
«B» гуруҳи
*** ОЧЛ-2017нинг 3та дебютантидан 2таси «Истиқлол» Ҳ. ва «Ат-Таавун» илк ўйиндаёқ ғалаба қайд этди. Ўтган йили дебют қилган «Шанхай СИПГ» эса турнирни мағлубият билан бошлаганди.
*** «Лаҳвия»нинг марокашлик ҳужумчиси Юсуф ал Араби ОЧЛда 2-марта «дубл»га эришди. Биринчисини 2012 йили «Ал-Ҳилол» сафида «Ал-Шабаб»га қарши баҳсда нишонлаганди.
*** «Лаҳвия» 41-ўйинда 17-ғалабасини тантана қилди. Тўплар нисбати - 54-56. ОЧЛда иштирок этган жамоаларнинг умумий рейтинг жадвалига назар солсак, Қатар клубидан кўпроқ ўйин ўтказган жамоалардан фақат «Бунёдкор»да тўплар нисбати ёмонроқ (-12).
«C» гуруҳи
*** «Ал-Аҳли» (Жидда) ҳужумчиси Омар ал Соманинг ОЧЛдаги голлари сони 9тага етди. У ОФК кубогида 13та гол урган.
*** ОЧЛда 73-марта майдонга тушган «Бунёдкор»нинг умумий статистикаси қуйидагича: 24та ғалаба, 21та дуранг, 28та мағлубият, тўплар нисбати - 81-93. У турнирда энг кўп гол қўйиб юборган 5та жамоадан биридир. «Қалдирғочлар»дан фақат «Чонбук Моторс», «Ал-Айн», «Пахтакор» ва «Ал-Ҳилол» клубларида минус белгили голлар кўпроқ. «Бунёдкор» 2014 йилнинг 23 апрель куни сафарда Қатарнинг «Ал-Жаиш» жамоасини 2:1 ҳисобида енггани бўйича ОЧЛ гуруҳ босқичида ғалаба қозонолмаяпти. Хуллас, унинг асосий раунддаги ғалабасиз серияси 13та ўйинга етди.
*** 22 ёшли Дилшодбек Аҳмадалиев ўтган мавсум ОЧЛда атиги 97 дақиқа ўйнаганди. «Бунёдкор» вакили жорий йил 2та ўйинда тўлиқ вақт ҳаракатланди - 210 дақиқа. Наманганда туғилган бу футболчи олий лига-2017 давомида кашфиёт ҳимоячига айланса, ажабмас.
*** «Зоб-Оҳан»нинг ўйин давомида унча кўринмай, кейин ҳисобни очган гондураслик вакили - Жерри Рикардо Бенгтсон Эрон клуби сафига MLSдан қўшилган. Яъни у Европада ўйнаган эмас. Ваҳоланки, ёши 27да.
«D» гуруҳи
*** ОЧЛда 2009 йилдан эътиборан иш бошлаган ҳакамимиз Валентин Коваленко мавсум-2016 да бирор ўйинга тайинланмаганди. Умуман, у халқаро аренага ўтган йилнинг 19 ноябрида қайтди. Коваленко охирги марта ОЧЛ-2015 ярим финали доирасидаги «Ал-Ҳилол» - «Ал-Аҳли» (БАА) баҳсида ҳакамлик қилганди.
*** «Ал-Райан»нинг парагвайлик ярим ҳимоячиси Виктор Касерес ОЧЛдаги дебютидаёқ гол урди. Ваҳоланки, у жорий мавсум Қатар чемпионатида ҳали ўз номига гол ёзиб қўйганича йўқ.
*** 3 мавсумдан буён «Ал-Ҳилол»да тўп сураётган Карлос Эдуардо ОЧЛда 5-голини урди. У шундан 4тасини мавсум-2015да нишонлаганди.
*** «Ал-Ваҳда» сардори Исмоил Матар 1-турда гол ҳаммуаллифи бўлди. Бутун фаолияти давомида фақат шу клуб шарафини ҳимоя қилган футболчи ОЧЛда 3тагина гол урган.
«E» гуруҳи
*** «Кашима Антлерс» ОЧЛдаги 39-ўйинида 21-ғалабага эришди. Япония клублари орасида ғалабалар сони бўйича биргина «Гамба Осака»нинг натижаси (31та) «Кашима»никидан яхшироқ.
*** «Брисбен Роар» негадир Таиланд клубларини енголмаяпти - 2та ўйин ва 2та дуранг. «Мельбурн Сити» эса тай жамоаларини 2 марта мағлуб этган.
«F» гуруҳи
*** «Шанхай СИПГ» ОЧЛдаги дебют мавсумидаёқ чорак финалга чиққанди. Мана, жамоа бу сафар Ж.Кореядан ғалаба билан қайтди. ОЧЛда Хитойнинг 14та клуби қатнашган ва Одил Аҳмедовнинг янги жамоаси ўйинлар сони бўйича 14-ўринда.
