OCHLning navbatdagi mavsumi ancha shiddatli o‘yinlar bilan boshlandi. Ha, klublarimizning Saudiya safaridan mag‘lub holda qaytishgani kayfiyatni biroz buzdi. Shunga qaramay, 1-turning alohida faktlari va statistik ko‘rsatkichlari ko‘pchilikni qiziqtirsa kerak.
22 fevral
«G» guruhi
«Kavasaki Frontale» (YAponiya) - «Suvon Samsung» (J.Koreya) - 1:1 (1:1)
Kavasaki. Kawasaki Todoroki Stadium. 11151 tomoshabin.
Hakam: Ali Hasan Ibrohim Abdulnabiy (Bahrayn).
Gollar: Kobayashi (10) - Shogo Taniguchi (23-avt.).
Eng yaxshi futbolchi: Kobayashi («Kavasaki F.»).
«Guanjou Evergrand» (Xitoy) - «Istern» (Gonkong) - 7:0 (3:0)
Guanjou. Tianhe Stadium. 38631 tomoshabin.
Hakam: Kristofer Bich (Avstraliya).
Gollar: Rikardo Goulart (5), Vang Shan Yuan (22, 84), Liao Li Sheng (33, 47), Alan de Karvalyo (65), Paulinyo (82).
Eng yaxshi futbolchi: Liao Li Sheng («Guanjou E.»).
-----------------------------------------------
«H» guruhi
«Adelaida Yunayted» (Avstraliya) - «Gamba Osaka» (YAponiya) - 0:3 (0:2)
Adelaida. Hindmarsh Stadium. 5071 tomoshabin.
Hakam: Fahad al Mirdasiy (S.Arabistoni).
Gollar: Nagasavi (21), Konno (45Q1), MsGovan (81-avt).
Eng yaxshi futbolchi: Kurata («Gamba O.»).
«Jeju Yunayted» (J.Koreya) - «Jiangsu Sunin» (Xitoy) - 0:1 (0:0)
Jeju. Jeju World Cup Stadium. 3688 tomoshabin.
Hakam: Alirizo Fag‘oni (Eron).
Gol: Ramires (90).
Eng yaxshi futbolchi: Ramires («Jiangsu S.»).
---------------------------------------------
«A» guruhi
*** «At-Taavun»ning OCHLdagi tarixiy ilk goliga 24 yoshli himoyachi Talal al Absi mualliflik qildi. U 2014 yili «Al-Ittihod» safida ham mazkur turnirda ishtirok etgan va 1ta sariq kartochka olgandi. Al Absi «Lokomotiv»ga qarshi bahsda ham maydonni «sariq»siz tark etmadi.
*** «Lokomotiv» sardori Temur Kapadze OCHLda 6-mavsumini boshladi. E’tiborlisi, u klublar o‘rtasidagi xalqaro turnir doirasidagi o‘yinlarda biror marta ogohlantirilmagan. Umuman, Kapadze OCHLning 29ta o‘yinida qatnashib, 4ta gol urgan.
*** «Al-Ahliy» (Dubay) OCHL doirasidagi 39-o‘yinida 10-g‘alabasini qayd etishdan tashqari, gollari sonini 49taga yetkazdi.
*** «Istiqlol» (Tehron) OCHLda 16-marta mag‘lubiyatga uchradi. Forslar jami 73ta o‘yinda ishtirok etishgan.
«B» guruhi
*** OCHL-2017ning 3ta debyutantidan 2tasi «Istiqlol» H. va «At-Taavun» ilk o‘yindayoq g‘alaba qayd etdi. O‘tgan yili debyut qilgan «Shanxay SIPG» esa turnirni mag‘lubiyat bilan boshlagandi.
*** «Lahviya»ning marokashlik hujumchisi Yusuf al Arabi OCHLda 2-marta «dubl»ga erishdi. Birinchisini 2012 yili «Al-Hilol» safida «Al-SHabab»ga qarshi bahsda nishonlagandi.
*** «Lahviya» 41-o‘yinda 17-g‘alabasini tantana qildi. To‘plar nisbati - 54-56. OCHLda ishtirok etgan jamoalarning umumiy reyting jadvaliga nazar solsak, Qatar klubidan ko‘proq o‘yin o‘tkazgan jamoalardan faqat «Bunyodkor»da to‘plar nisbati yomonroq (-12).
«C» guruhi
*** «Al-Ahli» (Jidda) hujumchisi Omar al Somaning OCHLdagi gollari soni 9taga yetdi. U OFK kubogida 13ta gol urgan.
*** OCHLda 73-marta maydonga tushgan «Bunyodkor»ning umumiy statistikasi quyidagicha: 24ta g‘alaba, 21ta durang, 28ta mag‘lubiyat, to‘plar nisbati - 81-93. U turnirda eng ko‘p gol qo‘yib yuborgan 5ta jamoadan biridir. «Qaldirg‘ochlar»dan faqat «Chonbuk Motors», «Al-Ayn», «Paxtakor» va «Al-Hilol» klublarida minus belgili gollar ko‘proq. «Bunyodkor» 2014 yilning 23 aprel kuni safarda Qatarning «Al-Jaish» jamoasini 2:1 hisobida yenggani bo‘yicha OCHL guruh bosqichida g‘alaba qozonolmayapti. Xullas, uning asosiy raunddagi g‘alabasiz seriyasi 13ta o‘yinga yetdi.
*** 22 yoshli Dilshodbek Ahmadaliyev o‘tgan mavsum OCHLda atigi 97 daqiqa o‘ynagandi. «Bunyodkor» vakili joriy yil 2ta o‘yinda to‘liq vaqt harakatlandi - 210 daqiqa. Namanganda tug‘ilgan bu futbolchi oliy liga-2017 davomida kashfiyot himoyachiga aylansa, ajabmas.
*** «Zob-Ohan»ning o‘yin davomida uncha ko‘rinmay, keyin hisobni ochgan gonduraslik vakili - Jerri Rikardo Bengtson Eron klubi safiga MLSdan qo‘shilgan. Ya’ni u Yevropada o‘ynagan emas. Vaholanki, yoshi 27da.
«D» guruhi
*** OCHLda 2009 yildan e’tiboran ish boshlagan hakamimiz Valentin Kovalenko mavsum-2016 da biror o‘yinga tayinlanmagandi. Umuman, u xalqaro arenaga o‘tgan yilning 19 noyabrida qaytdi. Kovalenko oxirgi marta OCHL-2015 yarim finali doirasidagi «Al-Hilol» - «Al-Ahli» (BAA) bahsida hakamlik qilgandi.
*** «Al-Rayan»ning paragvaylik yarim himoyachisi Viktor Kaseres OCHLdagi debyutidayoq gol urdi. Vaholanki, u joriy mavsum Qatar chempionatida hali o‘z nomiga gol yozib qo‘yganicha yo‘q.
*** 3 mavsumdan buyon «Al-Hilol»da to‘p surayotgan Karlos Eduardo OCHLda 5-golini urdi. U shundan 4tasini mavsum-2015da nishonlagandi.
*** «Al-Vahda» sardori Ismoil Matar 1-turda gol hammuallifi bo‘ldi. Butun faoliyati davomida faqat shu klub sharafini himoya qilgan futbolchi OCHLda 3tagina gol urgan.
«E» guruhi
*** «Kashima Antlers» OCHLdagi 39-o‘yinida 21-g‘alabaga erishdi. Yaponiya klublari orasida g‘alabalar soni bo‘yicha birgina «Gamba Osaka»ning natijasi (31ta) «Kashima»nikidan yaxshiroq.
*** «Brisben Roar» negadir Tailand klublarini yengolmayapti - 2ta o‘yin va 2ta durang. «Melburn Siti» esa tay jamoalarini 2 marta mag‘lub etgan.
«F» guruhi
*** «Shanxay SIPG» OCHLdagi debyut mavsumidayoq chorak finalga chiqqandi. Mana, jamoa bu safar J.Koreyadan g‘alaba bilan qaytdi. OCHLda Xitoyning 14ta klubi qatnashgan va Odil Ahmedovning yangi jamoasi o‘yinlar soni bo‘yicha 14-o‘rinda.
*** «Urava Reds»ning joriy mavsumdagi ilk goli muallifi - Shinzo Koroki bungacha turnir o‘yinlarida raqiblar darvozasini jami 10 marta («Kashima Antlers» va hozirgi klubida 5 martadan) nishonga olgandi.