*** «Урава Редс»нинг жорий мавсумдаги илк голи муаллифи - Шинзо Короки бунгача турнир ўйинларида рақиблар дарвозасини жами 10 марта («Кашима Антлерс» ва ҳозирги клубида 5 мартадан) нишонга олганди.
«G» гуруҳи
*** «Гуанжоу Эвергранд» - «Истерн» ўйинида қайд этилган 7:0 ҳисоби Хитой клублари учун энг йирик ғалаба эмас. Зеро, «Чанчун Ятай» ОЧЛ-2009да Индонезиянинг «Персипура Жаяпура»сини 9:0 кўринишида енгганди.
*** «Гуанжоу Эвергранд» - «Истерн» ўйинида тарихий воқеа юз берди. 2015 йилнинг декабридан буён Гонконг клубини бошқараётган Чан Юэн Тинг Осиёда эркаклар ўртасидаги халқаро мусобақа ўйинида иштирок этган илк аёл мураббий бўлди.
*** Рикардо Гоуларт («Гуанжоу Эвергранд») ОЧЛда 12-голини нишонлади. У шу билан Хитой клублари сафида ўйнаган турнир тўпурарлари рўйхатида 5-ўринга чиқиб олди.
«H» гуруҳи
*** «Жежу Юнайтед» ОЧЛда 2-мавсумини бошлади. Бу клуб 2011 йилги старт ўйинида ҳам ўз майдонида айнан Хитой вакили («Тьянжин Теда»)га ютқазганди - 0:1.
*** «Челси»дан 26 млн. евро эвазига сотиб олинган «Жиангсу Сунин» легионери Рамирес ОЧЛда ўз голлари ҳисобини очди.
Ҳафта қаҳрамони. «Истерн» бош мураббийи Чан Юэн Тинг 1988 йил 7 октябрда Гонконгда туғилган. Футболчилик фаолиятида ҳимоячи ва ҳужумчи позицияларида ўйнаган. 2015 йилнинг декабрида «Истерн» бошқарувини қўлга олди. Клуб унинг раҳбарлигида мавсум-2015|2016 якунида миллий чемпионат ғолиби бўлди. 2016 йили Bi-Bi-Si уни жаҳоннинг энг таниқли 100 нафар аёли рўйхатига киритди. Юэн Тинг шогирдлари айни пайт ҳам Гонконг премьер-лигасида пешқадамлик қилишяпти. ОЧЛ стартидаги ўта йирик ҳисобли мағлубиятда аёл мураббийнинг айби кам. Зеро, «Истерн» ОЧЛга кутилмаганда йўл олди.
2-ТУР
«A» гуруҳи
27 февраль (душанба)
ЛОКОМОТИВ - АЛ-АҲЛИ (БАА)
ИСТИҚЛОЛ Т. - АТ-ТААВУН
«B» ГУРУҲИ
27 февраль (душанба)
АЛ-ФОТИҲ - ЛАҲВИЯ
АЛ-ЖАЗИРА - ИСТИҚЛОЛ Ҳ.
«C» гуруҳи
28 февраль (сешанба)
БУНЁДКОР - АЛ-АЙН
ЗОБ-ОҲАН - АЛ-АҲЛИ (С.Арабистони)
«D» ГУРУҲИ
28 февраль (сешанба)
АЛ-ВАҲДА - Пирузи
АЛ-ҲИЛОЛ - АЛ-РАЙЯН
«E» ГУРУҲИ
28 февраль (сешанба)
УЛЬСАН ХЮНДАЙ - БРИСБЕН Р.
МУАНГТОНГ Ю. - КАШИМА А.
«F» ГУРУҲИ
28 февраль (сешанба)
УРАВА РЕДС - СЕУЛ
ШАНХАЙ СИПГ - ВЕСТЕРН СИДНЕЙ
«G» ГУРУҲИ
1 март (чоршанба)
СУВОН С. - ГУАНЖОУ Э.
ИСТЕРН - КАВАСАКИ Ф.
«H» ГУРУҲИ
1 март (чоршанба)
ГАМБА О. - ЧЕЖУ ЮНАЙТЕД
ЖИАНГСУ С. - АДЕЛАИДА Ю.
Минтақа ва миллий чемпионатлар бўйича таҳлил
Қатар ва Хитой клублари 1-турни кўтаринки руҳда ўтказишди. Жанубий Корея вакиллари эса аксинча, барчани ажаблантиришди. Ваҳоланки, улар аввалги мавсумнинг 1-турида 2та ғалаба ва 2та дуранг қайд этишганди. Австралиянинг 3та жамоасидан биргина «Брисбен Роар» енгилмади. «Ғарб» минтақасида кутилмаганда, Қатар клублари етакчиликни қўлга олишди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