«G» guruhi
*** «Guanjou Evergrand» - «Istern» o‘yinida qayd etilgan 7:0 hisobi Xitoy klublari uchun eng yirik g‘alaba emas. Zero, «Chanchun Yatay» OCHL-2009da Indoneziyaning «Persipura Jayapura»sini 9:0 ko‘rinishida yenggandi.
*** «Guanjou Evergrand» - «Istern» o‘yinida tarixiy voqea yuz berdi. 2015 yilning dekabridan buyon Gonkong klubini boshqarayotgan Chan Yuen Ting Osiyoda erkaklar o‘rtasidagi xalqaro musobaqa o‘yinida ishtirok etgan ilk ayol murabbiy bo‘ldi.
*** Rikardo Goulart («Guanjou Evergrand») OCHLda 12-golini nishonladi. U shu bilan Xitoy klublari safida o‘ynagan turnir to‘purarlari ro‘yxatida 5-o‘ringa chiqib oldi.
«H» guruhi
*** «Jeju Yunayted» OCHLda 2-mavsumini boshladi. Bu klub 2011 yilgi start o‘yinida ham o‘z maydonida aynan Xitoy vakili («Tyanjin Teda»)ga yutqazgandi - 0:1.
*** «Chelsi»dan 26 mln. yevro evaziga sotib olingan «Jiangsu Sunin» legioneri Ramires OCHLda o‘z gollari hisobini ochdi.
Hafta qahramoni. «Istern» bosh murabbiyi Chan Yuen Ting 1988 yil 7 oktyabrda Gonkongda tug‘ilgan. Futbolchilik faoliyatida himoyachi va hujumchi pozisiyalarida o‘ynagan. 2015 yilning dekabrida «Istern» boshqaruvini qo‘lga oldi. Klub uning rahbarligida mavsum-2015|2016 yakunida milliy chempionat g‘olibi bo‘ldi. 2016 yili Bi-Bi-Si uni jahonning eng taniqli 100 nafar ayoli ro‘yxatiga kiritdi. Yuen Ting shogirdlari ayni payt ham Gonkong premyer-ligasida peshqadamlik qilishyapti. OCHL startidagi o‘ta yirik hisobli mag‘lubiyatda ayol murabbiyning aybi kam. Zero, «Istern» OCHLga kutilmaganda yo‘l oldi.
2-TUR
«A» guruhi
27 fevral (dushanba)
LOKOMOTIV - AL-AHLI (BAA)
ISTIQLOL T. - AT-TAAVUN
«B» GURUHI
27 fevral (dushanba)
AL-FOTIH - LAHVIYA
AL-JAZIRA - ISTIQLOL H.
«C» guruhi
28 fevral (seshanba)
BUNYODKOR - AL-AYN
ZOB-OHAN - AL-AHLI (S.Arabistoni)
«D» GURUHI
28 fevral (seshanba)
AL-VAHDA - Piruzi
AL-HILOL - AL-RAYYAN
«E» GURUHI
28 fevral (seshanba)
ULSAN XYUNDAY - BRISBEN R.
MUANGTONG YU. - KASHIMA A.
«F» GURUHI
28 fevral (seshanba)
URAVA REDS - SEUL
SHANXAY SIPG - VESTERN SIDNEY
«G» GURUHI
1 mart (chorshanba)
SUVON S. - GUANJOU E.
ISTERN - KAVASAKI F.
«H» GURUHI
1 mart (chorshanba)
GAMBA O. - CHEJU YUNAYTED
JIANGSU S. - ADELAIDA YU.
Mintaqa va milliy chempionatlar bo‘yicha tahlil
Qatar va Xitoy klublari 1-turni ko‘tarinki ruhda o‘tkazishdi. Janubiy Koreya vakillari esa aksincha, barchani ajablantirishdi. Vaholanki, ular avvalgi mavsumning 1-turida 2ta g‘alaba va 2ta durang qayd etishgandi. Avstraliyaning 3ta jamoasidan birgina «Brisben Roar» yengilmadi. «G‘arb» mintaqasida kutilmaganda, Qatar klublari yetakchilikni qo‘lga olishdi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
